Lɛɛ gbɔwɔ ɓa 7:4 - Yálá laawoo hɛɓɛ (dc)

⁴ Kɛlaa hvo pai nwəli tɔɔi ka woo ɓa. Nąąlɔwai, gáá pai nwɔ́ huwalawala laa lɛi Eziptə lɔi ɓa, ŋį́ gɛlɛ. Yili pulu, ŋį́ nwɔ́ nuąi kulɔ Eziptə lɔi hu.

Yálá laawoo hɛɓɛ

⁴ Kɛlaa hvo pai nwəli tɔɔi ka woo ɓa. Nąąlɔwai, gáá pai nwɔ́ huwalawala laa lɛi Eziptə lɔi ɓa, ŋį́ gɛlɛ. Yili pulu, ŋį́ nwɔ́ nuąi kulɔ Eziptə lɔi hu.

Bible

⁴ Gâloŋ fé pâi ŋ̀óli tɔɔ̂i káwoo mâ. Gɛ̀ ní ŋa pâi nyée lâai Ize mɛi a mɛni ŋá-teɛɛ ŋá ŋakɔ́ kɔ́-ƃelai kúla Ize lɔii su, nyii-ŋai dí káa a Eezuɛ-ŋai.

Lɛɛ gbɔwɔ ɓa 7:4 Kruisverwysings

Lɛɛ gbɔwɔ ɓa 10:1

Yai-Laa yɛ Moisə ɓa: «'Li ə́ həli Eziptə tɔɔmun ma, mąąhɔlɔɓo, ɲą́ą́ ɓə gili walawala, da nwɔ ɲɛ̨itɔwɔ nuąi, ə gɛ, ŋį́ gbɔ́wɔ́ lɛ diɛ kwɛlɛɛn mɛ̨nįɠaa hu.

Lɛɛ gbɔwɔ ɓa 11:9

Yai-Laa yɛ Moisə ɓa: «Tɔɔmun hvo bɔ hvo nwəli tɔɔ ka woo ɓa, bələi mąn ŋą́ą́ kpalo mɛ̨nį tamąą kɛ la Eziptə lɔi hu.»

Lɛɛ gbɔwɔ ɓa 12:51

Volói tii ɓə, Yai-Laa ə Israɛlə lonnii kulɔ la Eziptə lɔi hu da di huwu kəlee.

Lɛɛ gbɔwɔ ɓa 13:3

Moisə ə mo nuą diɛ, yɛ diɛ: «Volói ŋɛ̨i Yai-Laa ə ka kulɔ la Eziptə lɔi hu, luwɔlaa hu, ka ka kili lɛɛ ɉu, mąąhɔlɔɓo, nwɔ huwalawala yee ɓə ə ka kulɔ la laa. Mąą hvólói ti a həli, lɛɠɛ yii dɛ hɛn gaa ɉu, nu ta hvo mįi.

Lɛɛ gbɔwɔ ɓa 13:9

Ɉɛlii ti pu mɛ̨nį ka yəi, gaa a kili lɛɛ ɉu, ka doo ka yee ɓa, ka da yili ka ɲɛ̨i mɛ̨i; əgɛ, Yai-Laa nwɔ tɔ́n nąą kili hvo pa kpɛɛ ka ɲą. Mąąhɔlɔɓo, ya ɓə ka kulɔ luwɔlaa hu a nwɔ huwalawalai hɛn da hva tɔɔ na.

Lɛɛ gbɔwɔ ɓa 18:8

Mɛ̨nįɠaai kpɔ Yai-Laa ə gɛ a Eziptə tɔɔmun da nwɔ nuąi diɛ, Israɛlə nuą mąą mɛ̨nį ɓa, Moisə ə gəlee hukulɔ mɔlɔ́ ɓa. Mɔ̨nɔ̨ɠaai laa diɛ bələ pɔ, da bələi Yai-Laa ə di kulɔ la ɉu, ə gəlee hukulɔ.

