Timote dɔlɔɔ 1:16 - Yálá laawoo hɛɓɛ (dc)

¹⁶ Kɛlaa akɛ, di ɲɛ̨́imąąwɛli kaa, ə kɛ lɔ tii, əgɛ, ɲą́ą́ ŋɛ̨i a dɔlɔɔ, Jesus Kristə ə nwɔ liinɛ̨ɛ̨ gwəi laa lɛ bɔ́ pələ, nuąi pai laai na, diɛ ɓalo hva kpɛɛ hɔlɔɓo, diɛ, a nui da di kɔɔn mą.

Yálá laawoo hɛɓɛ

¹⁶ Kɛlaa akɛ, di ɲɛ̨́imąąwɛli kaa, ə kɛ lɔ tii, əgɛ, ɲą́ą́ ŋɛ̨i a dɔlɔɔ, Jesus Kristə ə nwɔ liinɛ̨ɛ̨ gwəi laa lɛ bɔ́ pələ, nuąi pai laai na, diɛ ɓalo hva kpɛɛ hɔlɔɓo, diɛ, a nui da di kɔɔn mą.

Bible

¹⁶ kɛ́lɛ, ŋá maloŋ-kaa sɔlɔ ƃô ǹyêei sâpoi ŋí mɛni ma, a gɛ́ɛ Zîsɛ Kôrai é ŋɔlii-kpele maa waai lɛ́ ŋ́gbonôi a gɛ́ɛ é kɛ́ a mɛni-kɔɔŋ-maa diai mɛni ma kɛ̀ pâi lâai la wɔlɔ-wɔlɔ fulu-laa mɛni mai.

Timote dɔlɔɔ 1:16 Kruisverwysings

Kɔlɔnikɔ Veerɛi 33:19

Manase nwɔ Yálá hvɛli woo, da bələi Yálá ə nwoo mu hon na, nwɔ túwɔ́ pələ ɲɔ̨nŋąą, nwoo kalai ə mo Yálá ɓa, ɓɛɠaai ə hali kɔ́iɠaa pɛli laa, yɛ wuluɠaa tɔɔ diɛ gɔ́, ɉali mąąnįnįnŋąą ə bɛli, gɛɛ hvo ɉɔn gɔlɔn Yálá ɲɛ̨i ɓa; mɛ̨nįɠaa tii kəlee pɛ̨ɛ̨ kaa Hozai nwɔ hɛɓɛ́i hu.

Mąątɛ̨nɛ̨ 25:11

Ə́ laa mąąwiɛ mɛ̨nį ɓa, Yai-Laa, nwɔ́ nɛ̨ŋɛ̨n mąąhvaa lɛɛ, gɛnɛ̨ ɓə!

Lɛɛ gbɔwɔ ɓa 34:8

Moisə ə nɛɛmą ə pu nwungbəla, ə gwɛli hvilɛn.

Azaya 1:18

Yai-Laa yɛ diɛ: 'Ka pa, gu gu keeni woo ŋąą kaa, Akɛ ka kɛ nɛ̨ŋɛ̨n gbɔluɔ yɛ ɲąmą, a kwələ yɛ yeehunwɔ̨. Ka kɛ nɛ̨ŋɛ̨n a kɛ a gbɔluɔ mutɛɠiɛ, a kwələ yɛ wiɛ hunwɔ̨.

Azaya 43:25

Kɛlaa, nwɛ́i, bələi gɛ́ pələ kaa la a wɛlikɛmąąlaa, yili ɓə a gɛ gɛ́ ə́ wɔ kulɔ nwoomuɠaai lɛɛ yɛ́ a kpɛli, ɛlɛɛ, vá ə́ wɔ túwɔ́ pələ ɲɔ̨nŋąąi kili lɛ ɲą́.

Azaya 55:7

Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Lonon mo 23:3

Balaamə yɛ Balakə ɓa: «Tɔɔ ə́ wɔ haláái kwɛlɛ, ŋą́ mąą tawolo tɛ. Gbəli hu Yai-Laa kaa pai mɛ̨nį ɓoi mą́ą́, yii lɔpee a mo mą́ą́, ŋą́ ɉukulɔ yɛ́.» Ə tɛ yee ta ɓa, mąą pɔ̨nɔ̨ɔ̨.

