Timote dɔlɔɔ 4:15 - Yálá laawoo hɛɓɛ (dc)

¹⁵ Yili ɓə mąąnɛ̨ɛ̨ ə́ ə́ kiliŋąlaa mą. Yili ɓə mąąnɛ̨ɛ̨ ə́ tɔɔ la kpąą, ə gɛ, nu kəlee di ə́ wɔ tɛ tɔwɔ laa kaa.

Yálá laawoo hɛɓɛ

¹⁵ Yili ɓə mąąnɛ̨ɛ̨ ə́ ə́ kiliŋąlaa mą. Yili ɓə mąąnɛ̨ɛ̨ ə́ tɔɔ la kpąą, ə gɛ, nu kəlee di ə́ wɔ tɛ tɔwɔ laa kaa.

Bible

¹⁵ Mɛni-ŋai ŋí maa kɔ́ri, í íkpîŋ tɛɛ dípɔ a gɛ́ɛ núu kélee dí gáa berei íkaa liî la tuɛ-perei.

Timote dɔlɔɔ 4:15 Kruisverwysings

Mąątɛ̨nɛ̨ 1:2

Kɛlaa, niiɓa ɓaa Yai-Laa nwɔ tɔ́n nwoo, a giliŋąhiɛ mą a hvoló da kpinį.

Mąątɛ̨nɛ̨ 104:34

Mąątɛ̨nɛ̨ wələi gáá dooi, ə nɛ̨ɛ̨ nwəlii! Ɛlɛɛ, Yai-Laai, 'ə kɛ lɔ a nwɔ kwəinɛ̨ɛ̨.

Mąątɛ̨nɛ̨ 105:5

'Ka ka kiliŋąhiɛ gbalo mɛ̨nįɠaai Ə gɛ diɛ, da gwɛlɛɛin mɛ̨nįɠaai ə kɛi gɛ, da gití wooɠaai kɛi kulɔ na.

Mąątɛ̨nɛ̨ 119:148

Ŋą́ ɲį́nąą ɓo yələɓɔi gbįnį mu, mɛ̨nįɠaai ə́ mo, gɛ́ gíliɲąhiɛ mą.

Mąątɛ̨nɛ̨ 119:15

Ŋą́ ə́ wɔ tíɓoɠaai nąą kili too gbɔ́ɔ́ ŋą a yələ kəlee, ɲɛ̨́i ə ɓo lɔ ə́ wɔ pələɠaai diɛ.

Mąątɛ̨nɛ̨ 119:23

Ə mą kɛ lɔi ɲąąwooɓo nuą daa di ɲąąkpɔn, diɛ hvaa pɛlɛ mą́ą́, ə́ wɔ tímun kilitɔɔi lɔ ə́ lííɓa mɛ̨nįɠaa diɛ.

Mąątɛ̨nɛ̨ 119:48

Ɲéé haŋąąi ə́ wɔ tiɓoɠaai pɔ pələ, di wɛli kaa mą́ą́ kpɔ a mɔlɔɔ, ə́ liiɓa kɛ mɛ̨nįɠaa lɔ ɓə nwɔ́ kiliŋąhiɛ a hvilɛn mą.

Mąątɛ̨nɛ̨ 119:97

Ə́ wɔ tɔn nwooi wɛli kaa mą́ą́! Ŋą́ ɉu kpɛ a yələ kəlee.

Mąątɛ̨nɛ̨ 119:99

Gílí ɲąą kulaai dɛɛ gálámɔ̨ɔ̨ kəlee ɓa, mąąhɔlɔɓo, ŋą́ ə́ wɔ tɔnŋaai hu kpɛ.

Mąątɛ̨nɛ̨ 143:5

Gáá gíliɲąhiɛi gɛ́ vilɛn tɔwɔ tɔwɔ yələɠaa diɛ, gɛ́ pənə gɛ́ ə́ kɛ mɛ̨nįɠaa hu kulɔ gbɔ́wɔ ɓa, gɛ́ ə́ yee kɛ kólóɠaa pənə gwə́i, gɛ́ doo.

Mąątɛ̨nɛ̨ 19:14

Ə́ wɔ tímun mąąkwɛa kpɔwɔ ɲąąkɛ̨nɛ̨ nuą diɛ, di yee hvo pɛli mą́ą́, a kɛ tii, mą́ą́kulɔi hvo pai kɛi mą́ą́; ɛlɛɛ, ɲéé hva kɛ nɛ̨ŋɛ̨n gɛnɛ̨ɛ̨ hu.

Mąątɛ̨nɛ̨ 49:3

Kaai kɔ́lɔn və kaa nuą lɔwai, kaai kɔ́lɔn gaa kaa, kaai a yeehowolo nuą, kaai a hɛn gɔw nąmįną ka kəlee kpɔ kpun.

