Samuɛlə dɔlɔɔ 13:4 - Yálá laawoo hɛɓɛ (dc)

⁴ Israɛlə nuą kəlee di mɛ̨nįi tii bələ mɛ̨n, diɛ kɛ, Saulə aa Filisti nuą ɲąąwooɓomun baa. Nɔi lonnii di di ɲąąkpɔn ə lɛɛ, Israɛlə ə yowo laa hvilɛn da Filisti nuą di lɔwai. Nu kpulu kəlee ə ɲąąkpɔn, di hvilɛn Saulə pulu Gilgalə daai.

Yálá laawoo hɛɓɛ

⁴ Israɛlə nuą kəlee di mɛ̨nįi tii bələ mɛ̨n, diɛ kɛ, Saulə aa Filisti nuą ɲąąwooɓomun baa. Nɔi lonnii di di ɲąąkpɔn ə lɛɛ, Israɛlə ə yowo laa hvilɛn da Filisti nuą di lɔwai. Nu kpulu kəlee ə ɲąąkpɔn, di hvilɛn Saulə pulu Gilgalə daai.

Bible

⁴ Ŋ̀orɛ̂-woo ƃó-ƃelai dí lì dîyɛɛ Eezuɛ-ƃelai dîai, “Sɔ̂ɔ aâ Felesia-ŋai díkɔ kɔ́-ƃelai díƃûui wólo Giƃea. Eezuɛ-ŋai ƃɛlɛ fé Felesia-ŋai koi. M̀ɛni ma, ka kɔ́ kɔ́-ƃela tɛɛ a gɛ́ɛ dí kpɔ́ŋ Sɔ̂ɔ ŋɔkɔ́ kɔ́-ƃelai dîa Geega.”

Samuɛlə dɔlɔɔ 13:4 Kruisverwysings

Zɛnɛse 34:30

Ɉakɔbə yɛ Simeɔn da Levi diɛ: «Kaa mɛ̨nį laa mą́ą́, kaa gɛ́ a hɛn ɲɔ̨n nɔi ŋɛ̨i hu nuą ɲɛ̨i ɓa. Diɛ ɓaa: Kanaan nuą da Perizi nuą. Di kaa pai kpɔn ɉii di kee ɓa, di kɔ́ pɛlɛ mą́ą́, ɲą́ą́ ka nu kpulu hvo ɲə́i, di yee kaa pai tɛɛi mą́ą́, di ku huwu pu kwa ɲə́i bɛlɛ́n nuą.»

Zɛnɛse 46:34

'Ka kɛ mą: ‹Taatɛlɛɛ kóló ɓə ku yee kaa mą, ə həɠə ku lokolo yələ ɓa, ə həli la yiihu ɓa; yɛ pələi wɔlɔ ku kalaɓɔlɔni di kɛi gɛ la. Ka yili ɓo tii, gaa pai hvaai mą ka hee Gosɛn lɔi hu. Mąąhɔlɔɓo, taatɛlɛɛ tɔɔ nuą wɛli hvo Eziptə nuą diɛ.›»

Samia Veerɛi 10:6

Amɔn nuą di gaa diɛ daa túwɔ́ pələ ɲɔ̨n gulɔ a Davidə. Di nɛɛ mą di nuą tɔɔ Bɛtə-Rehɔvə, di Aramə nuą da Sova Aramə nuą yá, di kɛ a di wɔɔ kɔ́kulááɠaa, nu waa pow hveelɛ ɲɔ̨nwɔ̨mąn. Maaka tɔɔmun ə nu waa tɔ̨nɔ̨ tɛɛ, Tɔvə nuą nu waa pow kɔ́w hveelɛ.

Lɛɛ gbɔwɔ ɓa 5:21

Pai di mo, diɛ Moisə da Aarɔn diɛ: «Mɛ̨nįi ŋɛ̨i laai kuɔ, ka hɔn ni, kɛlaa kwaa ku wɛi lɛɛ Yai-Laa ɓa. Ka mąą mɛ̨nį ɓa, tɔɔmun da ɲee pɔ nuą di hvo kpɛli bɔ di hvo ku kaa; kaa ku paa ɓɔwa lɔ di yee ɲą.»

Zakari 11:8

Yili pulu, ŋį́ daatɛlɛɛ pulu nuą haaɓai yee kulɔ ɲąnin dɔ̨nɔ̨ yeemu. Ɛlɛɛ, níí hvo kɛa lɛɛ a naa daatɛlɛɛɠaa pɔ, diɛ kpɛli mąn, di hvii ə kpɛɛ mą́ą́ mɛ̨nį hu.

Zasua 5:9

Yili pulu, Yai-Laa yɛ Ɉosue ɓa: «Háákələi, nwumɛ̨i tii lɛɛ kaa, kaa həɠə la Eziptə, ŋą́ą́ yili mąą kwɛa kaa.» Di gɛɛnąą tii laa hee a: Gilgalə, naai tii ɓə gɛɛnąąi tii ɓa, háá ɓa háá.

Samuɛlə dɔlɔɔ 10:8

Ə́ kaa pai lii Gilgalə dɔ́wɔ, nwɛ́i, gáá pai pai, ə gɛ, ŋą́ liilaa haláá kulɔ Yálá ɓa, da haláá yii da gəlee kələn. Mą́ą́kpɔn naa hvóló mɛ̨ihveelɛ yee mu, ə lɛɛ la ɉu, ŋą́ pa ŋą́ ə́ kaa laa. Mɛ̨nįi mąąnɛ̨ɛ̨ ə́ gɛ, nąąlɔwai ɓə ŋą́ nɛ la yɛ́.»

Samuɛlə dɔlɔɔ 27:12

Akisə laikɛ Davidə la, ə kɛi mo gwəi pələ yɛ kɛ diɛ: «Davidə aa gili kulɔ Israɛlə lɔi hu, gaa pai lɛɛi ɲéé mu a yələ kəlee.»