Timote dɔlɔɔ 4:14 - Yálá laawoo hɛɓɛ (dc)

¹⁴ Yálá ŋą nɛ̨ɛ̨laa hu mɛ̨inɛ̨ɛ̨ tii ə́ hu, hvó tɛɠɛɓo ɉu, a yai ə́ ɉɔlɔɓo a Yálá kwəi mɛ̨nį hukulaa laa pɔɔ, ɛlɛɛ, da nu pɔlɔɠaa yee pɛlɛɛ ə́ mɛ̨i.

Yálá laawoo hɛɓɛ

¹⁴ Yálá ŋą nɛ̨ɛ̨laa hu mɛ̨inɛ̨ɛ̨ tii ə́ hu, hvó tɛɠɛɓo ɉu, a yai ə́ ɉɔlɔɓo a Yálá kwəi mɛ̨nį hukulaa laa pɔɔ, ɛlɛɛ, da nu pɔlɔɠaa yee pɛlɛɛ ə́ mɛ̨i.

Bible

¹⁴ Tíi kɛ́ a zama-sɛŋ gáa íyeêi, nyíi dí dɛ̀ɛ ípɔ ímaa-mɛni-ƃoɔ nàa tuɛ sârai tãi ǹúu-pɔlɔ-ŋai dí díyee pɛ̀lɛ la yâi.

Timote dɔlɔɔ 4:14 Kruisverwysings

Gɛlaɠaa 11:30

Bələ ɓə di gɛ la, Barnabasə da Solə ɓə di di tɔɔ diɛ li a ɉąmą pilɛi tii gbɔn ɲɛ̨itɔwɔ nuą pɔ.

Gɛlaɠaa 13:3

Nąąlɔwai, yii kɛa di kpɛɛ a hin nɔ da Yálá hvɛliɛ, di di yee pɛlɛ di mɛ̨i, di di tɔɔ bələi.

Gɛlaɠaa 19:6

Polə ə ɲee pɛlɛ di mɛ̨i, di Kili-Mąąhəɠɛɛ hɔlɔɓo; diɛ kɛa hvaa a woo nįnɛ̨ɠaa, diɛ Yálá kwəi mɛ̨nį hukulɔ.

Gɛlaɠaa 22:5

Galanɉonŋaa da di wɔ ɉaláá laa həli mun gɛnɛ̨ɛ̨, da pɛli di yili dɛ̨ą ɓo. Diɛi ti ɓə hɛɓɛ́ tɛɛ bɔ́, diɛ ŋą́ li Damasə, ku nąn nonnii di kaa laa, ŋą́ di yili ŋį́ pa a diɛ Ɉerusalɛmə, di hutɔɔ mɛ̨nį ɓa.»

Gɛlaɠaa 6:6

Di pa a nuą ti gɛlaɠaai pɔ, di di yee pɛlɛ di mɛ̨i, di Yálá hvɛli diɛ.

Gɛlaɠaa 8:17

Piɛrə da Ɉaan di di yee pɛlɛ Samari nuą mɛ̨i, di Kili-Mąąhəɠɛɛ hɔlɔɓo.

Tɛsalonikə dɔlɔɔ 5:19

'Ká hvo Kili-Mąąhəɠɛɛ hvįkpɛɛ,

Timote dɔlɔɔ 1:18

Nón Timote, mɛ̨nįi gáá ə́ mąąkwɛlii mąi, bɛliɛi Yálá kwəi mɛ̨nįɠaai di mo ə́ mąą mɛ̨nį hu, mą; ə gɛ, nwooɠaa tii di ə́ hvaŋąlɔ, yɛ pɛli kɔ́ lɛlɛɛ kɔ́i,

Timote dɔlɔɔ 4:15

Yili ɓə mąąnɛ̨ɛ̨ ə́ ə́ kiliŋąlaa mą. Yili ɓə mąąnɛ̨ɛ̨ ə́ tɔɔ la kpąą, ə gɛ, nu kəlee di ə́ wɔ tɛ tɔwɔ laa kaa.

Timote dɔlɔɔ 5:17

Nu pɔlɔɠaai da di wɔɔ mąą tíi kɛ a nɛlɛɛ, di mąąnɛ̨ɛ̨i, di di hvɛla kulɔ gee hu hveelɛ, gəlee ə mą kɛ, diɛi da tɔɔ a di nwąnąi Yálá laa woo laa həli mɛ̨nį ɓa, ɛlɛɛ, diɛ nuą mąąkwɛli mą.

Timote dɔlɔɔ 5:19

Da nu pɔlɔ ta kalamąɓo yɛ́, hvó humo a ə́ haŋąą mą, akɛ kɛla hveelɛ ɉaaɓa woo hvəə.

Timote dɔlɔɔ 5:22

'Hvó humo a ə́ yee pɛlɛɛ nu mɛ̨i ɉa, 'hvó ə́ yee too nu ta ŋą nɛ̨ŋɛ̨n ɉu, 'ə́ kpɔwɔ laahɔnmo mąąhəɠə laa hu.

Timote dɔlɔɔ 6:12

Laa na laa mąą kɔ́ lɛlɛɛ kɔ́, yɛnɛ̨ɛ̨ hva kpɛɛi ə́ təliɛi mą, 'gwɛli, yɛ bələ ə́ gɔlɔn na, ɛlɛɛ, ə́ mąą kɛla hvaa ɓo a laa na laa, nu kpulu kɛnɛ̨ɛ̨ ɲɛ̨i ɓa.

Timote veelɛ 1:6

Yili mąą mɛ̨nį ɓa, gáá nąą kili tooi ə́ ɲą, gɛ́: díɓoi Yálá ə dɛɛ ə́ pɔ, a ɲələi ŋį́ ɲéé pɛlɛ la ə́ mɛ̨i, 'ə́ ɉu nwun.