Dutɛrɔnome 26:11 - Yálá laawoo hɛɓɛ (dc)

¹¹ Ɛlɛɛ nwunnąnɛ̨ɛ̨ kpɔ tii, Yai-Laa ka wɔ Yálái ə gɛ kaa, ka ka yəi bɛlɛ́n nuą, ka kɛ kwəinɛ̨ɛ̨ hu, ka Levi lonnii da nwɛ̨ąi di kaa ka kɔ́wɔ mɛ̨i.

Yálá laawoo hɛɓɛ

¹¹ Ɛlɛɛ nwunnąnɛ̨ɛ̨ kpɔ tii, Yai-Laa ka wɔ Yálái ə gɛ kaa, ka ka yəi bɛlɛ́n nuą, ka kɛ kwəinɛ̨ɛ̨ hu, ka Levi lonnii da nwɛ̨ąi di kaa ka kɔ́wɔ mɛ̨i.

Bible

¹¹ Ka lii-nɛ̃ɛ kula ka Liiva-ŋai da ŋɔ̃ya-ŋai m̀ɛni lɛ́lɛɛ-ŋai mɛni ma Káɣâlai Yâwɛɛ a gɛ̂i kâai.

Dutɛrɔnome 26:11 Kruisverwysings

Nehemi 8:10

Ɛsdrasə yɛ diɛ: «Ka li, ka kɔ̨nɔ̨n nɛlɛɛɠaa mįi, ka lɔɔ nɛ̨ɛ̨ɠaa kpələ, ɛlɛɛ, nui hvo pɛli li hɛn da kɛ pələ pɛlii, ka mąą nuą tii kɔ́. Mąąhɔlɔɓo, volói ŋɛ̨i kaa a gu Ną́mu nwɔ hvóló mąąhəɠɛɛ, ka hvo kɛ liihɛlɛn ɉu, mąąhɔlɔɓo, Yai-Laa nwɔ kwəinɛ̨ɛ̨ ɓə gaa a guɔ huwalawala.»

Ikilisiati 3:12

Ŋą́ą́ gɔlɔn, gɛ́ diɛ: Tɔlɔ takpɛli hvo nu lonnii yəi, hvo kɛli lɔ di di ɲąąnɛ̨ɛ̨ kulɔ di kɛ kóló dɔlɔ hu; di wɔɔ yɛnɛ̨ɛ̨ hu.

Ikilisiati 3:13

Nu a kɔ̨nɔ̨n ɉɔlɔɓo yɛ mįi, yɛ gbələ, yɛ ɲąąnɛ̨ɛ̨ kulɔ gɛ kóló hu, yili kaa a Yálá yəi mɛ̨inɛ̨ɛ̨.

Ikilisiati 5:18

Yili pulu, Yálá a hɛn gɔw da yee la hvólón dɛɛ nu pɔ, mąą nu yɛ pɛli gɛ kóló dɔlɔ kulɔi, yili kaa a Yálá yəi mɛ̨inɛ̨ɛ̨.

Ikilisiati 7:14

Ɓɛlɔwai ɲɛnɛ̨ɛ̨ ɲąą a nɛ̨ɛ̨ la gu yəi, ka gu gu kwəinɛ̨ɛ̨. Ɲąąnwąnąą a həli la guɔ, ka gu gu kiliŋąhiɛ, ɲąąnɛ̨ɛ̨ da ɲąąnwąnąą, Yálá kɛ mɛ̨nį ɓaa a gəlee, Ə yili kɛ tii, əgɛ, nu hvo pɛli Yálá kɛ mɛ̨nįɠaa kpun ɉu kaai.

Azaya 65:14

Nwɔ́ tínuąi kaa pai kɛi tómąi a kwəinɛ̨ɛ̨, mąąhɔlɔɓo, di kaa di nɛ̨ɛ̨ hu kɛnɛ̨, Ka wɛi, kaa tómą a wɔlɔ woo, ka lii kələn bələ ɓa ka kwəi a mɔ̨nɔ̨, a tɛ̨ą, ka lii kaa pai yalii ka kwəi, kaa gboo təli!