Lɛɛ gbɔwɔ ɓa 3:19

Gíli kaa ɉu, gɛ́ Eziptə tɔɔmun hvo pai hvaai mą ka hvo li, hvo kɛli yee tɔɔ gwąną mɛ̨nį laa a too ɉu.

Lɛɛ gbɔwɔ ɓa 3:20

Gáá pai mɛ̨nį laai Eziptə lɔi ɓa, a kwɛlɛɛn mɛ̨nį tamąą kɛi gáá pai moi ɉu. Yili kɛɛ pulu ɓə di kaa pai ɓoi la kaa, kaa li.

Lɛɛ gbɔwɔ ɓa 6:1

Yai-Laa yɛ mą: «Mɛ̨nįi gáá pai naai Eziptə tɔɔmun ma, ə́ kaa kɛa pai gaai. Hvo kɛli da di yee tɔɔ gwąną, ya ɓə a gɛ ə di lɛɛ laa di li; yee tɔɔ gwąną mɛ̨nį laa a too ɉu, ya ɓə gaa pai di kpɛi la nwɔ lɔi hu.»

Lɛɛ gbɔwɔ ɓa 6:26

Aarɔn da Moisə ɓə Yai-Laa ə kɛ diɛ: «Ka Israɛlə lonnii kulɔ Eziptə lɔi hu, yɛ bələi di huwu hee pələ kaa la.»

Lɛɛ gbɔwɔ ɓa 6:6

Yili ɓa, 'mo Israɛlə lonnii diɛ, yɛ́ diɛ: «Ɲą́ą́ ɓə a Yai-Laa, gáá pai ka kulɔi bɔlɔtɛ laa ŋɛ̨i hu Eziptə, Ŋį́ ka kulɔ mɔ̨nɔ̨ hu, Gáá ka nwun mąąɓoi a nwɔ́ huwalawala laa, yai hɛn da hva tɔɔ na.

Lɛɛ gbɔwɔ ɓa 7:13

Ə mą kɛ ti, Eziptə tɔɔmun ə gili walawala, hvo nwəli tɔɔ di woo ɓa, yɛ bələi Yai-Laa ə gbɛa mo la.

Lɛɛ gbɔwɔ ɓa 7:16

A pa, yɛ́ mą: ‹Yai-Laa Hebreuɠaa di wɔ Yálái ɓə dɔ́ɔ́ ə́ pɔ, yɛ ə́ ɓo nwɔ nu huwui ɓa, ə li nɔi pun ɉu, ə kwɛli hvilɛn mą; ya ka ti hvó gɛ li.

Lɛɛ gbɔwɔ ɓa 8:15

Bənən gɛ nuą diɛ tɔɔmun ma: «Yii nwɛi, Yálá kɛ mɛ̨nį ka.» Ə mą kɛ tii, tɔɔmun ə gili walawala, mɛ̨nįi ŋɛ̨i Moisə da Aarɔn di ɉu hvɛli mą, hvo gɛ, yɛ pələi Yai-Laa ə gbɛa mo la.

Lɛɛ gbɔwɔ ɓa 8:19

Mɛ̨nį nwąnąą ŋɛ̨i pai laai ə́ wɔ lɔi hu nuą diɛ, da hvo pai laai nwɔ́ nuąi diɛ. Tinąą ɓə yili kaa kɛi la.»

Lɛɛ gbɔwɔ ɓa 9:12

Kɛlaa Yai-Laa ə tɔɔmun gili walawala, hvo gɛ hvo nwəli tɔɔ Moisə da Aarɔn diɛ, yɛ bələi Yai-Laa ə gbɛa mo la.

Lɛɛ gbɔwɔ ɓa 9:3

Yai-Laa, kaa pai kwəikulɔ pɛlɛi ə́ wɔ taatɛlɛɛɠaai kəlee diɛ; ɉooɠaa, ɉoohvaalənŋąą, ɲɔ̨nwɔ̨mɛ̨ɛ̨ɠaa, nįŋɛ̨ɠaa da mɛlaaɠaa gaa pai kɛi a ɲɔ̨n nwala wala.

