Timote dɔlɔɔ 2:7 - Yálá laawoo hɛɓɛ (dc)

⁷ ɛlɛɛ, yili mąą mɛ̨nį ɓə, di gɛ́ la, ɲą́ą́, a kúláá da kɛla; gáá tɛ̨ą ɓoi, və́ lɛɛ kɛi, gáá a huwu takpɛliɠaa mąąkwɛlimun, laa na laa hu da tɛ̨ą.

Yálá laawoo hɛɓɛ

⁷ ɛlɛɛ, yili mąą mɛ̨nį ɓə, di gɛ́ la, ɲą́ą́, a kúláá da kɛla; gáá tɛ̨ą ɓoi, və́ lɛɛ kɛi, gáá a huwu takpɛliɠaa mąąkwɛlimun, laa na laa hu da tɛ̨ą.

Bible

⁷ Dí ńɛ̀ a Ɣâla-woo ƃo-nuu da sia-nuu nyíŋi mɛni ma (ŋa dɔ̃yâi ƃôi, fé lɛ́ɛ kɛ̂i), dí ńɛ̀ a Zɛ̃tai-ŋai dísɛŋ-lɛ-nuu laa-la su da tɔ̃yâ.

Timote dɔlɔɔ 2:7 Kruisverwysings

Mąątɛ̨nɛ̨ 111:7

Ɲeepɔ kolóɠaa kaa a tɛ̨ą, ɉaŋąą; nwɔ tɔn nwooɠaai kəlee kaa a tɛ̨ą mɛ̨nį.

Ikilisiati 1:12

Ɲą́ą́ Kilimąą mun, ŋą́ tɔɔlaa kɛ Israɛlə nu huwu nwun na Ɉerusalɛmə.

Ikilisiati 7:27

Kilimąą mun yɛ mą: hvilɛn ŋɛ̨i ŋį́ mo mɛ̨nį kwɛliɛ pulu, da mɛ̨nįɠaa kɛ mɛ̨nį nwun, ə gɛ, ŋį́ gaai;

Ɉaan 7:35

Ə həɠə ɲələ ɓa, Ɉuifəɠaa di kɛi kɛ diɛ kɛ di kee ɓa: «Mįnɛ̨ ɓə gaa pai lííla yai ku hvo pai gaai? Akɛti, Ɉuifəɠaa ŋɛ̨i di taɠa-taɠa hį́i takpɛliɠaa lɔwai nąą pələ ɓə mɔ̨ɔ̨ gaa pai lííla, yɛ ɉį́i takpɛliɠaa tii kalan?

Gɛlaɠaa 14:27

Həlii di mo Antiɔsə, di gbɔn ɉu nuą ɲąąkpɔn, yii kpɔ Yálá ə gɛ di yee hu, pələi nwɔ̨nɔ̨ ə pələ laa ɓo la huwu takpɛliɠaa tɔwɔ, əgə di laa na laa hɔlɔɓo, di yili kəlee hukulɔ diɛ.

Gɛlaɠaa 22:21

Kɛlaa, yɛ mą́ą́: ‹'Li! Gáá ə́ tɔɔi kpɔ kwɛaala nuąi di hvo a Ɉuifəɠaa di pɔɔli.›»

Gɛlaɠaa 26:20

Kɛlaa yaamun, ŋį́ gbɛa tɔlɔɔ Damasə nuą diɛ, yili pulu, Ɉerusalɛmə daai, da Ɉude lɔi hu nuą, ə mą kɛ, lɔi takpɛliɠaa hu nuą. Gɛ́ kɛ diɛ: 'Hvo kɛli da di hɔn mąą pənə, di di ɲɛ̨i tínɛ̨n Yálá pɔ pələ, da di kili mąą hvalin, diɛ túwɔ́ a nąą mąą hon bələ.

Gɛlaɠaa 9:15

Kɛlaa, gu Ną́mu yɛ mą: «'Li, mąąhɔlɔɓo, ŋą́ą́ ɉəɠə ɉu a níiɓa, a nwɔ́ kóló kɛ hɛn, yɛ pɛli náá mąą kɛla hvaaɓoi huwu takpɛliɠaa da tɔɔɓɛlaa diɛ, ə mą kɛ, Israɛlə lonnii.

Lomaŋ 1:9

Hvó gaai, Yálá kaa a nwɔ́ kɛla, yai gáá tíi mą níí hu, gɛ́ non mąą wɛlɛɛ lɛlɛɛ laa həli, ə gɔlɔn gbɔ yɛ, ŋą́ kɛ gílíŋąhiɛi kaa nwɔ́ Yálá hvɛliɛ pələ kəlee hu.

Lomaŋ 10:14

Akɛ tii, da pɛli di woo tɛ pələ kɛi ləi bɔ pələ, akɛ di hvo laa li na? Da pɛli laai ləi na, akɛ, di hvo naa woo mɛ̨n ni? Da pɛli di mąą mɛ̨nį mɛ̨n nəi, akɛ, nu ta hvo naa həli li diɛ?

