Lɛɛ gbɔwɔ ɓa 12:6 - Yálá laawoo hɛɓɛ (dc)

⁶ Ka ɉon, a lɛɛ ka yəi, ə lɛɛ ɉu, ɲąnin nwɔ hvóló pow gɔw nąąn ɲələ, yələwulii pɔ, nu kəlee ə nwɛi paa.

Yálá laawoo hɛɓɛ

⁶ Ka ɉon, a lɛɛ ka yəi, ə lɛɛ ɉu, ɲąnin nwɔ hvóló pow gɔw nąąn ɲələ, yələwulii pɔ, nu kəlee ə nwɛi paa.

Bible

⁶ É lɛ́ɛ káyêei é lɛ́ɛ la zu ŋáloŋ ŋɔfólo puu káo náaŋ ɣele é seri. Gɛ̀ ní Eezuɛ-ŋai kélee da pâi dípaâi a ŋ̀ele-wûlii.

Lɛɛ gbɔwɔ ɓa 12:6 Kruisverwysings

Kɔlɔnikɔ Veerɛi 35:1

Ɉosiasə ə Yai-Laa nwɔ pakə hɛlii pu Ɉerusalɛmə, di pakə haláá kulɔ a ɲąnįn dɔlɔɔ nwɔ hvóló pow gɔw nąąn ɲələ.

Ɛsdrasə 6:19

Nuąi kpɔ həɠə nuwɔ laa hu di pa, di pakə hɛli pu. Ɲąnįn dɔlɔɔ nwɔ hvóló pow kɔ́w nąą ɲələ,

Lɛɛ gbɔwɔ ɓa 12:14

«Kwɛlan nwoo kwɛlan, mɛ̨nį lɛlɛɛi ŋɛ̨i ŋą́ą́ gɛ kaa, ka kɛ kpɔlɔ ɉɛli pui, ɲą́ą́ Yai-Laa náá hu. Gaa pai kɛi ka mɛ̨i a tɔ́n, hva ɉəɠə mą.

Lɛɛ gbɔwɔ ɓa 12:17

«Ka ka yee kanąn lɛɠɛi dɛ hɛn və ɉu nwɔ hɛli ɓa. Mąąhɔlɔɓo, ɲələ ɓə ŋį́ ka kulɔ la Eziptə lɔi hu. Ka ka yee kanąn vólói tii ɓa, kaa ɉɛli pu la a kwɛlan nwoo kwɛlan, gaa pai kɛi ka mɛ̨i a tɔ́n hva ɉəɠə mą.

Lɛɛ gbɔwɔ ɓa 12:18

«Ɲąnin dɔlɔɔ nwɔ hvóló pow kɔ́w nąąn ɲələ, yələwulii pɔ, lɛɠɛi dɛ hɛn və ɉu, ka lɛɛ mįi, ə lɛɛ ɉu, nwɔ hvóló pow hveelɛ kɔ́w tɔ̨nɔ̨ ɲələ yələwulii.

Lɛɛ gbɔwɔ ɓa 12:47

«‹Israɛlə nu huwu kəlee, mąąnɛ̨ɛ̨ di ɉɛlii ti pu.

Lɛɛ gbɔwɔ ɓa 16:1

Israɛlə lonnii di həɠə Elimə, di həli Sin nɔi pun ɉu, Elimə da Sinai di lɔwai. Di kulaa Eziptə lɔi hu, ɲąnin veelɛnąą nwɔ hvóló pow kɔ́w lɔɔli yələ li kɛ.

Lɛɛ gbɔwɔ ɓa 16:12

«Ŋą́ą́ Israɛlə lonnii woo mɛ̨n, diɛ hvaa di nwun ɉu, mo diɛ, yɛ diɛ: Hvitili ɓa, ka káá pai huwɔ mįi, yələwala pɔ, ka káá pai pilɛi kɔ̨nɔ̨n ɉu a ka liiɓa; ka káá pai gɔlɔn ɉii, kaa, Ɲą́ą́ Yai-Laa, ɲą́ą́ ɓə a ka wɔ Yálá.»

Lɛɛ gbɔwɔ ɓa 19:1

Israɛlə lonnii kulaa Eziptə lɔi hu, ɲąnin ɉaaɓa tɛɛ pulu, di həli Sinai nɔi pun ɉu.

Lɛɛ gbɔwɔ ɓa 29:39

Yá mɛlaa lon dɔlɔɔ paa yələwala, ə́ veelɛnąą paa hvitili ɓa.

Lɛɛ gbɔwɔ ɓa 29:41

Mɛlaa lon veelɛnąą nwɛi, ya baa hvitili ɓa, bələi lɔ ə́ yələwala pɔ haláá kulɔ la, yá gɛ lɔ ti, da nɔɔ mɛ̨nį, haláá kun nɛ̨ɛ̨ li, yili kaa a kɔ́ɓo hɛn yii da gələn a Yai-Laa nwɔɔ.