Zakari 9:17

Ee kə! Di kaa pai kɛi di nɛ̨ɛ̨ hu tai! Di kaa pai lɛlɛi-yee! Mɔ̨nun da lɔɔ di lɛlɛ pələ kaa pai, ɉilɛlɛa, da nɛ̨ɛ̨lɛa di kwəi nɛ̨ɛ̨i.

Korɛntə dɔlɔɔ 9:11

Akɛ kwaa Yálá-taa mɛ̨inɛ̨ɛ̨ hin ká kili pɔ, mɛ̨nį ɲɔ̨n maa mɔ̨ɔ̨ ku ku wɔɔ hɔlɔɓo ká kɛ kolo hu?

Dutɛrɔnome 12:12

Nąą ɓə ka káá pai kɛi kwəinɛ̨ɛ̨ kulɔi laa Yai-Laa ka wɔ Yálái lííla; kaa mąn, ka lon ɉinąą mąn, ka lon nɛ̨ąą mąn, ka wɔ luwɔ hinąą da ka wɔ luwɔ nɛ̨ąą, ə mą kɛ Levi lonnii di kaa ka wɔ taaɠaai hu. Mąąhɔlɔɓo, Levi lonnii tii lɔi hvo di yəi, di kwɛlin və di yəi yɛ kaa.

Dutɛrɔnome 12:18

Ka pa a ɉɛnŋąą tii, ka mįi Yai-Laa ka wɔ Yálái lííla; ɓɛi gaa pai ɲee kpuwɔ lɛi laa. Gɛɛnąą tii ɓə ka káá pai kɛi di mįi laa ka ka lon ɉinąą da ka lon nɛ̨ąą, ə mą kɛ ka wɔ luwɔ hinąą da nɛ̨ąą, da Levi lon yii ka wɔ taai hu. Ɉɛn gɔwi ka káá pai ɉɔlɔɓoi ka kɛ kólóɠaa hu, ka yili mąą kwəinɛ̨ɛ̨ kulɔ Yai-Laa ka wɔ Yálái ɲɛ̨i ɓa.

Dutɛrɔnome 12:7

Nąą ɓə ka káá pai kɛi ka laa mį́i laa gee ɓa, ka ka yəi bɛlɛ́n nuąi Yai-Laa ka wɔ Yálá ɲɛ̨i ɓa a kwəinɛ̨ɛ̨. Mąąhɔlɔɓo, mɛ̨nįɠaa kpɔ ka káá pai ka yee tooi ɉu, Yai-Laa ka wɔ Yálái kaa pai ɉu nɛɛi, ə lúwɔ́ too ka.

Dutɛrɔnome 16:11

Gɛɛnąą tii Yai-Laa ka wɔ Yálái kaa pai ɲeekpiɛ lɛi laa, yɛ naa hee laa, ka káá pai kɛi laa kwəinɛ̨ɛ̨ hu, Yai-Laa ka wɔ Yálái lííla, ka ka lonnii ɉinąą mąn nɛ̨ąą mąn, ə mą kɛ ka wɔ luwɔɠaa, ɉinąą mąn, nɛ̨ąą mąn, ə mą kɛ, Leviɠaai di kaa ka lɔwai ka wɔ taaɠaa hu, da ka wɔ nwɛ̨ąą, təliɠaa, da galaninŋąąi ka lɔwai.

Dutɛrɔnome 27:7

Ka liilaa halááɠaa kulɔ, kaa ka laa mįi laa; kaa ka kwəinɛ̨ɛ̨ Yai-Laa ka wɔ Yálái lííla.

Dutɛrɔnome 28:47

«Akɛ ka wala tí Yai-Laa ka wɔ Yálái ɓa a ka kwəinɛ̨ɛ̨, da ka lii kəlee, ɓɛlɔwai ka yee laahvɛɛi la a hɛn gəlee,

Filipə 4:4

Ká ká kwəinɛ̨ɛ̨ gu Ną́mu hu, gáá kpɔ pənəi ŋį́ mo, 'ká kwəinɛ̨ɛ̨ kulɔ.