Lomaŋ 11:13

Káái ká hvo a Ɉuifəɠaa, káá ɓə gáá mɛ̨nį ŋɛ̨i ɓoi káá: Ɲą́ą́ ŋɛ̨i Yálá ə dɔɔ huwu takpɛliɠaa mąą mɛ̨nį ɓa, gáá a nwɔ́ kólói tii mąąɲįnɛ̨n,

Lomaŋ 15:16

Ə gɛ ŋį́ kɛ a Jesus Kristə ŋą tímun, huwu takpɛliɠaa mąą mɛ̨nį ɓa. Daa ɉə́ɠə ɉu, Yálá nwɔ wɛlɛɛ lɛlɛɛi laa həli mɛ̨nį ɓa, ə gɛ, huwu takpɛliɠaa diɛ pɛli kɛi a haláá hɛn Kili-Mąąhəɠɛɛ aa mąą həɠə, yɛ nɛ̨ɛ̨ Yálá ɓa.

Lomaŋ 9:1

Kristə hu, tɛ̨ą ɓə gáá moi, və́ lɛɛ kɛi, ŋą́ gbɔ́ɔ́ mąą kɛla hvaaɓo a yili, Kili-Mąąhəɠɛɛ háálai, və́ lɛɛ kɛi.

Korɛntə dɔlɔɔ 9:1

Akɛti, lɛɛ gbɔwɔ ɓa laa hvo mɔ̨ɔ̨ ɲə́i? Və́ mɔ̨ɔ̨ a gɛlaɠaa ta? Akɛti, və́ mɔ̨ɔ̨ gu Ną́mu Jesus kaa? Ka hvo mɔ̨ɔ̨ a gɛ́ kólo, gu Ną́mu hu?

Korɛntə veelɛ 11:31

Yálá, gu Nąmu Jesus Nąn, yai lúwɔ́ kaa mą a yələ kəlee, ə gɔlɔn yɛ və́ lɛɛ kɛi.

Galatə 1:16

ə Non nɛ mą́ą́, ə gɛ, ŋį́ mąą wɛlɛɛ lɛlɛɛ laa həli huwu takpɛliɠaa diɛ, və́ nwún dɔɔ a nui lɔpee ta;

Galatə 1:20

Mɛ̨nįɠaai ŋɛ̨i gáá moi káá ɉɛɓɛ́ hu, gəlee kaa a tɛ̨ą; gáá moi Yálá ɲɛ̨i ɓa, və́ lɛɛ kɛi.

Galatə 2:16

Ku kili kaa ɉu kuɔ, nu hva pɛli tələnmolaa hɔlɔɓoi dɔn bɔ yíiɓoɔ hu, kɛlaa nu a laa Jesus Kristə la, ya ɓə a tələnmolaa hɔlɔɓo la; kuɔ kpɛli, ku laa Jesus Kristə la, kuɔ pɛli kɛ a tələnmo nuą Kristə nwɔ laa na laai háálai, hvo kɛ li a dɔn bɔ yíiɓoɔ. Gbala ə tɔɔ, nui lɔpee ta hvo pai tələnmolaa hɔlɔɓoi dɔ́n bɔ yíiɓoɔ hu.

Galatə 2:9

Ɛlɛɛ, mɛ̨inɛ̨ɛ̨i Yálá ə gɛ mą́ą́, di ɉukɔlɔn, Ɉakə, Sefasə da Ɉaan, diɛi kɛ di kɔ́lɔnŋąą yɛ gbɔn ɉu kɔwɠaa, di di yee laa ku yəi, ɲą́ą́ kwa Barnabasə, yili a nɛ yɛ kwa diɛni ku woo tɔɔi aa kɛ tanɔ̨n, ə gɛ, kwəli huwu takpɛliɠaa pɔ, diɛi tii, di li gɛ́nɛ̨lɛa pɔ pələ.

Galatə 3:9

Yili ɓa tii, nuąi a laa na nuą, da lúwɔ́ hɔlɔɓo da Abrahamə ni, yai a laa na mun.

Timote veelɛ 1:11

Ɛlɛɛ, yili mąą mɛ̨nį ɓə, ɲą́ą́ ŋɛ̨i di gɛ́ la, a kúláá, a kɛla, da mąąkwɛli kɛmun.

Piɛrə veelɛ 2:5

Ɲɛnɛɛ tɔlɔɔ yii kɛ laa Noe nwɔ lɔwai hu, ɉu nuą ɲɛ̨i wala-walaa, Yálá hvo di ɲɛ̨i mąą wɛli kaa, ə di nwun napili a yanwana, hvo kɛli lɔ Noe ŋɛ̨i kɛi tələnmo woo laa həli, yaa da nu mɛ̨ihveelɛ lɔ ɓə di nwun mąą ə ɓo.