Tɛsalonikə dɔlɔɔ 2:15 - Yálá laawoo hɛɓɛ (dc)

¹⁵ a diɛi tii gu Nąmu Jesus paa, da Yálá kwəi mɛ̨nį hukulɔ nuą; diɛ lɔ ɓə nwɔ̨nɔ̨ ku mɔ̨nɔ̨ɓo, di wɛli hvo Yálá ɓa, di kaa a nu kəlee ɲowo,

Yálá laawoo hɛɓɛ

¹⁵ a diɛi tii gu Nąmu Jesus paa, da Yálá kwəi mɛ̨nį hukulɔ nuą; diɛ lɔ ɓə nwɔ̨nɔ̨ ku mɔ̨nɔ̨ɓo, di wɛli hvo Yálá ɓa, di kaa a nu kəlee ɲowo,

Bible

¹⁵ Dí Kúnuu-namui Zîsɛ pàa da Ɣâla ŋɔlóno kɛ́-ƃelai, dí kúkpɛ̂. Dífe Ɣâla líi laa ni. Dí tɔɔ núu kélee ma.

Tɛsalonikə dɔlɔɔ 2:15 Kruisverwysings

Mąątɛ̨nɛ̨ 109:20

Bələ ɓə Yai-Laa kaa pai gálámąɓo nuą tii hon ɉii la, da nuąi da kɛ mɛ̨nį ɲɔ̨n moi a náá.

Ɉeremi 2:30

Ŋą́ą́ ka lonnii kɛlɛ, aa lɛɛ a kpɛli-kpɛli, di hvo di wəli tɔɔ li niɛwoo ɓa. Kaa Yálá kwəi mɛ̨nį hukulɔ nuą paa a ɓɔwa kwɛa, yɛ bələi kɛɛ kala yala a gɛ la.

Amɔsə 7:12

Nąąlɔwai, Amasia ə mo Amɔsə ɓa, yɛ mą: «Yɛ́i ŋɛ̨i Yálá a kɛ mɛ̨nį lɛi yɛ́, həɠə ɓɛ yiihu, pu, ə́ li Ɉuda lɔi hu; naa nwɛi, ya li laa, ya kɛ Yálá mąą mɛ̨nį ɓoi nuą diɛ, yɛ́ kɔ̨nɔ̨n ɉɔlɔɓo yɛ́ mįi.

Maafîu 23:37

«Ɉerusalɛmə taa! Oo Ɉerusalɛmə, yɛ́i yá Yálá kwəi mɛ̨nį hukulɔ nuą paa, yiiɠaai Yálá a di tɔɔ ə́ pɔ, yɛ́ di hɔɔ a kwɛni diɛ. Ŋą́ kɛ bɔ ŋį́ ə́ lonnii kəlee ŋąąkpɔn yɛ pələi tɛ́ɛ́ kɔ́nwɔ̨lee a nonnii kəlee ŋąąkpɔn na goon mu.

Maafîu 27:25

Nu kpului tii kəlee diɛ mą: «Ɲąmą wulu a lɛɛ ku nwuɔ̨ kwa ku lonnii.»

Maafîu 5:12

'Ka ka kwəinɛ̨ɛ̨ ka ɓələn. Hvo gaai, ka hvɛla kɛnɛ̨i Yálá-taa. Bələ lɔ ɓə di gɛ la a Yálá kwəi mɛ̨nį hukulɔ nuą tɔlɔɔɠaa, diɛi kɛ ka tɔwɔ.»

Lukə 24:20

Kuɔ ɉala laa həli nuą kpɛa-kpɛaa da ɲɛ̨itɔwɔ nuą di dɛŋɛn gwɛlɛ, di mąą ɲąbalɔ, əgɛ, di gbanwo kolɔwa ɓa.

Gɛlaɠaa 12:3

Gaa Herodə ə mo yɛ yili aa nɛ̨ɛ̨ Ɉuifəɠaa diɛ, ə mo di Piɛrə yaa kpɛli ɉon; nąąlɔwai ə kɛ a ɉɛlii da kɛ bui a lɛɠɛi dɛ-hɛn və ɉu, bui lɔwai.

Gɛlaɠaa 2:23

Ɉulɔnui ti, yɛ bələi ə kɛ la a Yálá nwɔ mɛ̨nį pɛliɛ da nwɔ mɛ̨nį kɔ́lɔnŋąa, ká gwɛlɛ nuąi di hvo Yálá kɔ́lɔn diɛ, di gbanwo kolɔwa ɓa, di baa.

Gɛlaɠaa 3:15

Bələ ɓə ka yɛnɛ̨ɛ̨ Ną́mu paa la. Kɛlaa, Yálá ə gulɔ haaɓɛlaa lɔwai, a vulú; ku kaa a mąą kɛla.

Gɛlaɠaa 4:10

mąąnɛ̨ɛ̨ ka kəlee ka gbaɠala kaa, ə mą kɛ, Israɛlə nuą kəlee, kaa kɛ: Jesus Kristə Nazarɛtə mun ti ka gbanwo kolɔwa ɓa, yai Yálá ə gulɔ haaɓɛlaa lɔwai ə gɛ a vulú, naa hu ɓə ɉulɔnui ŋɛ̨i kaa la tɔɔni ka lííla a gɔlɔi ponoɔ̨.

Gɛlaɠaa 5:30

Jesus ŋɛ̨i ka ɉon ka gbanwo kolɔwa ɓa, ə haa, ka nąnni pɔlɔɠaa di wɔɔ Yálá, ə gulɔ haaɓɛlaa lɔwai ə gɛ a vulú.

Gɛlaɠaa 7:52

Yálá kwəi mɛ̨nį hukulɔ nuą nɛlɛ kpɔ ɓə ka nąnni di hvo mɔ̨nɔ̨ɓo? Nuąi kɛli dələnmomun ti pa mɛ̨nį laa həli, 'ka nąnni, di gəlee paa. Dələnmomun ti, ká lɔ mąąkilii, ká baa.

Korɛntə dɔlɔɔ 10:5

Bələi mąn ə kɛ la tii, damąą di hvo Yálá lii hon, hvo gaai, mɔlɔɓɛlaa di haa nɔi pun ɉu.

Korɛntə veelɛ 11:26

Ŋą́ą́ hiɛ tamąą gulɔ gɔ́wɔ́ ɲą, haa aa hvoló mą́ą́ tamąą yá-kpɛa-kpɛaa ɲą, ŋą́ą́ kulɔ toomɛ̨i kɛ nuą yee mu, ŋą́ą́ kulɔ gááyɔwɔɠaai a ną́n nonnii di yee mu, yiiɠaai di hvo a Ɉuifəɠaa di yee mu, ŋą́ą́ tɛɛ mɛ̨nį kpɔluɠaa hu daa-leeɠaa hu, nɔi pun ɉu, gboloyá ɲą, hu hveelɛ nuą yee mu!