Samuɛlə dɔlɔɔ 12:10 - Yálá laawoo hɛɓɛ (dc)

¹⁰ Israɛlə ə kɛi wɔlɔ Yai-Laa pɔ pələ a mąą yələɠaa diɛ kɛ mą: ‹Kwaa nɛ̨ŋɛ̨n ɉəɠə, mąąhɔlɔɓo, kwaa Yai-Laa lɛɛ laa, kuɔ kwɛli hvilɛn ɉaliɠaa ŋɛ̨i da kɛ diɛ Baalə da Astarteɠaa diɛ. Yii hu, ya ku kulɔ ku yowoɠaa yəi, kwa tí yɛ́.›

Yálá laawoo hɛɓɛ

¹⁰ Israɛlə ə kɛi wɔlɔ Yai-Laa pɔ pələ a mąą yələɠaa diɛ kɛ mą: ‹Kwaa nɛ̨ŋɛ̨n ɉəɠə, mąąhɔlɔɓo, kwaa Yai-Laa lɛɛ laa, kuɔ kwɛli hvilɛn ɉaliɠaa ŋɛ̨i da kɛ diɛ Baalə da Astarteɠaa diɛ. Yii hu, ya ku kulɔ ku yowoɠaa yəi, kwa tí yɛ́.›

Bible

¹⁰ Naa pôlu ma, kánûa pɔlɔ-ŋai dí ŋɔ́nɔ Ǹuu-namui marê kɛ̀ a gɛ́ɛ é kpɔŋ ḿâa tɛɛ dípɔ. Dí mò ma dîyɛɛi, ‘Kwa sɔnyɔ̂ŋ kɛ́! Kwa kpera ífɛlîi, ƃíai a Kúnuu-namui kwa pɛ̀lɛ Bêe da Asitɔlɔ ɣala-ŋa fɛlîi. Kɛ́lɛ à kɛ̀ ƃa kúkùla kúkpɔara-ƃelai yêei, kwa pâi kɛ̂i ífɛlîi.’

Samuɛlə dɔlɔɔ 12:10 Kruisverwysings

Mąątɛ̨nɛ̨ 106:44

Ə di wɔ mɔ̨nɔ̨i kaa, a ɓɛlɔwai ə di tómą woo mąn na.

Azaya 26:16

Yai-Laa, kwa kɛ mɔ̨nɔ̨ hu, Yɛ́ ɓə kwa pa Ə́ pɔ pələ, Yá Ə́ liiholi, kwa kɛ nɛ̨ɛ̨mąą hvəi Yɛ́.

Azaya 33:22

Tɛ̨ą li Yai-Laa ɓə a ku kiti tee mun, ya ɓə gaa a ku ɲąąwooɓomun, Yai-Laa ɓə ɓaa kuɔ tɔɔmun, ya ɓə a ku nwun mąąɓo.

Zasua 13:31

Galaadə lɔi bələ tɔ̨nɔ̨ Astarotə da Ɛdrɛi, diɛi kɛ a Ogə nwɔ lɔi hu taaɠaa, yii kɛ Basan lɔi hu, di lɛɛ Manase lon Makirə nwɔɔ lonnii yəi. Makirə lonnii bələ tɔ̨nɔ̨ a gwəli laa.

Nwun mąąɓo 10:10

Di nɛɛ mą di di woo tɛ Yai-Laa ɓa, diɛ mą: «Yai-Laa kpɔnmąą tɛɛ ku pɔ, kwaa nɛ̨nŋɛ̨n ɉəɠə yɛ́, mąąhɔlɔɓo, kwaa ku pulu tɔɔ yɛ́, yɛ́i ə́ kaa a ku wɔ Yálá, kuɔ ə́ lɛɛ, kuɔ kwɛli hvilɛn Baaləɠaa diɛ.»

Nwun mąąɓo 2:11

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ya ɓə Israɛlə lonnii di di yee lɔ ɉu, di kwɛli hvilɛn Baalə haliɠaa diɛ.

Nwun mąąɓo 2:13

Di lɛ̨ą Yai-Laa ɓa, diɛ kɛa kwɛli hvilɛn Baalə ɓa da hali Astarteɠaa.

Nwun mąąɓo 3:15

Israɛlə nuą di wɔlɔ Yai-Laa ɓa, Yai-Laa ə di nwun mąąɓomun dɛɛ di pɔ, yai kɛ a Gera lon Ehudə yai kɛ a Bɛnɉamɛn mun, gɔɓɛɛ kɛ. Israɛlə nuą di di yee pɛlɛ gee ɓa, di dɛɛ Ehudə pɔ, yɛ li naa lɛi Moabə tɔɔmun Ɛglɔn pɔ.

Nwun mąąɓo 3:7

Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Israɛlə ə ɲee lɔ ɉu, di di pulu tɔɔ Yai-Laa ɓa, yai a di wɔ Yálá, diɛ kwɛli hvilɛn Baaləɠaa da Aseraɠaa diɛ.

Nwun mąąɓo 3:9

Israɛlə lonnii di wɔlɔ Yai-Laa ɓa, Yai-Laa ə Israɛlə nwun mąąɓomun dɛɛ di pɔ, yili ə di nwun mąąɓo. Naa ɓaa kɛ a: Otniɛlə, yai kɛ a Kalɛbə nəɠə Kenazə lon.

Nwun mąąɓo 4:3

Israɛlə nuą di wɔlɔ Yai-Laa ɓa, mąąhɔlɔɓo, kɔ́ wotolo nwun mɛ̨inąąn ə kɛ Sisera yəi, ə ɓo a kwɛli, ɛlɛɛ, aa kɛ hee Israɛlə nuą nwun mɛ̨i kpɔ a nwalawalaa, kwɛlan bow hveelɛ yee mu.

Nwun mąąɓo 6:7

Ɓɛlɔwai Israɛlə nuą di wɔlɔ la Yai-Laa ɓa, diɛ ə di kulɔ Madian nuą yəi,

Samuɛlə dɔlɔɔ 7:2

Ə həɠə ɲələi di gəhi hee la Kiriatə-Yearimə, ɉu ə kwɛa kpɔ a kwɛlan bow hveelɛ, Israɛlə nuą di di wɔ kiliŋąhiɛ tinɛ̨n Yai-Laa pɔ pələ.

Samuɛlə dɔlɔɔ 7:6

Di di ŋąąkpɔn Mispa daai, di ɲálaɠi laa da Yai-Laa ni di lɔwai, di hinnɔ a volói tii, di mo gɛɛnąą tii, diɛ kɛ diɛ: Kwaa nɛ̨ŋɛ̨n ɉəɠə Yai-Laa ɓa. Di Samuɛlə hee a Israɛlə ɲąąwooɓomun Mispa.