Lɛɛ gbɔwɔ ɓa 20:8 - Yálá laawoo hɛɓɛ (dc)

⁸ «'Ə́ kili lɛɛ vįitɔɔ yələ hu, Yálá nwɔɔ li.

Yálá laawoo hɛɓɛ

⁸ «'Ə́ kili lɛɛ vįitɔɔ yələ hu, Yálá nwɔɔ li.

Bible

⁸ “Vii-tɔɔ-ɣelei é lɛ́ɛ íkili ŋá í mɛi káa a maa waa.

Lɛɛ gbɔwɔ ɓa 20:8 Kruisverwysings

Zɛnɛse 2:2

Yálá ə gɛ́ kóló kəlee kɛ ə kpɛɛ la, voló mɛ̨ihveelɛ yələ, ə hee, ə vįitɔɔ gɛ kóló kəlee ɓa.

Zɛnɛse 2:3

Ə lúwɔ́ too voló mɛ̨ihveelɛ yələ ɓa, ə ɉəɠə ɉu a nwɔɔ. Mąąhɔlɔɓo, volói ti ɓə, ə ɲee laa kulɔ la gɛ koló kəlee ɓa.

Nehemi 13:15

Nąąlɔwai tii hu, ŋį́ nuą kaa Ɉuda lɔi hu diɛ di wɔ viɲəɠaa ya kulɔ a túwɔ́ lɔwɔ yələ, daɠaa daa mɔ̨nun naa di wɔ hoohvaalənŋąąi pulu, da lɔɔ, viɲə ɓáɠaa, ɓɔ́ɔ́laa ɓa, tiɛ̨ huwui lɔpee gəlee, diɛ lɔ la Ɉerusalɛmə daai a túwɔ́ lɔwɔ yələ, volói tii ɓə, di kɛi di wɔ hɛnŋąą tii lɔwɔ too la, ŋį́ haŋą diɛ.

Nehemi 9:14

Ə́i wɔ hvįįtɔɔ yələ mąąhəɠɛɛ lɛ diɛ, ə́ di hiɛ pələ lɛ diɛ da yɛnɛ̨ɛ̨ kɛ pələ, da ə́ wɔ tɔ́n. Ə́ wɔ kɛla Moisə pɔ pələ.

Lɛɛ gbɔwɔ ɓa 23:12

«‹Hvoló mɛ̨ida yee mu, ə́ kɛ kóló kɛ. Kɛlaa, vóló mɛ̨ihveelɛ yələ, ə́ túwɔ́ ə́ ə́ hvįįtɔɔ, ə́ wɔ nįŋɛ̨i da ə́ wɔ hoohvaalən di di hviitɔɔi, ɛlɛɛ, ə́ wɔ luwɔ nɛ̨ą lon da nwɛ̨ą di di hvina kulɔ.

Lɛɛ gbɔwɔ ɓa 31:12

Yai-Laa yɛ Moisə ɓa:

Lɛɛ gbɔwɔ ɓa 35:1

Moisə ə Israɛlə lonnii kəlee ŋąąkpɔn, yɛ diɛ: «Mɛ̨nįɠaai Yai-Laa ə mo yɛ gu gɛ, diɛ ka:

Azaya 56:2

Nu a túwɔ tii a ganąn bələ mą́ą́, mąą nu kaa a lúwɔ lon, yai hva vitɔɔ yələ mąą kala, Kɛlaa yɛ mąąhəɠə, ɛlɛɛ, hva ɲee too mɛ̨nį ɲɔ̨n lɔpee da hu.»

Azaya 58:13

Ya wala kɛ kólóɠaa kɛi a hvįįtɔɔ yələ, ya kpəla tɔ̨nɔ̨ kwɛliɛ ɓa, a nwɔ́ hvóló mąąhəɠɛɛ, ya vįitɔɔ yələ laa hee, «a ə́ liiɓa hvóló», Yɛ́ Yai-Laa nwɔ hvólói mąąhəɠɛɛ laa hee, a «hvóló Mąąwiaa.» Yɛ́ mąą həɠə a ə́ lííɓa hiɛɠaai ya nɛɛ laa, hva tɔ̨nɔ̨ kwɛli a mąą yələ, hvo túwɔ mɛ̨nį ɓo hu a mąą yələ.

Ɉeremi 17:21

Yai-Laa yɛ: Nu ta hvo tiɛ̨ həɠə a vįitɔɔ yələ, yɛ tɛɛ la Ɉerusalɛmə taa gbonŋaa laaləi,

Ɉeremi 17:22

Nu ta hvo nwɔ̨nɔ̨ tiɛ̨ həɠə hvo kulɔ la ɲəi pɛlɛ́n a vįitɔɔ yələ, nu ta hvo kóló lɔpee ta kɛ, kɛlaa, ka vįitɔɔ yələi tii kɛ a hvoló mąąhəɠɛɛ, yɛ bələi ŋį́ ka nąnni tí la.

Ɉeremi 17:24

Yai-Laa yɛ: Káá ŋɛ̨i, ka ka wəli tɔɔ a nɛlɛɛ, ka wala tɛɛ a tiɛ̨ daa ŋɛ̨i gbonŋaa laaləi, ka wala kóló huwui lɔpee da kɛ a mąą yələi, kaa vįitɔɔ yələ mąąhəɠə,

Izikiɛ 20:20

'Ka nwɔ́ hvįįtɔɔ hvólóɠaai kaa a hvoló mąąhəɠɛɛɠaa. Gwa kaani gu lɔwai mɛ̨nį kili too mɛ̨nį ɓə ka ŋą. Kaa pɛli gbaɠala kaai, kaa kɛ, ɲą́ą́ ɓə a Yai-Laa ka wɔ Yálá.

Levetekɔ 19:3

«Nu kəlee ə nwumɛ̨ nąn da nee diɛ, ka nwɔ́ hvįįtɔɔ yələɠaai mąąwiɛ. Ɲą́ą́ ɓə gáá a Yai-Laa ka wɔ Yálá.

Levetekɔ 19:30

'Ka nwɔ́ hvįįtɔɔ yələɠaa mąąwiɛ, ka nwɔ́ pɛ́lɛ́i mąąwiɛ. Ɲą́ą́ ɓə gáá a Yai-Laa.

Levetekɔ 23:3

«Nu kəlee ə mąą kóló kɛ hvóló mɛ̨ida yee mu, kɛlaa, voló mɛ̨ihveelɛ yələ kaa a hvįįtɔɔ hvóló; ka ka ɲąąkpɔn a mąą yələ, ka náá mąąwiɛ. Ka hvo kóló ta lɔpee kɛ a mąą yələ. Yai-Laa nwɔ hvólói li, ɓɛi lɔpee ka kɛ laa heeni, ka ka kili lɛɛ ɉu.

Levetekɔ 26:2

Ka nwɔ́ túwɔ́ yələi laa hɔnmo, ka nwɔ́ pɛlɛ́ mąąhəɠɛɛ mąąwiɛ. Ɲą́ą́ ɓə gáá a Yai-Laa.

Lonon mo 15:32

Ɓɛlɔwai Israɛlə lonnii di kɛ nii la nɔi pun ɉu; di nu ta hon, yɛ kwɛi kwɛli a hvįįtɔɔ yələ.

Dutɛrɔnome 5:12

«'Ka túwɔ́ yələ mąąwiɛ, ka gɛ a hvóló mąąhəɠɛɛ, yɛ bələi Yai-Laa ka wɔ Yálái ə ka tí la.