Piɛrə dɔlɔɔ 5:2 - Yálá laawoo hɛɓɛ (dc)

² 'Ká Yálá ŋą kpɔn ŋɛ̨i ə galihvaɓo káá, 'ká mɛ̨i kaa a nɛlɛɛ, 'ká hvo gɛ a yee tɔɔ gwąną mɛ̨nį, kɛlaa, ká gɛ a kwəinɛ̨ɛ̨, yɛ bələi Yálá kaa la bɔ, 'ká hvo gɛ yɛ kaa kɛi tɔ̨nɔ̨ kwɛli, ká gɛ liinɛ̨ɛ̨ gwəi laa hu.

Yálá laawoo hɛɓɛ

² 'Ká Yálá ŋą kpɔn ŋɛ̨i ə galihvaɓo káá, 'ká mɛ̨i kaa a nɛlɛɛ, 'ká hvo gɛ a yee tɔɔ gwąną mɛ̨nį, kɛlaa, ká gɛ a kwəinɛ̨ɛ̨, yɛ bələi Yálá kaa la bɔ, 'ká hvo gɛ yɛ kaa kɛi tɔ̨nɔ̨ kwɛli, ká gɛ liinɛ̨ɛ̨ gwəi laa hu.

Bible

² Ka Ɣâla ŋɔnuu-kpului mɛi káa nyíi kákaa mɛi. Vé a sɛŋ fɛ̂ɛ nɔ́ ká gɛ́, kɛ́lɛ, ka gɛ́ é kúla kálii su yɛ̂ɛ berei Ɣâla a ŋ̀wɛ̂lii ka gɛ lai. Káfe gɛ sɛŋ mɛni ma ŋumɛ-pere su, kɛ́lɛ, ka gɛ́, kpɛ́ni fêi, ka ŋ̀wɛ̂lii kpɔ́ a ŋánaa a gɛɛ ká gɛ́.

Piɛrə dɔlɔɔ 5:2 Kruisverwysings

Tɔɔɓɛlaa veelɛ 12:6

ɉaláá laa həli nuą da ɉəɠə a di wɔɔ, di kɔ́lɔn mun ɲəi, kɛlaa, ɓɛi lɔpee Yai-Laa nwɔ pɛ́lɛ́i aa kala laa, da nąą pɛli.»

Wɛli 1:8

Nɛ̨ɛ̨nu lɛlɛɛ, Akɛ hvó gbaɠala kɔ́lɔn, hvilɛn nɔ mɛlaaɠaa pɔɔ ɓa, ə́ lɛɠɛ ɓɛlaa mɛ̨i kaa nuą di wɔ kpuwuluɠaa diɛ, a ə́ wɔ ɓolu haa pɛlɛɛɠaa.

Azaya 40:11

Gaa yɛ ɓɛlaa mɛ̨ikaa mun, ɲɛ̨i kaa nwɔ ɓɛlaaɠaai diɛ, a ɲee haŋą lɔ nwɔ ɓɛlaaɠaai di lɛɠɛ di kee ɓa, yɛ mɛlaa lonnii pɛlɛ ɲee kɔ̨nwɔ̨n ɉu, yɛ mɛlaa kɔ̨nwɔ̨leeɠaa pɛlɛ kɛɛnąą ɲąąlaɠiɛ ɓa.

Azaya 56:11

Ɛlɛɛ, di kaa lɔ nwɔ̨nɔ̨ a yilɛɠaai di kwaną wolo hu kɛnɛ̨ɛ̨, di hva pɛli kɛi diɛ: «Aa pɛli.» Ɛlɛɛ, diɛ ɓə a daatɛlɛɛ pulu nuą, di hva mɛ̨nį kpaɠala kaa, di kəlee di ɲɛ̨i haŋąą lɔ di kpɔwɔ pələɠaa pɔ pələ, diɛ li ɓɛi di wɔ tɔ̨nɔ̨ kaa laa; diɛ hvo kɛi lɔ da ɉɔlɔɓo.

Azaya 6:8

Ŋą́ Ną́mu woo mɛ̨n, yɛ kɛ diɛ: «Gbɛɛ ɓə ŋą́ dí? Gbɛɛ ɓə pai kɛi a nwɔ́ wɛlɛɛ ɓomun?» Gɛ́ mą: «Ɲą́ą́ ɓə, 'dí!»

Azaya 63:11

Nwɔ nuą di di kiliŋąhiɛ kɛa, Moisə nwɔɔ hvolóɠaai diɛ, «Nui nwɔ taatɛlɛɛ pulunuą, kulɔ gboloyá yəi gaa mįnɛ̨? Nu kpɔ ə wɔɔ? A yai nwɔ Nįį-Mąąhəɠɛɛi tɛɛ bɔi?

