Timote dɔlɔɔ 1:10 - Yálá laawoo hɛɓɛ (dc)

¹⁰ wɛlikɛ nuą, nuąi da laa a di keeni, luwɔ lɔwɔtɔɔ nuą, lɛɛ kɛ nuą, nuąi da di kwɛla a lɛɛ, da nuąi kpɔ da kɔ pɛlɛ laa na laa mąąhəɠɛɛ ɓa, diɛ ɓə tɔn ɉeɛi di mɛ̨i.

Yálá laawoo hɛɓɛ

¹⁰ wɛlikɛ nuą, nuąi da laa a di keeni, luwɔ lɔwɔtɔɔ nuą, lɛɛ kɛ nuą, nuąi da di kwɛla a lɛɛ, da nuąi kpɔ da kɔ pɛlɛ laa na laa mąąhəɠɛɛ ɓa, diɛ ɓə tɔn ɉeɛi di mɛ̨i.

Bible

¹⁰ wulu-wulu kɛ-ƃela, zinâai da díkîe-ni kɛ̀ a nɛyâai, nuu-ŋuma-ƃela, lɛ́ɛ-ƃela, wôya-kperɔ mii-ƃela, da mɛni-ŋai kélee dífe dɔ̃yâ-sɛŋ-lɛɛi ŋɔperei mai,

Timote dɔlɔɔ 1:10 Kruisverwysings

Zɛnɛse 19:5

Diɛ Lɔtə təli, diɛ kɛ mą: «Lɔtə, nwɛ̨ąąi ŋɛ̨i pa ɓɛ ə́ pɔ ɲələwulii hu, di kaa mį? Di kulɔ ɓɛ pələ ɲɛnɛ̨ɛ̨, ku kaa bɔ ku ku liiɓa mɛ̨nį kɛ a diɛ.»

Zɛnɛse 37:27

Yaamun, 'ka gu nɔwɔtɔɔ, Ismaɛlə nu huwu ŋɛ̨i ɓa. Gu hvo kɛ gu kaa baai, gu mą gɛ ləi, gu ta ka a gu ləɠəi ŋɛ̨i.» Mɛlaa kəlee di hvaa nwoo ɓa.

Zɛnɛse 40:15

Di gúlɔ ku pɔ lɔi Hebreu lɔi hu a huwalawala, diɛ pa ɓɛ a ɲą́ą́. Pai nwɔ̨nɔ̨ ŋį́ mo, və́ mɛ̨nį ɲɔ̨n gɛ li, di ɉón diɛ dóó gaho ŋą.»

Lɛɛ gbɔwɔ ɓa 20:7

«'Hvó Yai-Laa ə wɔ Yálá laa ɓo kpɛli-kpɛli. Mąąhɔlɔɓo, nui a naa ɓo kpɛli-kpɛli, Yai-Laa a mąą nui hutɔɔ.

Lɛɛ gbɔwɔ ɓa 21:16

«‹Nui a nu kan nwuɔ̨, akɛ aa gbɛa nɔwɔtɔɔ, a wala kɛ ti a kɛ nii ɲəi, mąąnɛ̨ɛ̨ di nwuɔ̨mun tii baa.

Osia 10:4

Nuą kaa lɔ di woo kwɛlɛi, diɛ di kwɛla, ɛlɛɛ, diɛ mįnɛ towələ mį́i, a lɛɛ. Yiliɓa, bələi kpɔlɔ nu paa kala tiliin a ɓɔn na kɛɛ hinŋąą mɛ̨i, bələ kpɔlɔɔ ɓə di hutɔɔ mɛ̨nį kaa pai ɓɔn ɉii la kɛɛ kəlee.

Levetekɔ 18:22

«Hvó laa a ə́ ɓɛlan ɉulɔnu, yɛ bələi yá gɛ la a nɛ̨ɛ̨nu, yɛnɛ̨ɛ̨ mąą kalaa li.

Levetekɔ 20:13

«Hulɔnu a laa a mɛlan ɉulɔnu, yɛ bələi a laa la a nɛ̨ɛ̨nu, yɛnɛ̨ɛ̨ həɠə mąą mɛ̨nį ka tii di nu hveelɛi daa gɛ, mąąnɛ̨ɛ̨ di di paa, di ɲąmą wulu a lɛɛ di kpɔwɔ nwuɔ̨.

