Tɛsalonikə dɔlɔɔ 5:20 - Yálá laawoo hɛɓɛ (dc)

²⁰ 'ká hvo Yálá kwəi mɛ̨nį hukulɔ nuą woo hviiɓo;

Yálá laawoo hɛɓɛ

²⁰ 'ká hvo Yálá kwəi mɛ̨nį hukulɔ nuą woo hviiɓo;

Bible

²⁰ káfe káŋɛi naɣîŋ Ɣâla-woo-ƃoɔ mɛi,

Tɛsalonikə dɔlɔɔ 5:20 Kruisverwysings

Gɛlaɠaa 13:1

Gbɔn kɛ Antiɔsə daai, Yálá kwəi mɛ̨nį hukulɔ nuą di kɛ ɉu da mąąkwɛlikɛ-nuą. Diɛ ɓaa: Barnabasə, Simeɔn (yai da kɛ naa mɛ̨i hee ɓaa: Hulɔn-dɛɠi), Lusiusə Sirɛnə mun, Manaɛn, yai da Herodə nɔi-nwun nąmu di di lɛapɛlɛɛ pə́lə́ kɛ gee ɓa, da Solə.

Gɛlaɠaa 19:6

Polə ə ɲee pɛlɛ di mɛ̨i, di Kili-Mąąhəɠɛɛ hɔlɔɓo; diɛ kɛa hvaa a woo nįnɛ̨ɠaa, diɛ Yálá kwəi mɛ̨nį hukulɔ.

Korɛntə dɔlɔɔ 11:4

Hulɔnu lɔpee a kɛi Yálá hvɛli, a wala kɛ tii, yɛ Yálá kwəi mɛ̨nį hukulɔ, ɓɔlɔ pɛlɛɛ nwuɔ̨, gaa ɲɛ̨i tɛ kulɔi a nwun nąmu.

Korɛntə dɔlɔɔ 12:10

ə kpalo mɛ̨nį kɛɛ mąą laa tɛɛ da pɔ, ə Yálá kwəi mɛ̨nį hukulaa tɛɛ da pɔ, ə dakpɛli nwɛi kɛ a mɛ̨nį hukpɛ kili, da yɛnɛ̨ɛ̨ mɛ̨nįɠaa hu tɔɔ, ə da nwɔɔ kɛ a hį́iwooɠaa ɓoɔ, ə da nwɔɔ kɛ nwɔ̨nɔ̨ a laawoo tɛɛ kɛɛ.

Korɛntə dɔlɔɔ 12:28

Nuąi Yálá ə di hee gbɔn nwun na, dɔlɔɔɠaa ɓaa: Gɛlaɠaa, a həɠə laa: Gwəi mɛ̨nį hukulɔ nuą, da həɠə laa: Nuąi di ɓɛlaa mąąkwɛli mɛ̨nį kaa di nwuɔ̨, yili a hələ laa: Kpalo mɛ̨nį kɛ nuą, ɓalo ɓo kɛ nuą, nuąi da kpɔnmąą tɛɛ di ɓɛlaa pɔ, ɲɛ̨i tɔwɔ nuą, da hįiwoo ɓo nuą

Korɛntə dɔlɔɔ 13:2

Ə mą kɛ ŋą́ pɛli Yálá-taa mɛ̨nįɠaa kəlee hu kulɔi, gɛ́ ɓo a mɛ̨nį looɔɠaa kəlee kɔ́lɔnŋąa, da kili mɛ̨nį kəlee, ə mą kɛ laa na laa kaa ɲɛ̨́i gɛ́ yeeɠaa həɠə la dɔɔi, akɛ wɛlikɛmąąlaa awala kɛ ɲə́i, gáá a kpɛli-kpɛli.

Korɛntə dɔlɔɔ 13:9

Mąąhɔlɔɓo, guɔ mɛ̨nį kɔ́lɔnŋąa ɲɛ̨n dɔɔi, guɔ Yálá kwəi mɛ̨nį hukulɔ mɛ̨nį yaan, ɲɛ̨n dɔɔ.

Korɛntə dɔlɔɔ 14:1

'Ká wɛlikɛmąąlaa kwɛli, Kili yəi mɛ̨inɛ̨ɛ̨ɠaa mąą lii ə too ká kwəi; gəlee ə mą kɛ, Yálá kwəi mɛ̨nį hukulaa.

Tɛsalonikə dɔlɔɔ 4:8

Yili ɓa, nui a ɲee kulɔ niɛwoo ŋɛ̨i mui, hvo ɲee kulɔ li nu ta mu, Yálá ɓə aa ɲee kulɔ mu, yai ŋą Kili-Mąąhəɠɛɛ tɛɛ ká pɔi.

Zɔ̂ŋ Maa-ŋuŋ 4:1

Nwɛ́likɛmąą nuą, 'ká hvo laa mąąkwɛli kɛ nuą kəlee woo la, kɛlaa, 'ká di mąąkpɛɛ, ə gɛ, ká gaa, akɛ ə həɠə Yálá pɔ; mąąhɔlɔɓo, lɛɛ nuą tamąą daa di kpɔwɔ kɛ a Yálá kwəi mɛ̨nį hukulɔ nuą daa taɠa-taɠa yɛnɛ̨ɛ̨ nąą kəlee.