Ɉeremi 13:17

Ka wala ka wəli tɔɔ niɛwoo ŋɛ̨i ɓa, gáá pai mąąwɛli hee ɓoi honwon ɉu, gbɔwɔ ɲąą kɛnɛ̨ taaləi tii mąą mɛ̨nį ɓaa, gɛ́ wɔlɔ, ɲɛ̨́i ya yɛ laa a yalon. Mąąhɔlɔɓo, Yai-Laa nwɔ kpului kaa lii luwɔlaa hu.

Ɉeremi 13:20

'Ə́ nwun mu həɠə, ə́ kɛɛ kaa! Ə́ yowoɠaa kaa həɠəi ɲánwuɔ̨ pələ! Daatɛlɛɛ kpului diɛ ə́ mɛ̨i kaa, gaa mįnɛ̨? Yɛ́ ɓɛlaa lɛlɛɛɠaa kaa mį?

Ɉeremi 6:13

Mąąhɔlɔɓo, di kəlee di hɛn nwɛliɛi. Nu kpɛa kpɛa mąn, ə́ mą kɛ yee mu nuą. Ə gɔwɔ tɔɔ Yálá kwəi mɛ̨nį ɓo nuą diɛ, ə həli la ɉaláá kulɔ nuą diɛ, di kəlee di túwɔ́ pələ kaa lɔ a hulu mɛ̨nį.

Ɉeremi 8:10

Yili ɓə gaa mą, Yai-Laa yɛ diɛ: Gáá di nɛ̨ąni tɛɛi nu takpɛliɠaa pɔ, di wɔ tííɠaa di lɛɛ nui a ɉəɠə ɲəi. Mąąhɔlɔɓo, di kəlee di hɛn nwɛliɛi, ə kɛ a lokolo, ə kɛ a nu kɛnɛ̨, gəlee túwɔ́ pələ kaa lɔ a lɛɛ, Yálá kwəi mɛ̨nį hukulɔ nuą mąn ə mą kɛ ɉaláá laa həli nuą mąn.

Izikiɛ 34:23

Gáá pai taatɛlɛɛ mɛ̨i kaamun danɔ̨n gbən tɔɔi, nwɔ́ taatɛlɛɛɠaai nwun na, nwɛi, gaa pai kɔ̨nɔ̨n dɛɛi di pɔ; nwɔ́ tímun Davidə ɓə. Nwɛi, gaa pai ɲɛ̨i kɛi diɛ, ya ɓə pai kɛi a di laa hɔn mo mun.

Izikiɛ 34:31

«Ka kaa a nwɔ́ taatɛlɛɛɠaai a nwɔ́ kalai taatɛlɛɛɠaa, kaai a nu kanŋaa; ɲą́ą́n, ŋą́ ɓo a ka wɔ Yálá. Mɛ̨nį kəlee ŋą Hééɓomun Yálá woo li.»

Izikiɛ 46:24

Nui tii yɛ mą́ą́: «Nəɠi yiliiɠaa ka, ɓɛ ɓə Yálá hee pɛlɛ́ mu kóló kɛ nuą kaa pai kɛi nɔi lonnii di wɔ haláá hɛnŋaa yilii laa.»

Mise 3:11

Ɲɛ̨itɔwɔ nuą, da kiti tee a hvulu, mąąhɔlɔɓo, da nɔ gwəi hɛn ɉon, ɉaláá laa həli nuą, da nu mąąkwɛli, a tɔ̨nɔ̨ hɔlɔɓo pələ, Yálá kwəi mɛ̨nį hukulɔ nuą, diɛ mɛ̨nį hukulɔ nuą diɛ, wali ɓa, ɛlɛɛ, Yai-Laa ɓə di kilitɔɔ mą, diɛ kɛ diɛ: «Yai-Laa hvo mɔ̨ɔ̨ ku lɔwai? Lɛɛ li, mɛ̨nį ɲąąnwąnąą hva pɛli ku hɔlɔɓoi.»

Mise 5:4

Yaa kpinįi tii, gaa pai kɛi a liilaa, Ɲələi lɔpee Asiri a həɠə yɛ kɛ gaa pilii la ku wɔ lɔi hu, yɛ gɔwɔ hvilɛn ku wɔ tɔɔ pɛlɛ́ɠaai mu, kwa taatɛlɛɛ pulu nuą mɛ̨ihveelɛ ɲąątɔɔi mą, da ɲąąwooɓo kɛ nuą mɛ̨ihaaɓa.

Mise 7:14

Ə́ wɔ nu huwui ɲąąkpɔn ə́ nįnįn mu, Ə́ wɔ taatɛlɛɛ kpului tii a ə́ kwɛlin; gaa lɛɛ dɔ̨nɔ̨ kanɉu kpomói, wuluɠaa lɔwai. Gɛ́ ə gɔ̨nɔ̨n ɉɔlɔɓo Basan da Galaadə, yɛ tɔlɔɔ-tɔlɔɔ yələ.