Zakari 5:4

Yai-Laa Mɛ̨nį Kəlee ŋą Hééɓomun woo ka, yɛ: Gáá nɛ̨ŋɛ̨n naa kɛi, yɛ nwuɔ̨mun nwɔ pɛlɛ́i hon, da nui a gwɛla a lɛɛ, nwɔ pɛlɛ́i. Yɛ hee kpɔ bɛlɛ́ hɛ̨ąi, yɛ nwuluɠaa, da gwɛniɠaa, di kələn.

Zakari 8:17

'Ka hvo mɛ̨nį ɲɔ̨nwɔ̨ɔ̨ mąą kili tee ka kwəi ka keeni diɛ, nu kwɛlaa a lɛɛ mɛ̨nį, yili wɛli hvo kɛ kaa. Mąąhɔlɔɓo, mɛ̨nįɠaai tii kəlee wɛli kpɛɛi mą́ą́. Yai-Laa woo li.

Malasi 3:5

A tɛ̨ą, Yai-Laa Mɛ̨nį Kəlee ŋą Hééɓomun nwoo ka, yɛ diɛ: Ŋą́ pa, ŋą́ hee ka lɔwai, ŋą́ ka mąą mɛ̨nįɠaa hutɔɔ. Ŋą́ haŋą həɠə-hɛn nąmįną diɛ a mąą hulaa; diɛi da kɛ wɛli hon ɉi, diɛ di kwɛla a lɛɛ, diɛ kólo kɛ nuą hvɛla kulɔ di yəi, diɛ too təlilɛa da galaninŋaa mɛ̨i, diɛ nwɛ̨ąą yee kpɛlaan, diɛ hɛn gulɔ di yəi; ɛlɛɛ, da nuąi di hva ɲɔw mą́ą́.

Ɉaan 8:44

Ka nąn ɓaa a nąnį, niiɓa ɓə ka káá bɔ kaa gɛ. Ə həɠə kpɔ yɛnɛ̨ɛ̨ kɔ́wɔ tɔɔ yələ ɓa, paa lɔ ɓə nwɛli kaa mą. Hvo ta tɔɔ li tɛ̨ą pələ mɛ̨i, mąąhɔlɔɓo, hvo tɛ̨ą kɔ́lɔn. A kɛi lɛɛ mɛ̨nį ɓo, a gulɔ gbɔwɔ kɛ pələ hu, mąąhɔlɔɓo, gaa a lɛɛmun, yɛ ɓo a lɛɛ nąn.

Lomaŋ 1:26

Yili ɓə gɛ, Yálá ə ɓo diɛ, diɛ lɔ di kpɔɔ nwumɛ̨ mɛ̨nį hu. Di kpɔ-kpɔɔ nɛ̨ąąi ti, yii kɛ mąąnɛ̨ɛ̨ ə kɛ da di diɛni di lɔwai, da yili kɛi lɛɛ laa, diɛ gɛ di kee ni lɔwai.

Dutɛrɔnome 24:7

Da nu ta kaa aa nɔi lon da, yii gaa a Israɛlə lon da aa nwuɔ̨, yɛ ɲee pənə ɉu, a wala kɛ tii, yɛ nɔwɔtɔɔ; ka nu nwuɔ̨ mun tii paa, ka mɛ̨nį ɲɔ̨n gulɔ ka lɔwai.

Timote dɔlɔɔ 4:6

Mɛ̨nįɠaa ŋɛ̨i laa kalan nɛa ɲɛ̨i; yili hu ɓə, yá pɛli kɛi la a Jesus Kristə ŋą kpɔn ɉu mɛ̨nį ɲɛ̨i kulɔmun nɛlɛɛ, ə́ kɔ̨nɔ̨n ə ɓo a laa na laa hu wooɠaa, ɛlɛɛ, da mɛ̨nįi di ə́ mąąkwɛli mą a tələnmolaa.

Timote dɔlɔɔ 6:3

Nu ta a kɛi nuą mąąkwɛli a kalan bələ takpɛli, awala kɛ a gąnąnŋąą gu Nąmu Jesus Kristə woo huhəɠəənŋąąi ɓa, ɛlɛɛ, da túwɔ́ pələ yii a galan bələ mąą hon,

Timote veelɛ 1:13

Dɛ̨ą wooɠaai ə́ mɛ̨n nái, ə́ wɔɔ yɛnɛ̨ɛ̨ kɛ pələ kɔɔn mą, laa na laa hu da wɛlikɛmąąlaa hu, Jesus Kristə laa hu.

