Samuɛlə dɔlɔɔ 8:7 - Yálá laawoo hɛɓɛ (dc)

⁷ Yai-Laa yɛ Samuɛlə ɓa: «Ə́ wəli tɔɔ nɔi lonnii kəlee woo ɓa, yii lɔpee da mo yɛ́, gɛ. Yɛ́ hvəi di kaa ə́ pilii, di hvo kɛa bɔ və́ di ɲąąwooɓo.

Yálá laawoo hɛɓɛ

⁷ Yai-Laa yɛ Samuɛlə ɓa: «Ə́ wəli tɔɔ nɔi lonnii kəlee woo ɓa, yii lɔpee da mo yɛ́, gɛ. Yɛ́ hvəi di kaa ə́ pilii, di hvo kɛa bɔ və́ di ɲąąwooɓo.

Bible

⁷ Ǹuu-namui è ŋ̀óo su tòo ǹyɛɛ m̀ai, “Samia, ye mɛnii kélee kɛ́ da pâi m̀ôi yâi. Ńyãa kpîŋ ká ŋí da díyee kúla mu a díkâloŋ.

Samuɛlə dɔlɔɔ 8:7 Kruisverwysings

Lɛɛ gbɔwɔ ɓa 16:8

Moisə yɛ diɛ: «Yai-Laa kaa pai huwɔ tɛɛi ka pɔ háákələi yələwulii pɔ, ka mįi, yələwala pɔ, ka pilɛ a ka liiɓa. Mąąhɔlɔɓo, Yai-Laa aa ka woo mɛ̨n, kaa hvaa ka nwun ɉu. Lə ɓaa kuɔ? Kuɔ hvəi ka káá hvaai ka nwun ɉu kuɔ, Yai-Laa ɓə!»

Azaya 66:4

Ɲą́ą́ gbɛli mąn, gáá pai nííɓa mɛ̨nį kɛi a di mɔ̨nɔ̨ ɓo mɛ̨nį, ɉɛn da ɲɔw mą, gɛ́ ɲɛɛ a di nwun. Mąąhɔlɔɓo ŋį́ təliɓo kɛ, nu ta hvo hvaa, ŋą́ą́ hvaa, nu ta hvo nwəli tɔɔ li. Mɛ̨nįi ɲɔ̨nwɔ̨ɔ̨ ɲɛ̨́i mu, ya ɓə da gɛ. Mɛ̨nįi nwɛli kpɛɛ mą́ą́, ya ɓə di gɛ a di liiɓa mɛ̨nį.

Ɉeremi 34:14

‹Kwɛlan mɛ̨ihveelɛ tɛɛ pulu, ka kaayɔwɔɠaai a Hebreu, yai aa kɛ gbɔwɔ tɔlaa hee kaa; nu kəlee a mąą nu lɛɛ gbɔwɔ ɓa. A lɛɛ ka yəi tɔlaa laa hu, kwɛlan mɛ̨ida yeemu, yili pulu, ka nɛɛlaa.› Kɛlaa, ka nąnnii di hvo di wəli tɔɔ, di hvo nwoo mɛ̨n.

Izikiɛ 2:3

yɛ mą́ą́: «Hulɔnu lon, gáá ə tɔɔi Israɛlə lonnii pɔ, a gulɔ nwoomu nu huwui tii, a nuąi daa tɔɔ ná a kɔ́, diɛ mąn di nąnni mąn, aa lɛɛ ɉu háákələi aa həli.

Izikiɛ 3:7

Kəlɛɛ Israɛlə nwɔ pɛlɛ́i hvo pai nwəli tɔɔi ə́ woo ɓa, gbala ə tɔɔ, di hvo bɔ di hvo di wəli tɔɔ nwóó ɓa; mąąhɔlɔɓo Israɛlə nwɔ pɛlɛ́i kəlee nwun ɉu wala walai, gili wala walaa.

Lonon mo 22:20

Yálá ə pa Balaamə pɔ kpinįi yɛ mą: «Akɛ ə́ təli mɛ̨nį ɓə nuą ŋɛ̨i di paa lai, ə́ muhəɠə ka diɛni ka li. Kɛlaa, mɛ̨nįi gáá pai moi yɛ́, ya ɓə ə́ kaa pai gɛi.»

