Samuɛlə dɔlɔɔ 2:3 - Yálá laawoo hɛɓɛ (dc)

³ Ka hvo ka nwun dɛɠii hvaa ɓo lɔ tii, tɛɠɛɓo ɉu woo hvo kulɔ ka la. Yai-Laa kaa a Yálái mɛ̨nį kəlee kpaɠala kaa mą, ya ɓə a nuą kɛ mɛ̨nįɠaa kiti tee.

Yálá laawoo hɛɓɛ

³ Ka hvo ka nwun dɛɠii hvaa ɓo lɔ tii, tɛɠɛɓo ɉu woo hvo kulɔ ka la. Yai-Laa kaa a Yálái mɛ̨nį kəlee kpaɠala kaa mą, ya ɓə a nuą kɛ mɛ̨nįɠaa kiti tee.

Bible

³ Zu mɛni kɛ̂tɛ-ƃelai, ka tée su mɛni kɛ̂tɛ ma, ka kpera yoŋka têei. Yâwɛɛ káa a táre Ɣala. È m̀ɛni-ŋai kélee kɔ́lɔŋ kwa gɛ̂i, ǹyaŋ a pâi díŋa têei.

Samuɛlə dɔlɔɔ 2:3 Kruisverwysings

Tɔɔɓɛlaa dɔlɔɔ 8:39

Ee Yai-Laa, lɛɛ yələkɔlɔn ɉu, ɓɛi ə́ kaa laa, ə́ ə́ wəli tɔɔ, ə́ mąąhvaalɛɛ, ə́ ə́ kɛ mɛ̨nį kɛ ɉu; ə́ ɉon yɛ bələi ə túwɔ́ la. Mąąhɔlɔɓo, ə́ gwəi kɔ́lɔn, yaan, yɛ́ tɔ̨nɔ̨ lɔ ɓə nu kanŋaa kwəi kiliŋąhiɛ kɔ́lɔn.

Zôo 31:6

Yálá ə dúwɔ́ pələ kɔ́ɔn tələnmo kilə ŋą, gaa pai nwɔ́ tɛ̨ą kaai.

Mąątɛ̨nɛ̨ 147:5

Ku Nąmu Yálá kɛnɛ̨i, vaŋą kɛ̨nɛ̨, Gili kɛnɛ̨i, ɲɛ̨n və mą.

Mąątɛ̨nɛ̨ 17:10

Di wulɔ aa di laahvɛɛ, kpɔwɔ ɲąąkɛnɛ woo ə ɓo di la.

Mąątɛ̨nɛ̨ 31:18

Yai-Laa, ə́ təlii gáá moi, və́ nwumɛ̨ ɉu, Kɛlaa, nwumɛ̨ ə lɛɛ a nuąi di hva ə́ mąąwiɛ di wɔɔ; di laa pɛlɛ mą, diɛ yɛɛ ɲąmuątaa pələ.

Mąątɛ̨nɛ̨ 44:21

Ə li kɛ kwaa kɛ lɛ̨ą ku wɔ Yálái ɓa, kuɔ ku yee hąŋąn nwɛ̨ą yálá pɔ pələ,

Mąątɛ̨nɛ̨ 75:5

Nuąi da kɛ di nwun dɛi, ŋį́ kɛ diɛi: «'Ka wɔ nwun dɛi aa kpɛɛ!» Nuąi di hvo Yálá kɔ́lɔn, gɛ́ diɛ: «'Ka hvo kɛa ka nwun dɛ!

Mąątɛ̨nɛ̨ 94:4

Di kaa di nwun dɛi, diɛ hvaa a tɛɠɛɓoɉulaa, mɛ̨nį ɲɔ̨n gɛ nuąi tii, di kaa di pilimoi!

Hanwon 16:2

Nu a ɉiɛ pələ kəlee kaa a ɉaŋąą gbɔwɔ ɲɛ̨i ɓa, Kɛlaa, Yai-Laa ɓə ə nu kwəi kiliɠaa kɔlɔn.

Hanwon 24:12

Ə́ kaa kiɛ pai kɛi diɛ: «Ku kili hvo pu ɉu!» Kɛlaa, nui a nu nįį hu kaa, ə gbaɠala kɔ́lɔn. Gaa pai nu kəlee hvɛla kulɔi, yɛ pələi di túwɔ́ pələ kaa la.

Hanwon 8:13

Nui a mɛ̨nį ɲɔ̨n nwɛli kpɛɛ mą, a kɛ tii, aa ɲɔw Yai-Laa ɓa. Ɲą́ą́ nwɛ́i, kpɔwɔ ŋąą kɛnɛ̨ da ɲɛ̨itɛ di wɛli hvo mą́ą́. Túwɔ́ pələ ɲɔ̨n da lɛɛ hvaa, di wɛli hvo mą́ą́.

