Timote dɔlɔɔ 3:11 - Yálá laawoo hɛɓɛ (dc)

¹¹ Nɛ̨ąąi da kɛ a gbɔn ɉu mɛ̨nįɠaa ɲɛ̨i kulɔ nɛ̨ąą diɛ kpɛlimąn, mąąnɛ̨ɛ̨i di kɛ a nu mąąwiaɠaa, di hvo kɛ a laa pələɓo kɛ nuą, di ɲąąlaa, diɛ kulɔ di woo ɓa mɛ̨nį kəlee hu.

Yálá laawoo hɛɓɛ

¹¹ Nɛ̨ąąi da kɛ a gbɔn ɉu mɛ̨nįɠaa ɲɛ̨i kulɔ nɛ̨ąą diɛ kpɛlimąn, mąąnɛ̨ɛ̨i di kɛ a nu mąąwiaɠaa, di hvo kɛ a laa pələɓo kɛ nuą, di ɲąąlaa, diɛ kulɔ di woo ɓa mɛ̨nį kəlee hu.

Bible

¹¹ Nɛyâai máŋ fɛ̂ɛ dí díkpîŋ mɛi kaa, dífe kɛ̀ a laa-karaa-ƃela, kɛ́lɛ, dí kɛ́ a nuu sãa-ŋa mɛni kélee su.

Timote dɔlɔɔ 3:11 Kruisverwysings

Mąątɛ̨nɛ̨ 101:5

Nui a mɛlaa laa kala loo pələi, gáá pai nwumɛ̨i, tɛɠɛɓoɉu kɛɛ kaa, ɲɛ̨i kulɔbɔ kili, vá pɛli niilaai di pɔ.

Mąątɛ̨nɛ̨ 15:3

Hva mɛlaa mąą mɛ̨nį pili ɉu, hva ɲɔ̨nwɔ̨mąn nu ɓɛlɛ kpɛɛ mą.

Mąątɛ̨nɛ̨ 50:20

Yá hee, ə́ nąn non lɔ ɓə naa kaa ə́ la, yɛ́ ə́ lee-lon naa mąąhiɛ.

Hanwon 10:18

Nui a wɛlikpɛɛmąą mɛ̨i kpulu, nɛn gaa na hveelɛ. Nui a laamąąhiɛ kɛ, ɓowomun ni.

Hanwon 25:13

Yɛ bələi mɔ̨nun dɛɛi lɔwai kwɛlɛ kaa la, bələ lɔ ɓə wɛlɛɛ ɓomun nɛlɛɛ a nui dɔɔ níilaa la.

Ɉeremi 9:4

Diɛ di kee ni ɓowo. Nu ta hva tɛ̨ą ɓo, daa di nɛn mąą kwɛli lɛɛ kɛɛ ɓa. Daa kala, di hva kɛa pɛli pənəi di hvo pa bɔ́. Di hɔn mąą hva kɛa hvalin.

Izikiɛ 44:22

Di hvo kalanin ɉəɠə a di nɛ̨ą, da nɛ̨ɛ̨nui daa gulɔ lɔwɔi. Hvo kɛi lɔ nɛ̨ɛ̨gbɛlaɠaa, a Israɛlə huwu, kɛlaa da pɛli ɉaláá laa həli mun da nwɔ kalanin ɉəɠəi a di nɛ̨ą.

Levetekɔ 21:7

«Mąą hvo nɛ̨ɛ̨li di hvo wɛlikɛnɛ̨ɛ̨nu həɠə a di nɛ̨ą, a wala kɛ tii, nɛ̨ɛ̨nui mɛlɛkpɛɛ mą. Nɛ̨ɛ̨nui ɉilɛ a gulɔ lɔwɛi, di hvo ɉəɠə a nɛ̨ą. Mąąhɔlɔɓo, haláá laa həli mun gaa a Yálá nwɔɔ.

Maafîu 4:1

Jesus mąąwaa pulu, Yálá nwɔ Kilii ə ɉəɠə, ə li la nɔi pun ɉu, ə gɛ, nąnį ə ŋąąhɛn.

Ɉaan 6:70

Jesus ə di woo pulu pənə yɛ diɛ: «Ka nu pow kɔ́w hveelɛ ŋɛ̨i, kɛlɛi ɲą́ą́ ɓə ka həɠə ɉu? Kɛlaa yaamun, nu tɔ̨nɔ̨ kaa ka lɔwai a nąnį.»