Lukə 15:10

Gáá moi kaa, akɛ nɛ̨ŋɛ̨n ɉəɠəmun dɔ̨nɔ̨ kpɛli a hvaa mą ə bulu tɔɔ gɛ nɛ̨ŋɛ̨n ma, pələ kpɔlɔɔ ɓə kwəinɛ̨ɛ̨ a kɛ la Yálá nwɔ malakaɠaa yəi.»

Lukə 23:43

Jesus ə nwoo pulu pənə yɛ mą: «Gáá moi yɛ́ a tɛ̨ą, háákələi, ə́ kaa pai kɛi bɔ́ Yálá-taa tɔɔlaa hu.»

Lukə 7:47

Yili ɓə gaa mą, gáá moi yɛ́, nwɛlikɛmąą mɛ̨nį kɛnɛ̨i ŋɛ̨i nɛ̨ɛ̨nui ŋɛ̨i aa gɛ, yili a nɛ, yɛ nɛ̨ŋɛ̨n damąą tii aa gɛ, mąąhvaa aa lɛɛ. Kɛlaa, nui da mąąhvaalɛɛ tiikpə, wɛlikɛmąąlaa tiikpə lɔ ɓə a gɛ.»

Ɉaan 20:31

Kɛlaa, di yiiɠaai ŋɛ̨i bɛ̨ɛ̨ ə gɛ ka laa na ka diɛ: Jesus ɓə gaa a Kristə, gaa a Yálá Lon. Ɛlɛɛ ka laa na yɛnɛ̨ɛ̨i kpɛɛ hvo mą ka ɉɔlɔɓo naa hu.

Ɉaan 3:36

Nui a laa Non na, a yɛnɛ̨ɛ̨ hva kpɛɛ hɔlɔɓo; nui a wala laa Non na, hva yɛnɛ̨ɛ̨ hva kpɛɛ hɔlɔɓo, kɛlaa, Yálá nwɔ liiɲąnwąną a kɛ bulu.

Ɉaan 5:24

«A tɛ̨ą, a tɛ̨ą kpɔkpɔɔ gáá moi kaa: nui a nwəli tɔɔ nwóó ɓa, ɛlɛɛ, nui dɔ́ɔ́, yɛ laa na, a yɛnɛ̨ɛ̨i kpɛɛ hvo mą hɔlɔɓo. Kiti mɛ̨nį hvo mą, kɛlaa, aa kulɔ haa yəi, yɛnɛ̨ɛ̨i kpɛɛ hvo mą, aa ɉɔlɔɓo.

Ɉaan 6:37

Nuą lɔpee Ną́n a di tɛɛ bɔ́, di kaa pai pai bɔ́. Vá lənə dɔ̨nɔ̨ kpɛli ɓa.

Ɉaan 6:40

Ną́n dɔ́ɔ́ niiɓa ɓaa, nui lɔpee a ɲɛ̨i tɔɔ Non ma, ə laa na, mąą nu a yɛnɛ̨ɛ̨i kpɛɛ hvo mą ɉɔlɔɓo. Ɛlɛɛ, gáá pai nwun ɉii a yɛnɛ̨ɛ̨ ŋąąkpɛɛ yələ.»

Ɉaan 6:54

Nui a ɉúwɔ mįi ə ŋą́mą kpələ, a yɛnɛ̨ɛ̨ hva kpɛɛ hɔlɔɓo. Ɛlɛɛ, ŋį́ nwun a yɛnɛ̨ɛ̨ ɲąąkpɛɛ yələ.

Gɛlaɠaa 13:39

Jesus háálai, nui lɔpee a mąą mɛ̨nį kaa a tɛ̨ą, mąą nu a dələnmolaai ti hɔlɔɓo, yɛ pɛli ɉu.

Lomaŋ 15:4

Yaan mɛ̨nįɠaai kpɔ bɛ̨ɛ̨ Yálá lawoo hɛɓɛ́ hu, di gəlee pɛ̨ɛ̨ gu mąąkwɛli mɛ̨nį ɓa. Ya ɓə a gɛ, liikpələ da hvaŋąlɔi Yálá lawoo a dɛɛ gu pɔ ɉaalai, gu kilitɔɔmąąlaa hɔlɔɓo.

Lomaŋ 6:23

Mąąhɔlɔɓo, nɛ̨ŋɛ̨n vɛla ɓaa a haa, kɛlɛɛ, Yálá nwɔ mɛ̨inɛ̨ɛ̨ ɓaa yɛnɛ̨ɛ̨ kpɛɛ hvo mą, yii gwa ɉɔlɔɓo gu Ną́mu Jesus Kristə laa hu.