Azaya 26:7

tələnmomun nwɔ pələi haŋąą dədən, ɛlɛɛ, Yá tələnmomun gbaalə hu lala.

Azaya 37:23

Gbɛɛ ɓə tii ə́ nalan yɛ mɛlɛ kpɛɛ mąi? Gbɛɛ ɓə tii ə́ kɛi ə́ woo həɠə mąi? Ɛlɛɛ, yɛ́ ɲɛ̨itɛ kulɔ lai? Israɛlə nwɔ Mąąhəɠəmun ɓə.

Ɉeremi 17:10

Ɲą́ą́ Yai-Laa, ɲą́ą́ ɓə ŋį́ nu kwəi kiliŋąhiɛɠaa hu kaa, gɛ́ gwəi kili hu kpɛ. Ŋą́ nu kəlee hvɛla kulɔ yɛ bələi a túwɔ́ la. Yɛ bələi gɛ pələ kaa la.

Izikiɛ 35:13

Ka kɛi mą́ą́ mɛ̨nį ɓo a ɲɛ̨i tɛ, kaa pələɠaa ɓo a náá, a kpɔwɔ ɲąą kɛnɛ̨; kɛlaa, ŋą́ gəlee mɛ̨n.

Danîa 5:27

‹Tekɛli› mukulaa ɓaa: Daa ə́ wiɛ yee kɔ́ɔn, gɔwɔn gwɛli ŋą, yaa lɛɛ huwahuwa.

Malasi 3:13

Yai-Laa yɛ diɛ: Ká kɛ woo ɲɔ̨nŋąą ɓoi mą́ą́, yili pulu, káá kɛ mą: «Lə mɛ̨nį ɓə ku mo a ɲɔ̨nwɔ̨ɔ̨ ku kee lɔwai, yɛ hvilɛn na yɛ́?»

Hebreu 4:12

Hvo gaai, Yálá laa woo kaa a vulúmąą, vaŋą ə ɓo ɉu, ɲąąliɛ dɛɛ líikpakpa ɓa. A lɔ kpɔ nu hu, ə gili da nįį di ɓɛlaɓo, ə gbulɔn na da gbɔlɔ di ɓɛlaɓo. Yɛ nu kɛ mɛ̨nįɠaa da nwɔɔ kiliŋąhiɛɠaa di hukpɛ.

Zasua 22:22

«Yáláɠaa di wɔ Yálá, yii gaa a Hɛn gəlee Nąmu Yálá, gbaɠala kaa mą, ɛlɛɛ, mąąnɛ̨ɛ̨ Israɛlə nuą kəlee di gbaɠala kaa, akɛ kwɛli tee laa ɓə ŋɛ̨i ku ka gulɔi, awala kɛ tii, akɛ ku kulɔ mɛ̨nį Yai-Laa pɔ ɓə ku yii kɛ la; ku nwun və kulɔ ɉu háákələi.

M̀ɛni-lɛɛi 2:23

Nonnii di wɛi, gáá pai di kɛlɛi a haa; ɛlɛɛ, gbɔn gəlee kaa pai gbaɠala kaa, diɛ kɛ, Ɲą́ą́ ɓə ŋą́, nu kwəi mɛ̨nį da nii hu mɛ̨nįɠaa kaa, ɛlɛɛ, ŋą́ ká tɛitɛi ká hvɛla kulɔ yɛ bələi ká tuwɔ la.

Nwun mąąɓo 9:38

Ɉevulə yɛ mą: «Ə́ laaləi ə́ kɛi ɉilɛwoo tee la, ə wɔɔ? Yai ə́ kɛi kɛ diɛ: ‹Lə ɓaa Abimelɛkə yai a ku ŋaawoo ɓo?› Kɛlɛi nuąi tii ɓə ə kɛi di ɓɛlɛkpɛɛ diɛ. 'Li wɛ kɛa ə́ kɔ́ pɛlɛ mą.»

Samuɛlə dɔlɔɔ 16:7

Kɛlaa, Yai-Laa yɛ Samuɛlə ɓa: «Hvo ə́ kili lɛɛ nui ŋɛ̨i koloon ma, da dɔɔmɛ̨i, yili hvəi gáá bɔ. Yii nuą da gaa, yili hvəi; nuą di wɛi, da nu kɔ́lɔ ɓa kaa, Yai-Laa yɛ nu líí hu kaa.»