Timote veelɛ 4:3

Mąąhɔlɔɓo, yələ ta kaa pai ɉəli, nuą wəli kaa pai walawalai, di hva kɛa di wəli tɔɔ tɛ̨ą woo hu həɠəənŋąą ɓa. Kɛlaa, di kaa pai hvilɛn ɉii di kpɔwɔ liiɓa mɛ̨nįɠaa pulu, di wəlii yɛ di təɠən, diɛ di liiɓa mąąkwɛli kɛ nuą tamąą həɠə di bu di kwɛlɛ.

Taitɔ 1:13

Yan, mɛ̨nįi ti ə mo, gaa a tɛ̨ą. Yili ɓə gaa mą, 'haŋąn diɛ kpɔ a nwalawlaa, əgɛ, di wɔɔ laa na laa mąą ə həɠə.

Taitɔ 1:9

ɲee kąnąnŋąą kpɔ kpąą, dɛ̨ą wooi bɛliɛ laa na laa ɓa, mą, yɛ pɛli nuą mąąkwɛlii mą. Yili a kɛ tii, a pɛli ə nuą liɛwoo kɛ, yɛ pɛli dɛ̨ą woo hu həɠəənŋąą ɓa, nuąi da hɛatoo na, yɛ pɛli di hɔn nɛi diɛ.

Hebreu 13:4

Hílɛtai yíi mɛlɛ ə kɛ mą nu kəlee ɲɛ̨i ɓa, ɛlɛɛ, hilɛtai gbin, hvo kɔhɔɓo; mąąhɔlɔɓo, túwɔ́ pələ ɲɔ̨n gulɔ nuą, da wɛlikɛ nuą, Yálá kaa pai di kiti teei.

Zûu 1:7

Yii ɓaa Sodomə da Gomorə da di kwɛlɛ taaɠaa, diɛi wɔlɔ kɛi túwɔ́ pələ ɲɔ̨n gulɔ gee pɔ. Diɛ wɛli ɲɔ̨nwɔ̨ɔ̨ kɛ a diɛ gee, hinąą diɛ láá a di gee, diɛ láá a huwɔɠaa. Nuą tii kaa háákələi nwɔ̨n ɉu yii hva luwun. Mɔ̨nɔ̨i tii di kaa mįi, yili kaa a mɛ̨nį kɔ́ɔn mąą da kili lɛɛ ɉu nu kəlee mąą mɛ̨nį ɓa.

M̀ɛni-lɛɛi 18:13

a kanɛlə wulu kɔlɔ, hɛn gun-nɛ̨ɛ̨ɠaa, wulɔ kun-nɛ̨ɛ̨, mirə wulɔ, ɛlɛɛ lansan, lɔɔ da wulɔ, lɛɠɛ hunwɔ̨ ɛlɛɛ mɔ̨nun gɔw, nįŋɛ̨ɠaa da ɓɛlaaɠaa, hooɠaa da wotoloɠaa, luwɔɠaa, da gaho nąmįną.

M̀ɛni-lɛɛi 21:27

Mɛ̨nį kɔhɔɓoɔ da lɛɛ, di ha lɛɛ nu ta yee pɔ hvo lɔ la laa, kɛlaa, hvo kɛli lɔ nuąi di laa pɛ̨ɛ̨ kaa mɛlaa lon ŋą yɛnɛ̨ɛ̨ kɛ hɛɓɛ́ hu, diɛ ɓə da lɔ laa.

M̀ɛni-lɛɛi 21:8

Yii ɓaa ɲɔw nuą, diɛi di hvo kulɔ di woo ɓa, diɛi a tuwɔ pələ ɲɔ̨n gulɔ nuą, a nu paa nuą, a hiɛnɔwai kɛ nuą, a kaahɛn ɉəɠə nuą, a hali kɔ nuą, ɛlɛɛ, da lɛɛ nuą; di wɛi nąą ɓaa nwɔ̨n máɠa hu; yili ɓə a haa veelɛnąą.»

M̀ɛni-lɛɛi 22:15

'Ká kulɔ ɲɛnɛ̨ɛ̨ pələ, yilɛɠaa, ɛlɛɛ, kaahɛn ɉəɠə nuą, tuwɔ pələ ɲɔ̨n gulɔ nuą, ɛlɛɛ, da nu paa nuą, hali kɔ nuą, ɛlɛɛ, da nuąi lɛɛ wɛli kaa diɛ, ɛlɛɛ, diɛ lɛɛ kɛ!