Maafîu 10:40

«Nui a ɲee hee ka mu, a kɛ tii, mąą nu aa ɲee hee mú. Nui yaan a ɲee hee múi, a kɛ tii, aa ɲee hee nui dɔ́ɔ́ mu.

Lukə 10:16

Jesus ə mo nwɔ̨nɔ̨ nwɔ kalan nɛai diɛ, yɛ diɛ: «Akɛ nu ta a nwəli tɔɔ kaa, a kɛ tii, aa nwəli tɔɔ mą́ą́. Nui a lənə kaai, a kɛ tii, aa lənə mą́ą́. Yaan, nui a lənə mą́ą́, a kɛ tii, aa lənə nui dɛ́ɛ́ ma.»

Lukə 19:14

Kɛlaa, nwɛli hvo kɛ nwɔ lɔi hu nuą diɛ; di kɛla tɔɔ bulu, diɛ mą: ‹Ku hvo bɔ ɉulɔnui ŋɛ̨i ŋą tɔɔlaa pɔ.›

Lukə 19:27

Yii ɓaa nuą tii kɛ diɛ, di hvo nwɔ́ tɔɔlaa pɔi, ka pa a diɛ ɓɛ, ka di paa ɲɛ̨́i ɓa.›»

Ɉaan 13:16

A tɛ̨ą kpɔ-kpɔ gáá moi kaa, kólo kɛmun hvo tɛɛ li nąmu ɓa. Kɛla hvo tɛɛ li nui dɔɔɔ mą.

Nwun mąąɓo 8:23

Zedeɔn yɛ diɛ: «Və́ pai kɛi a ka ɲɛ̨itɔwɔ mun, nón və pai kɛi la, Yai-Laa ɓə pai kɛi a ka ɲɛ̨itɔwɔ mun.»

Samuɛlə dɔlɔɔ 10:19

Ya ka tii, háákələi, kaa ka kili kulɔ ka wɔ Yálái hu, yaa tii a ka kulɔ ka wɔɔ mɔ̨nɔ̨ɠaa kəlee hu, da ka wɔɔ kwəi pili mąą mɛ̨nįɠaa kəlee. Ya ɓə kaa diɛ: «Ə tɔɔmun dɛɛ ka pɔ.» A kɛ tii kani, ka pa Yai-Laa lííla a ka huwuɠaa laa, da gwəliɠaa laa.›»

Samuɛlə dɔlɔɔ 12:1

Samuɛlə yɛ Israɛlə lonnii kəlee diɛ: «Mɛ̨nįɠaa kpɔ ka mo mą́ą́, ya ka ŋɛ̨i ŋą́ą́ ɲéé hee gəlee mu, ŋą́ą́ tɔɔmun ɉee ka nwun na.

Samuɛlə dɔlɔɔ 12:12

Kɛlaa, Nahasə yai kɛ a Amɔn nuą di wɔ tɔɔmun, gaai ka mo yɛ pa kɔ́ pɛlɛi kaa, ka kɛ mą́ą́: ‹Kpələ! Tɔɔmun mə mąąnɛ̨ɛ̨ ə ku ɲąąwooɓo.› Ya pa Yai-Laa ka wɔ Yálái ɓə gaa a ka wɔ tɔɔmun.

Samuɛlə dɔlɔɔ 8:22

Yai-Laa yɛ Samuɛlə ɓa nąąlɔwai: «Ə́ wəli tɔɔ di woo ɓa, tɔɔmun dɛɛ di pɔ. Samuɛlə yɛ Israɛlə nuą diɛ; nu kəlee ə li kɛa bɔ taai.»

Samuɛlə dɔlɔɔ 8:8

Bələi lɔ di kɛi túwɔ́ la a ɲą́ą́, ə həɠə ɲələi ŋą́ di kulɔ la Eziptə lɔi hu, ə lɛɛ ɉu ə həli yiihu ɓa, diɛ nɛ́ɛ́ laa, diɛ tíɓo kɛ yálá takpɛliɠaa diɛ, bələ ka tii di kaa túwɔ́i la a ɲą́ą́.