Mąątɛ̨nɛ̨ 63:6

Yɛ ŋą́ pilɛ huwo wulɔ, da wulɔ di hu, kwəinɛ̨ɛ̨ wələ ə ɓo lɔ ná, gɛ́ ə́ mąątɛ̨nɛ̨ la.

Mąątɛ̨nɛ̨ 77:12

Ŋą́ Yai-Laa kɛ mɛ̨nįɠaa hukulɔ, a tɛ̨ą ə́ wɔ kpalo mɛ̨nįɠaai kili aa too ŋą́.

Lonon mo 8:26

Mąą nu a pɛli kpɔnmąą tɛɛi nąn nonnii pɔ, diɛ gee kaa kóló mąą mɛ̨nį ɲɛ̨i kulɔ, kɛlaa, kóló kɛ taa túwɔ́ hva kɛ kɛa mɛ̨i. Bələi ə́ kaa pai Levi lonnii hon ɉii la di wɔ kóló hu, bələ ka tii.»

Maafîu 5:16

Bələ ɓə mąąnɛ̨ɛ̨ ka wɔ kɛɛpono ə kɛ la nuą lɔwai, ə gɛ nuą di ka wɔ túwɔ́ pələ lɛlɛɛ kaa, di mąąwiɛ tɛɛ ka Nąn Yálá pɔ, yai gaa yələi.»

Gɛlaɠaa 6:4

Ku wɛi, ku kaa ku ɲɛ̨i lɛɛi Yálá hvɛliɛ da Yálá lawoo laa həliɛ ɓa.»

Korɛntə dɔlɔɔ 16:15

Ną́n nonnii! Mɛ̨nį tɔ̨nɔ̨ ɓə gáá ɉu hvɛlii káá, 'ká kili kaa ɉu, Stefanasə da ɲəi bɛlɛ́n nuą ɓə kɛ a Akaiə nuą dɔlɔɔ, diɛ di kpɔwɔ kɛ a nu mąąhəɠɛɛɠaa di wɔɔ tínuą.

Korɛntə veelɛ 4:14

Hvo gaai, ku kili kaa ɉu kuɔ, nui gu Nąmu Jesus nwun haa nuą lɔwai, gaa lɔ pai gu nwun ɉii tii gwa Jesus ni, yɛ gwa káá ni gu heei kulɔ gwɛlɛ.

Korɛntə veelɛ 8:5

Yii di gɛ, ə lanŋįn yii ku kili ə kɛ mą, mɛ̨i. Di gbɛa tɔlɔɔ di kpɔwɔ tɛɛ gu Nąmu pɔ, yili pulu, Yálá liiɓa hu, di di kpɔwɔ tɛɛ ku pɔ.

Timote dɔlɔɔ 4:14

Yálá ŋą nɛ̨ɛ̨laa hu mɛ̨inɛ̨ɛ̨ tii ə́ hu, hvó tɛɠɛɓo ɉu, a yai ə́ ɉɔlɔɓo a Yálá kwəi mɛ̨nį hukulaa laa pɔɔ, ɛlɛɛ, da nu pɔlɔɠaa yee pɛlɛɛ ə́ mɛ̨i.

Timote dɔlɔɔ 4:16

'Ə́ kpɔwɔ mɛ̨ikaa ə́ bɛlɛ ə́ wɔɔ nu mąąkwɛli pələ ɓa. 'Kąnąn mą kpąą; yili pɔ pələ ɓə, yá pɛli ə́ ə́ kpɔwɔ ɓalo la, da nuąi da kɛ ə́ woo mɛ̨n ɉii.

Timote dɔlɔɔ 4:6

Mɛ̨nįɠaa ŋɛ̨i laa kalan nɛa ɲɛ̨i; yili hu ɓə, yá pɛli kɛi la a Jesus Kristə ŋą kpɔn ɉu mɛ̨nį ɲɛ̨i kulɔmun nɛlɛɛ, ə́ kɔ̨nɔ̨n ə ɓo a laa na laa hu wooɠaa, ɛlɛɛ, da mɛ̨nįi di ə́ mąąkwɛli mą a tələnmolaa.

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Zasua 1:8

'Gɛ pələ kwɛli mą, dɔ́n ɉɛɓɛ́i ŋɛ̨i, hvó kpəla moɔ ɓa, yɛ́ ə́ kiliŋąhiɛ mą a hvóló da kpinį. Ya ɓə a gɛ ə́ pɛli túwɔ́i yɛ dɔ́n tii hvaa woo. Yili pɔ pələ ɓə, ə́ yee kɔ̨nwɔ̨n ɉu a ɓɛlɛ́ la, ə́ yee yɛ tɛɛ ə́ kɛ mɛ̨nįɠaa diɛ.