Tɛsalonikə dɔlɔɔ 3:8 - Yálá laawoo hɛɓɛ (dc)

⁸ Ɛlɛɛ, yiihu kɛa, ku kaa yɛnɛ̨ɛ̨ kɛi, mąąhɔlɔɓo, káá tɔɔ kpąą ku Nąmu hu.

Yálá laawoo hɛɓɛ

⁸ Ɛlɛɛ, yiihu kɛa, ku kaa yɛnɛ̨ɛ̨ kɛi, mąąhɔlɔɓo, káá tɔɔ kpąą ku Nąmu hu.

Bible

⁸ ǹyaŋ kúkaa nâa fulu-laa su, à kɛ̀ kákaa Kúnuu-namui kponôi.

Tɛsalonikə dɔlɔɔ 3:8 Kruisverwysings

Mąątɛ̨nɛ̨ 30:5

Kaai a Yai-Laa yee pɔ nuą, 'ka naa tɛ wələ too, 'ka mąątɛ̨nɛ̨, kaa nwɔ mąąhəɠəlaa hukulɔ pɔ̨nɔ̨ ŋą.

Ɉaan 15:4

Ka kanąn mą́ą́, yɛ bələi gánąn ɲąą la kaa. Bələi lɔ wulu wonwo hva ɓa la gbɔɔ ɓa, hvɛɛ a kɛ a ganąn ŋąą nwulu ɓa, kaa kpɛli mąn, ka hva pɛli ɓai hvo kɛli ka kanąn mą́ą́.

Ɉaan 15:7

Ka kanąn mą́ą́, nwóóɠaa kili ə lɛɛ ka ŋą, yii lɔpee ka mąąkpaan gaa mą, ka vɛli ka ɉɔlɔɓo.

Ɉaan 8:31

Ɉuifəɠaai laa Jesus la, ə mo diɛ, yɛ diɛ: «Akɛ ka kanąn nwɔ́ liɛwooɠaa diɛ, ka káá kpɔ a nwɔ́ kalan nɛa leeleeɠaa.

Gɛlaɠaa 11:23

Lii kɛa ə mo, ə Yálá nwɔ nɛ̨ɛ̨laa kɛ kóló kaa, gwəi ə nɛ̨ɛ̨, ə di hvaŋąlɔ yɛ diɛ; 'Ká kanąn gu Nąmu ɓa a ka lii kəlee.

Korɛntə dɔlɔɔ 15:58

Yili ɓa tii, nwɛ́li kɛ mąą nuą, ka tɔɔ kpąą, ká mąą hvo kpɛlin, gu Ną́mu nwɔ kóloi hu, káá tɛ tɔwɔ a yələ kəlee. Ká gɔlɔn káá: Mɔ̨nɔ̨i ka káá mįi, hvo pai lɛɛi a kpɛli Ną́mu hu.

Korɛntə dɔlɔɔ 16:13

'Ká lɛɛ a 'ká ɲɛ̨i, 'ká tɔɔ a ká nwąnąi laa na laa pələ mɛ̨i, 'ká ká liikpələ, 'ká ká huwalawala.

Galatə 5:1

Gu lɛɛ mɛ̨nį gu kpɔwɔ yee kɔnma mɛ̨nį ɓə, Kristə ə gu nwun mąąɓo la. 'Ká tɔɔ kani a ká nwąnąi, ká hvo ká kpɔwɔ lɛɛ laa, di hvo ká too luwɔlaa ŋą kpɔnɔ̨ nįnɛ̨ ɲą.

Ifisiɛŋ 3:17

Ə gɛ Kristə ə ɉeei kaa ká nįį pɔ, laa na laa hu, ká hamu ə kɛ a vilɛnŋąa, dɔɔ a nwalawala wɛlikɛmąąlaa mɛ̨i.

Filipə 1:21

Mąąhɔlɔɓo, ŋą́ kɛ vúlú kɔwɔ ɲą, nwɔ́ yɛnɛ̨ɛ̨ ɓaa a Kristə, ŋį́ haa, yili kaa mą́ą́ a tɔ̨nɔ̨ kɛnɛ̨ɛ̨.

Filipə 1:27

Yii lɔ mą, ya ɓaa: 'ká wɔ yɛnɛ̨ɛ̨ kɛ pələ ə pɛli Kristə nwɔ wɛlɛɛ lɛlɛɛi pɔ yííɓoi. Yili ɓə a gɛ, ŋą́ pa ka pɔɔli-o, və́ pa ka pɔɔli-o, ŋą́ pɛli woo lɛlɛɛ mɛ̨n ɉii, yɛ hvilɛn na káá, diɛ kɛ: Ká kwəi kaa tanɔ̨n, káá gɔ tɔ̨nɔ̨i kɔ, a ká laa pələ nwɛlɛɛ lɛlɛɛ la;

Filipə 4:1

Yili ɓa tii, nąn nonnii, nwɛ́likɛmąą nuą, gáá kpɔ bɔ ŋą́ ɲɛ̨́i tɔɔ kaa, káái a nwɔ́ kwəinɛ̨ɛ̨ da nwɔ́ɔ́ ɲɛ̨i pono, 'ká tɔɔ kpɔ tii gbąą, gu Nąmu nwɛi hu, nwɛ́likɛmąą nuą.

