Lɛɛ gbɔwɔ ɓa 6:2 - Yálá laawoo hɛɓɛ (dc)

² Yálá yɛ nwɔ̨nɔ̨ Moisə ɓa: «Ɲą́ą́ ɓə gáá a: Yai-Laa.

Yálá laawoo hɛɓɛ

² Yálá yɛ nwɔ̨nɔ̨ Moisə ɓa: «Ɲą́ą́ ɓə gáá a: Yai-Laa.

Bible

² Ɣâla è mò Mose ma ǹyɛɛi, “Ńyãa ƃa Yâwɛɛ.

Lɛɛ gbɔwɔ ɓa 6:2 Kruisverwysings

Zɛnɛse 15:7

Yálá ə mo Abramə ɓa, yɛ mą: «Ɲą́ą́ gáá a Yai-Laa, yii ə́ kulɔ Urə daai Kalde nuą pɔ lɔi, ə gɛ, nɔi ŋɛ̨i ə́ kaa ɉu, ŋį́ dɛɛ ə́ pɔ a ə́ wɔɔ.»

Lɛɛ gbɔwɔ ɓa 12:12

«Mąą kpinįi ti hu, gáá pai tɛɛi Eziptə lɔi nąą kəlee, lon dɔlɔɔɠaai kpɔ di kaa nɔi, ə kɛ a nu ə kɛ a daatɛlɛɛɠaa, ŋį́ gəlee paa. Ɉaliɠaai kpɔ gaa di yəi, nwɔ́ kiti kaa pai həlii gəlee ɓa Eziptə lɔi hu. Ɲą́ą́ ɓə gáá a Yai-Laa.

Lɛɛ gbɔwɔ ɓa 14:18

Eziptə nuą kaa pai gɔlɔn ɉii diɛ ɲą́ą́ ɓə gáá a Yai-Laa, ɓɛlɔwai gáá pai nwɔ́ huwalawala laa mąąwiɛi lɛi la Eziptə tɔɔmun, nwɔ wotoloɠaai da ɉoo mɛ̨i nuą diɛ.»

Lɛɛ gbɔwɔ ɓa 15:3

Yai-Laa kaa a kɔ́kuláá, Naa ɓa a: Yai-Laa.

Lɛɛ gbɔwɔ ɓa 17:1

Israɛlə lonnii kəlee di həɠə Sin nɔi pun ɉu, diɛ kɛa li a bɛlɛɛ-pɛlɛɛ, yɛ bələi Yai-Laa ə kɛi di tənən dɔɔ la. Di tɔɔ Refidimə, kɛlaa, yá hvo kɛ laa, yii nuą da gbələ.

Lɛɛ gbɔwɔ ɓa 20:2

«Ɲą́ą́ gáá a Yai-Laa, ka wɔ Yálá, yai ka kulɔ Eziptə luwɔlaa hu.

Lɛɛ gbɔwɔ ɓa 3:14

Yálá yɛ Moisə ɓa: «Náá ɓaa a: ‹Yai Gaa Lɔ A Yaa›, yá li, yá kɛ diɛ, nui ŋɛ̨i naa ɓa a: ‹ƝĄ́Ą́ LƆ, ya ɓə dɔ́ɔ́ ka pɔ.›»

Lɛɛ gbɔwɔ ɓa 3:15

Yálá yɛ́ nwɔ̨nɔ̨ Moisə ɓa: «Lii ə́ kaa moi yá kɛ Israɛlə lonnii diɛ: Yai-Laa, ka nąnni di wɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá, ya ɓə dɔ́ɔ́ ka pɔ. Náá ka tii a yələ kəlee mɛ̨nį, ya ɓə da vɛ́li ɉu.

Lɛɛ gbɔwɔ ɓa 6:29

Ə kɛ mą: «Ɲą́ą́ ɓə gáá a Yai-Laa; mɛ̨nįɠaai ŋɛ̨i gáá moi yɛ́, 'li ə́ mo Eziptə tɔɔmun ma.»

Lɛɛ gbɔwɔ ɓa 6:6

Yili ɓa, 'mo Israɛlə lonnii diɛ, yɛ́ diɛ: «Ɲą́ą́ ɓə a Yai-Laa, gáá pai ka kulɔi bɔlɔtɛ laa ŋɛ̨i hu Eziptə, Ŋį́ ka kulɔ mɔ̨nɔ̨ hu, Gáá ka nwun mąąɓoi a nwɔ́ huwalawala laa, yai hɛn da hva tɔɔ na.

Lɛɛ gbɔwɔ ɓa 6:8

Gáá lii a kaa nɔi ŋɛ̨i ŋą́ naakwɛlanmo Abrahamə, Isaakə da Ɉakɔbə ni diɛ ɉu. Gáá nąą tɛɛi ka pɔ a ka wɔɔ. Ɲą́ą́ Yai-Laa ɲą́ą́ ɓə mo.»

Azaya 42:8

Ɲą́ą́ ɓə a Yai-Laa, ɛlɛɛ, náá li; ɛlɛɛ, nwɔ́ mąąwiɛi və́ pai dɛɛi nu takpɛli pɔ, ə mą kɛ mą́ą́tɛnɛ wələi mąąnɛ̨ɛ̨ di doo mą́ą́, vá dɛɛ haliɠaa pɔ.

Azaya 43:11

Ɲą́ą́, ɲą́ą́ ɓə a Yai-Laa, nwun mąąɓomun dakpɛli hvo la ə kulɔ ɲą́ą́ búlu.

Azaya 43:15

Ɲą́ą́ ɓə a Yai-Laa, ka wɔ Mąąhəɠəmun, yai Israɛlə pɛli, yɛ ɓo a ka wɔ Heeɓomun.

Azaya 44:6

Israɛlə nwɔ Mɛ̨nį Kəlee ŋą Hééɓomun Yai-Laa, woo ka, yai a Israɛlə nwun mąąɓomun, Yai-Laa, huwalawala kəlee Nąmu, yɛ diɛ: ɲą́ą́ ɓə a dɔlɔɔ, ɲą́ą́ ɓə a ɲąąkpɛɛi, ə kulɔ ɲą́ą́ búlu, yálá takpɛli hvo laa.

Ɉeremi 9:24

Yai-Laa yɛ diɛ: Yələ ta, gáá pai kpɔ lii kɔ́lɔ ɓa kɛ́nɛ̨ laa hu!

Izikiɛ 20:5

«Ɲą́ą́ Mɛ̨nį kəlee ŋą Hééɓomun Yálá nwóó laa həli diɛ, yɛ diɛ: Ɲələi ŋą́ Israɛlə həɠə la a; nííɓa lɔi, ŋą́ ɲéé tɛ yələi, ŋą́ gwɛla Ɉakɔbə yəi bɛlɛ́n nu huwu ɓa; ŋą́ gbɔ́ɔ́ lɛ diɛ Eziptə lɔi hu, ŋą́ ɲéé tɛ yələi, ŋą́ gwɛ́la, gɛ́ diɛ: Gáá a Yai-Laa ka wɔ Yálá.

Malasi 3:6

Ɲą́ą́ Yai-Laa, mą́ą́ hva hvalin. Káái a Ɉakɔbə nu huwu, ka káá kpɔ a nonnii leelee ka túwɔ́ pələ hu.