Lɛɛ gbɔwɔ ɓa 9:21 - Yálá laawoo hɛɓɛ (dc)

²¹ Nuąi di hvo Yai-Laa wooi ti kaa a mɛ̨nį walawala, di di wɔ tínuą da di wɔ taatɛlɛɛɠaai lɛɛ ɲɛɛkɔwɔ hu, di hvo di nwun mąą kilɛ.

Yálá laawoo hɛɓɛ

²¹ Nuąi di hvo Yai-Laa wooi ti kaa a mɛ̨nį walawala, di di wɔ tínuą da di wɔ taatɛlɛɛɠaai lɛɛ ɲɛɛkɔwɔ hu, di hvo di nwun mąą kilɛ.

Bible

²¹ Kɛ́lɛ diai dífe díwoli tɔ̀ɔ ní Yâwɛɛ wóo mai, dí díluɛ-ŋai da dí taa-tulɛ-ŋai lɛ̀ɛ banaŋ ma.

Lɛɛ gbɔwɔ ɓa 9:21 Kruisverwysings

Kɔlɔnikɔ Maa-ŋuŋ 22:19

Akɛtii kani, ka ká kili, da ka wɔɔ yɛnɛ̨ɛ̨ kɛ a Yai-Laa ka wɔɔ Yálái kwɛliɛ. 'Ka ká muhəɠə, ka Yai-Laa Heeɓo kəlee Nąmu nwɔ pɛlɛ́i tɔɔ, əgɛ, ka pa a Yai-Laa nwɔ mįnɛ̨ Kəhii, ka ɉee mu, da Yálá kɔ́ hɛn ɲąŋąɠaa, ka ɉee nwɔɔ pɛlɛ́i mu, yaai ka dɔɔ Yai-Laa laa ɓa.»

Zôo 34:14

A kɛ kɛ a giliŋąhiɛ lɔ gbɔwɔ ɓa, yɛ pɛli nɔ̨ɔ̨ da nwɔ yɛnɛ̨ɛ̨ lɛɛi lɔ ɲəi,

Zôo 7:17

Lə kpɔ ɓaa nu yaai, yá mąą liihɛlɛn ɉee? Ə lɛɛ yɛ́ ə́ kili kɛ ɉu?

Lɛɛ gbɔwɔ ɓa 7:23

Eziptə tɔɔmun ə pənə ə li ɲəi bɛlɛ́ laaləi, hvo kpɛli gaa a mɛ̨nį walawala.

Lɛɛ gbɔwɔ ɓa 9:20

Tɔɔmun nwɔ ɲɛ̨itɔwɔ nuąi taɠaa di kɛ ɉu, mɛ̨nįi ti Yai-Laa ə mąą pamą la diɛ, di gaa a mɛ̨nį walawala, di mo kɛa di pɔ nuą diɛ, diɛ diɛ ka ka mąąkilɛ kɛɛnąą walawalaɠaa ɓa, ka ka yəi taatɛlɛɛɠaa.

Lɛɛ gbɔwɔ ɓa 9:22

Yai-Laa yɛ Moisə ɓa: «'Ə́ yee tɛ ɲələi, hanwon ə pu Eziptə lɔi nąą kəlee, ə pu nuą diɛ, ɉuwɔɠaa, da nɔwɔi kalaɠaa kəlee.»

Hanwon 22:3

Nui daa gilaa pɔ̨nɔ̨, a mɛ̨nį ɲɔ̨n gaa yɛ pa, a mąą kilɛ. Nuąi di hva di kiliŋąhiɛ, da lɛɛ a di nwun vilɛn ŋąą, mɛ̨nį ə laa diɛ.

Hanwon 24:32

Ŋą́ nąą kaa kpɔ a nɛlɛɛ, ŋį́ nąą mąąkpɛɛ, ŋį́ kili hɔlɔɓo.

Izikiɛ 40:4

Ɉulɔnui tii yɛ mą́ą́: Hulɔnu lon, ə́ ɲɛ̨i hee kpɔ laa a nɛlɛɛ; ə́ ə́ wəli tɔɔ kpɔ a nɛlɛɛ, mɛ̨nįɠaai kpɔ gáá pai nɛi yɛ́, ə́ kili lɛɛ gəlee hu. Maahɔlɔɓo, di lɛ yɛ́ mɛ̨nį ɓə gɛ diɛ pa a yɛ́ ɓɛ. Mɛ̨nįɠaai kpɔ ə́ kaa pai gaai, a kɛ ə́ gəlee hukulɔ Israɛlə nwɔ pɛlɛ́i mu nuą diɛ.

Danîa 10:12

Ə pənə nwɔ̨nɔ̨, yɛ mą́ą́: «Daniɛlə, hvo ɲɔw, ə həɠə kpɔ voló tɔlɔɔi tii ə́ ə́ wɔ kpɔɔmąąyɛɛ laa lɛ la Yálá ɓa, yɛ́ naa ə́ kwəi yɛ́ kɛ diɛ, mɛ̨nįɠaai pai kɛi ə́ gbaɠala kaa, Yálá aa ə́ wɔ hvɛliɓo woo mɛ̨n. Ŋą́ pa, ə gɛ, ŋą́ nwoo ŋąąpənə tɛɛ ə́ pɔ.

Samuɛlə dɔlɔɔ 4:20

Gɛɛ ɉaa lii tɛi, nɛ̨ɛ̨goloɠaa ŋɛ̨i kɛ gwɛlɛ, di mo mą, diɛ mą: «Ə́ liilaa, yáá lon ɉulɔnu kaa!» Hvo kpɛli di woo pulu pənə, gili kpɛli hvo kɛ laa pələ.