Kolosə 1:23

Kɛlaa, hvo kɛli, laa na laa háálai, ká kanąn mą, 'ká ɉon kpɔ kpąą, 'ká hvo nɛɛ laa, di hvo ká mąąkwɛa nwɛlɛɛ lɛlɛɛ ŋą kilitɔɔmąą laa ɓa, yai ká mɛ̨n; a yai, di naa həli pɛli-hɛn gəlee ɓa yələkɔlɔn mu nąą kəlee, yaa tii ɓə, ɲą́ą́ Polə ŋą́ kɛ a ŋą tímun.

Tɛsalonikə dɔlɔɔ 3:7

Yili ɓa tii, ną́n nonnii, kwaa liilaa hɔlɔɓo ká mąą mɛ̨nį hu, ku wɔɔ liihɛlɛnŋaa da ku wɔɔ mɔ̨nɔ̨ɠaa hu, ká wɔ laa na laa háálai.

Hebreu 10:23

Gu hvo kpɛlin, 'ká gu kɛ lɔ gu wɔɔ kilitɔɔmąą woo laa həli a yələ kəlee, mąąhɔlɔɓo, nui ŋɛ̨i mɛ̨nį laakwɛlanmo guɔ, a kulɔ nwoo ɓa.

Hebreu 3:14

Guɔ ka kɛa gwaa kɛ kɛa a Kristə mɛlaani, akɛ, gwa lɛɛ lɔ tɔɔni gu tɔɔ kilitɔɔmąą laa hu, ə lɛɛ la ɉu ɲąąkpɛɛ yələ.

Hebreu 4:14

Yii kani haláá laa həli mun gɛnɛ̨mun gaa ká gu yəi, a Yálá Lon Jesus, yai yələkɔlɔn ɉuɓɔ, 'ká gu naa na laa wooi ŋɛ̨i hon gani kpąą.

Piɛrə dɔlɔɔ 5:10

Mɛ̨inɛ̨ɛ̨ kəlee Nąmu Yálá, yai ká təli Kristə hu a ŋą mąąwiɛlaai hva kpɛɛ mą, yaa ɓə pai ká heei kulɔi, ká kpɛɛ a mɔ̨nɔ̨ tawolo mįɛ, a ká huwalawala, ə ká hvaŋą kɛnɛ̨, ə ká tɔɔ gbilin, túmo hva kɛ káá.

Piɛrə veelɛ 3:17

Yili ɓə gaa mą:, nwɛ́li kɛ mąą nuą, ka wɛi, ka kili aa pu kɛa mɛ̨nį kəlee hu, ka ka kpɔɔ mɛ̨i kaa, ka hvo nɛɛ laa nu ɲɔ̨nwɔ̨ɔ̨ɠaa di hvo ka həɠə bələ mɛ̨i, di hvo ka wɔ kilitɔɔ mąą kulɔ ka yəi.

M̀ɛni-lɛɛi 3:11

Gáá pai yiihu. Yii gaa ə́ yəi, ə́ yee kąnąn mą kpąą, əgɛ, nu ta hvo pa ə́ wɔ ɓɔlɔi həɠə ə́ yəi.

M̀ɛni-lɛɛi 3:3

Mɛ̨nįi ə́ ɉɔlɔɓo, ɛlɛɛ, ə́ mɛ̨n, ə́ kili hvilɛn gani, mą. Ə́ yee kąnąn mą, ɛlɛɛ, ə́ ə́ tuwɔ pələ mąąhvalin! Yá wala kɛ gili-gili, gáá pai lɔ yɛ nwuɔ̨mun, ɛlɛɛ, ɲələi gáá pai la ə́ tɛɠii pələ, hvó nąąlɔwai kɔlɔn.

Samuɛlə dɔlɔɔ 25:6

kaa mą: ‹Gwəlan ŋɛ̨i pai ə nɛɛ yɛ́, yɛ bələi ɲɔɔ kwɛlan mu nwɛi aa kɛ la. Liilaa ə kɛ ə́ pɔ, liilaa ə kɛ ə́ wɔɔ pɛlɛ́i mɛ̨i; liilaa ə kɛ ə́ yəi hɛn gəlee mɛ̨i.