Hanwon 19:29

Hutɔɔ hvaɠa kaa a yɛlɛ mąą kɛ nuą di wɔɔ, ɛlɛɛ, gbɔn ə ɓo kilikpɛɛgwəi nuą hąą.

Azaya 26:9

Ə́ mąą lii kaa gwə́i kwíi hɛ̨ą, gíli hvilɛn ŋąą Yɛ́, ɉú pələ yɛ ə́ kwɛli, da kɛi ə́ wɔ kiti wooi pɔ yíi ɓo lɔi mɛ̨i, yɛnɛ̨ɛ̨ nu kanŋaa kɛɛ tələnmo yíi mąąkwɛlii ka tii.

Woolaa 3:3

Ɲą́ą́ dɔ̨nɔ̨ lɔ ɓə a ɲee haŋą mɛ̨́i a yələ kəlee.

Izikiɛ 14:21

Mąąhɔlɔɓo, mɛ̨nįi Yai-Laa kaa moi ya ka: «Ə mą kɛ, ŋą́ą́ hutɔɔ hɛnŋąą nąąn dɛɠɛ Ɉerusalɛmə ɓa, diɛ ɓaa a, kɔ-kɔ-ɓɔwa, pulu, lɔwɔ huwɔ kpəɠiɛɠaa, da ɲɔ̨n, diɛ nu kanŋaa da taatɛlɛɛɠaa paa laa,

Izikiɛ 25:11

Ŋą́ Moabə kiti tee, diɛ pɛli gili kɔ́lɔn ɉii tii, diɛ kɛ ɲą́ą́ ɓə gáá a Yai-Laa.

Izikiɛ 30:14

Gáá pai ɉɛɠɛɛ pələ lɔi hu woloi; gɛ́ nwɔ̨n bili Tanisə. Ŋą́ Tɛbɛsə kiti tee.

Izikiɛ 30:19

Gáá pai nwóóɠaa pɔ mɛ̨nį kɛi Eziptə lɔi mɛ̨i, nąąlɔwai da gbaɠala kaa diɛ kɛ ɲą́ą́ ɓə gáá a Yai-Laa.»

M̀ɛni-lɛɛi 15:4

Ną́mu, gbɛɛ ɓə hva pɛli ɲɔwi yɛ́, ɛlɛɛ, hvo mąąwiɛlaa tɛɛ ə́ laa pɔ? Mąąhɔlɔɓo, yɛ́ kɔw tanɔ̨n gbən mə ə́ mąąhəɠɛɛ. Hįi lɔi kəlee kaa pai pai, ɛlɛɛ, di gwɛli hvilɛn yɛ́, mąąhɔlɔɓo, ə́ wɔ kitiɠaai daa too pono ɲą.»

M̀ɛni-lɛɛi 16:7

Ɛlɛɛ, ŋį́ ɉaláá kulɔi woo mɛ̨n, yɛ mą: «A tɛ̨ą, Hééɓo kəlee Nąmu Yálá, ə́ wɔɔ kitiɠaa haŋąąi, ɛlɛɛ, yɛ ɓo a tɛ̨ą.»

M̀ɛni-lɛɛi 19:2

Mąąhɔlɔɓo, ŋą kitiɠaai laahvɛɛi a tɛ̨ą, ɛlɛɛ, da tələnmolaa. Aa nwɛlikɛ nɛ̨ɛ̨nu kɛnɛ̨i kiti tee, yai kɛli lɔi kəlee kɔhɔɓo a ŋą wɛlikɛɛ, ɛlɛɛ, aa ŋą tínuą ɲąmą kwələ kulɔ mą.»

Nwun mąąɓo 2:15

Ɓɛlɔwai lɔpee kɛ da li la kɔ́ mɛ̨i, Yai-Laa hva gɔ́ nɛ̨ɛ̨ diɛ, yɛ bələi Yai-Laa ə mo la, yɛ gwɛla diɛ. Nąąlɔwai tii hu, laanɔ̨nwɔ̨ kɛnɛ̨ ə laa di mɛ̨i.