Lomaŋ 1:29

Di laa hvɛɛ a mɛ̨nį ɲɔ̨n ɉuwɔ lɔpee gəlee: nwąną lɔɔ, ɲɛ̨i kulɔ bɔ ɲɔ̨nwɔ̨ɔ̨, nu paa mɛ̨nį, tolo ɲɔ̨nwɔ̨ɔ̨, hvaa kɛɛ, gbana laa ɲɔ̨nwɔ̨ɔ̨, di hva di kiliŋąhiɛ a nɛlɛɛ nu ta ɓa, ə lɛɛ, di laa kpɔn və hee li.

Timote dɔlɔɔ 1:12

Gáá gu Ną́mu Jesus Kristə mąmąɓoi, yai vaŋą tɛɛ bɔ́, ə gáá a nui mąąnɛ̨ɛ̨ ə gilitɔɔmą, ə ɉə́ɠə, ə gɛ́ a ŋą tímun,

Timote dɔlɔɔ 3:2

Kɛlaa hvo kɛli, gbɔn ɲɛ̨itɔwɔ mun, ə kɛ a nui hɔn və mą, ə ɓo a nɛ̨ą tanɔ̨n nąmu, ɲąąlaa, ɲee pɛliɛ gbɔwɔ ɓa, yɛ gbɔwɔ hon a nɛlɛɛ, ɲɛ̨i ponoɔ, yɛ pɛli nuą mąąkwɛlii,

Timote dɔlɔɔ 6:2

Luwɔɠaai di nwun nąmįną kaa a kalan nɛa, di hvo kɛ di kaa ɲɛ̨i tɛ kulɔ a diɛ, diɛ kɛ mą: kwa diɛni kəlee, ku kaa a kalan nɛa. Yaamun, di mąąnɛ̨ɛ̨i, di tí kpɔ di nwun nąmįną diɛ a nɛlɛɛ, hvo gaai, di kaa a laa na nuą, a di nąn nonnii, wɛlikɛmąą laa hu, diɛ di kɛ kóló lɛlɛɛ dɔlɔ kulɔ. Yili ɓə mąąnɛ̨ɛ̨ ə́ nɛ diɛ, ə́ di mąąkwɛli mą.

Timote veelɛ 3:3

di kili walawalaa, di nwun va tínɛ̨n, di laa-pələɓoɔ, di ɲąą hvo laa li, di ɲąniɛ, di ɓo a mɛ̨nį lɛlɛɛ ɲowo;

Timote veelɛ 4:5

Kɛlaa ə́ wɛi, ə́ yee kɛ ə́ kpɔwɔ ɓa mɛ̨nį kəlee hu, ə́ liikpələ mɔ̨nɔ̨ mu, ə́ kpɔwɔ kɛ a nwɛlɛɛ lɛlɛɛ laa həli mun, ə́ kɛ kóló kɛ ə́ naa kulɔ.

Taitɔ 2:3

'Mo nwɔ̨nɔ̨, palaanɛ̨ąɠaa diɛ kpɛlimąn diɛ, di wɔ yɛnɛ̨ɛ̨ kɛ pələ ə kɛ a ɉaŋąą: di hvo kɛ a laamąąhiɛ kɛ nuą, di hvo di kpɔwɔ tɛɛ lɔɔ pɔ, diɛ nuą mąąkwɛli mɛ̨nį lɛlɛɛ ɓa,

Taitɔ 3:2

Di hvo nu ta lalan, di hvaa kɛ mɛ̨nį mąąlaa, di kɛ a di liinɛ̨ɛ̨ di kwəi, di liinɛ̨ɛ̨ gwəi laa kɛ nu kəlee ɓa, a yələ kəlee.

Piɛrə dɔlɔɔ 5:8

'Ká yee ə pɛli ká koolon ma, 'ká lɛɛ a ká ɲɛ̨i, mąąhɔlɔɓo, ká yowo nąnį kaa ka kwɛlɛ, yɛ tinɛ̨n hvili-hvili yɛ huluun yɛ yala, hɛn kpɔ ə ɉuhvala-hvala, yɛ gwɛli.