Korɛntə dɔlɔɔ 7:25

Yii hvilɛn na mąąɲąŋąąɠaa diɛ, gu Nąmu hvo dí li a mɛ̨nį ta, kɛlaa, nwɔ́ giliŋąhiɛ ka ŋɛ̨i gáá nɛi, yɛ nui gu Ną́mu nwɔ ɲɛ̨imąąwɛli kaa háálai, nuą da di kilitɔɔ mą, nwoo.

Korɛntə veelɛ 4:1

Yii yan, Yálá nwɔ ɲɛ̨imąąwɛlikaa hu, aa goloi ŋɛ̨i kalihvaɓo kuɔ, ku hvįi hva kpɛɛ gɛi.

Ifisiɛŋ 1:12

Guɔi gbɛa gu kilitɔɔ Kristə ɓa tɔwɔi, 'ká gu Yálá mąątɛ̨nɛ̨ wələ too.

Ifisiɛŋ 1:6

Ká gu Yálá mąmąɓo mɛ̨inɛ̨ɛ̨ kɛnɛ̨ɛ̨i aa gɛ guɔ nwɔ wɛlikɛmąą Lon ɉáálai, mąą mɛ̨nį ɓa.

Ifisiɛŋ 2:7

Yálá lii nɛ̨ɛ̨i mɔ̨ɔ̨ gwəi gu pɔ, Jesus Kristə háálai, Ə kɛ bɔ, ə nɛ, ɲɛnɛ̨ɛ̨i pai tɔwɔ pələ ɉu nuą diɛ, bələi nwɔ nɛ̨ɛ̨laa hu kɛnɛ̨ɛ̨ la, gɔɔnmąą hvo mą.

Tɛsalonikə veelɛ 1:10

a ɓɛlɔwai gaa pai pai la, mąą yələi tii, a mąąwiɛlaa hɔlɔɓo ŋą nu mąąhəɠɛɛɠaa yəi, ɛlɛɛ, ə kɛnɛ̨laa hɔlɔɓo nuąi laa na di yəi; ɛlɛɛ yaan, káán, ká wɛi, káá laa ku wɔ kɛla woo la.

Timote dɔlɔɔ 1:13

a ɲą́ą́i wɔlɔ kɛi nalan, gɛ́ ŋą nuą mɔ̨nɔ̨ɓo, ɛlɛɛ, nwą́nąlɔɔ. Kɛlaa, Ə ɲɛ̨́imąąwɛli kaa, mąąhɔlɔɓo, ŋą́ kɛi gɛ dɛ́ɠii, laa na laa hvo kɛ ɲə́i.

Hebreu 7:25

Ɛlɛɛ, nuąi da di mąąlɛɠɛ Yálá ɓa, yaa ɉáálai, a pɛli mą ə di nwun mąąɓo, gbala ə tɔɔ, yaa tii gaa lɔ laa a yələ kəlee, yɛ di mąą mɛ̨nį laa həli a nɛlɛɛ kɔlɔi.

Piɛrə dɔlɔɔ 3:20

a diɛi tii wɔlɔ kalapili laa kulɔ a ɲələɠaa tii Yálá ə niilaa la, Noe yɛ gələn bɛli, a yai nu tamąą hvo gɛ hvo lɔ ɉu, nu mɛ̨ihaaɓa lɔ ɓə ə di nwun mąąɓo ɲá yəi.

Piɛrə veelɛ 3:15

Ka gɔlɔn kaa diɛ: Gu Ną́mu Yálá nwɔ liilaa hu kwɛa ti ɓə a ka wɔ nwun mąąɓo. Giliŋąhiɛi ti ɓə gɛ, gu kaayɔwɔ da gu wɛlikɛmąą mun Polə yɛ hɛɓɛ́ tɛɛ la kaa, yɛ pələi Yálá ə mąą kili tɛɛ la bɔ.

Piɛrə veelɛ 3:9

Ną́mu Yálá nwɔ mįnɛ̨ həɠɛɛ hu hvo kwɛa li yɛ pələi nu taɠaa da kɛ di kiliŋąhiɛi la, diɛ kɛ mą: Hvo pai ɉa. Kɛlaa, nii ɓə aa naa nuą pɔ, hvo bɔ nu tɔ̨nɔ̨ kpɛli nwun na hvo pili, kɛlaa, gaa bɔ nu kəlee di tinɛ̨n di həɠə mɛ̨nį ɲɔ̨n bulu.