Azaya 53:6

Gu kəlee gwaa kɛ lan yɛ ɓɛlaaɠaa, nu kəlee ə kɛi li a niiɓa pələ, ya ka tii Yai-Laa ə gu kəlee gu wɔ túwɔ pələ ɲɔ̨n nwulu lɛɛ nwuɔ̨.

Izikiɛ 45:21

Ɲąnin dɔlɔɔ nwɔ hvóló pow kɔ́w nąąn ɲələ, a kɛ a ka wɔ pakə hɛli; ka bu hvóló mɛ̨ihveelɛ yeemu, lɛɠɛi dɛ hɛn və ɉu, ya ɓə ka mįi a mąą yələ.

Levetekɔ 23:5

«Ɲąnin dɔlɔɔ nwɔ hvóló pow kɔ́w nąąn ɲələ, yələ wulii, Yai-Laa nwɔ pakə hɛli ka tii.

Lonon mo 28:16

«Ɲąnin dɔlɔɔ nwɔ hvóló pow kɔ́w nąąn ɲələ kaa a pakə, Yai-Laa mąąwiɛ yələ li.

Lonon mo 28:18

Ɉɛlii tii nwɔ hvóló dɔlɔɔ yələ, ka ɲąąkpɔn mąąhəɠɛɛ kɛ ka hva lɔwɔ mu kóló ta kɛ.

Lonon mo 9:11

Kɛlaa, akɛ a ɲąnin veelɛnąą nwɔ hvóló pow kɔ́w nąąn ɲələ hvitili ɓa, ya ɓə da pɛli di ɉɛlii tii pu la. Da mɛlaa lon mįi a lɛɠɛi dɛ hɛn və ɉu, da nɔ́w nwąnąąɠaa.

Maafîu 27:20

Ɉaláá laa həli nuą kpɛa-kpɛa nwun nąmįnąɠaa da Ɉuifə kalaɉonŋąą di mo nɔi nuą kəlee diɛ, diɛ diɛ: «Ka gu hvaamą, di ɓo Barabasə ɓa, di Jesus paa.»

Maafîu 27:25

Nu kpului tii kəlee diɛ mą: «Ɲąmą wulu a lɛɛ ku nwuɔ̨ kwa ku lonnii.»

Markə 15:1

Yələ wala piinɛ̨ɛ̨, ɉaláá laa həli nuą nwun nąmįną da Ɉuifə kalanɉonŋąą, ə mą kɛ, dɔ́n galamɔ̨ɔ̨ɠaa da tɔ́nvili nąmįną kəlee di di nwun dɔɔ. Yili pulu, di Jesus hon di ɲili, də li di dɛɛ Pilatə pɔ.

Markə 15:11

Ɉaláá laa həli nuą nwun nąmįną di nɔ kwəi kɛ, nu kpului tii ɓa ə gɛ di mo Pilatə ɓa ə tee Barabasə ɓa.

Markə 15:25

Ɓɛlɔwai di Jesus kpanwo la kolɔwa ɓa, ə kɛ a yələwala hvóló liɛn ŋąąnwąnąi lɔwai.

Markə 15:8

Nu kpului tii kəlee di lɛɠɛ Pilatə ɓa diɛ mą: «Mɛ̨nįi ya kɛ gɛi a ku wɔ hɛli həli pələ tɛitɛi kəlee hu, da kɛ nwɔnɔ̨.»

Lukə 23:1

Nu kpului tii kəlee di di muhəɠə, diɛ li a Jesus Pilatə lííla.

Lukə 23:18

Kɛlaa, di kəlee di tómą kpɔ a di woo kɛnɛ̨, diɛ kɛ diɛ: «Nui ŋɛ̨i paa, ə́ Barabasə lɛɛ gbɔwɔ ɓa.»

Gɛlaɠaa 2:23

Ɉulɔnui ti, yɛ bələi ə kɛ la a Yálá nwɔ mɛ̨nį pɛliɛ da nwɔ mɛ̨nį kɔ́lɔnŋąa, ká gwɛlɛ nuąi di hvo Yálá kɔ́lɔn diɛ, di gbanwo kolɔwa ɓa, di baa.

Gɛlaɠaa 3:14

Ká lənə Mąąhəɠəmun tələnmoɔ ɓa, ɛlɛɛ, kaamun ká kɛɛkalamun ɉu hvɛli, di dɛɛ ka pɔ.

Gɛlaɠaa 4:27

«Mąąhɔlɔɓo, gaa a tɛ̨ą, Herodə da Pɔnsə Pilatə di di yee lɔ gee hu ɓɛ daai, da nwea, ə mą kɛ da Israɛlə nu huwu, ə gɛ, di kɔ́ pɛlɛ Yálá nwɔ tímun Jesus ɓa, yaai Yálá ə ɉəɠə ɉu ə gɛ a nuą Nwun mąąɓomun.

Zasua 5:10

Israɛlə nuą di hee Gilgalə, di pakə hɛli pu laa, a ɲąnin tii di kɛ ɉu nwɔ hvóló pow kɔ́w nąąn ɲələ yələ wulii pɔ Ɉeriko nɛ̨ŋɛ̨ lɔi hu.