Zakari 11:17

Kpalo ɓɛlaai taatɛlɛɛ pulumun ɲɔ̨nwɔ̨ɔ̨ ɓa, yai a daatɛlɛɛ kpulu lɛɛ gbɔwɔ ɓa! Mąąnɛ̨ɛ̨ ɓɔwa kwɛaa ə ɲee kɔ́nwɔ̨n ɉu hvala hvala, ə mamįiyee ɲɛ̨i kɔ́w wolo! Ɲee ə kpala mą, ə kpala mą kpɔ a neelee! Mamįiyee ɲɛ̨i kɔ́w ə pɛlɛ mą, ə pɛlɛ mą kpɔ a neelee!

Malasi 1:10

Yii viɛlaɓoɔ, ya ɓaa: ka tɔ̨nɔ̨ ə li, ə nwɔ́ pɛlɛ́ laa kpulu, ə gɛ, ka hvo pa kɛ lɔ lii laa, kaa nwɔ̨n ɉee nwɔ́ haláá kulɔi tii ɓa, a kpɛli. A tɛ̨ą, və́ kpɛli bɔ, və́ ka káá ɉaláá kulɔi, gu hvomun kɛ, ka wɔ haláá hɛnŋaa. Yili wɛli hvo mą́ą́. Ɲą́ą́ Yai-Laa Mɛ̨nį Kəlee ŋą Hééɓomun, nwóó li.

Lonon mo 18:7

Yɛ́ ka ə́ lonnii ɓə pai kɛi ɉaláá kulɔ kəhi ɓa, da ɉəɠə pɛlɛ́, gɛɛnąą mąąhəɠɛɛ mąą mɛ̨nį; ka nwuɔ̨ tiɛ̨ li. Ŋą́ą́ ɉaláá kulɔ mɛ̨nį mąą laa tɛɛ tii ka pɔ. Nui yili mąą laa hvo ɲəi, a lɛɠɛ laa a haa.»

Lukə 12:32

«Kaai ka káá a nu kpulu logolo, ka hvo ɲɔw. Mąąhɔlɔɓo, ə laa a ka Nąn ə tɔɔlaai tɛɛ ka pɔ.

Gɛlaɠaa 20:29

Gili kaa kpɔ ɉu, gɛ́, ŋą́ pa həɠəi ɓɛ, kwɛli kpəɠiɛɠaa kaa pai lɔi ká lɔwai, di hvo pai daatɛlɛɛɠaa ɲɛ̨imąąwɛli kaai.

Gɛlaɠaa 21:13

Kɛlaa, ə ku woo ŋąapənə yɛ kuɔ: «Lə mɛ̨nį ɓa ka káá wɔlɔi, káá níi yali gwə́i? Ɉɛ̨́ą yiliɛi, di ɲíli, ə mą kɛ di báá Ɉerusalɛmə gu Ną́mu Jesus laa mąą mɛ̨nį ba.»

Lomaŋ 1:15

Yili ɓə gɛ, kaa ŋɛ̨i a Romə nuą, nwɛlɛɛ lɛlɛɛ laa həli mɛ̨nį kaa, mąą liihɛlɛn gaa la mą́ą́.

Korɛntə dɔlɔɔ 9:7

Gbɛɛ ɓə da ɉon, gɔ̨nɔ̨n ə ɓo gbɔwɔ nwuɔ̨? Gbɛɛ ɓə a tíi kɛ, hva má ta mįi? Gbɛɛ ɓə a taatɛlɛɛ tɔɔ, hva ɲįnįyá kɛ a gɔ̨nɔ̨n?

Timote dɔlɔɔ 3:3

hvo kɛ a lɔɔ kpələmun, hvo kɛ a kpilɛn gɔmun, kɛlaa, nwɔ mɛ̨nį lɛlɛɛ, hvo kɛ a hvaa kɛmun, hvo kɛ a hɛn nwɛlimun.

Timote dɔlɔɔ 3:8

Gbɔn ɉu mɛ̨nį ɲɛ̨i kulɔ nuą diɛ kpɛli, mąąnɛ̨ɛ̨ di kɛ a nu mąąwiaɠaa, diɛ kulɔ di woo ɓa, di hvo di kpɔwɔ tɛɛ lɔɔ pɔ, ə mą kɛ, nwumɛ̨ hɛn gwɛliɛ.

Taitɔ 1:11

'Hvo kɛli, ə́ di laa kpulu. Da kɛ pɛlɛ́ tamąą mu kɛi wulu-wulwu, diɛ nuą mąąkwɛli, əgɛ, di hvulu hɛn ɉɔlɔɓo, yili yaan mąą hvo nɛ̨ɛ̨li.

Taitɔ 1:7

Hvo kɛli, nui a kɛ gbɔn nwun na, yai a Yálá ŋą hɛn gɔwii laai kɛmun, ə kɛ a nui hɔn və mą, hvo kɛ a ɲɛ̨itɛ hvaaɓomun, a liikələn gwəi mun, a lɔɔ kpələmun, a hvaa kɛmun, hvo kɛ a hvulu hɛn gwɛlimun.

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Taitɔ 3:1

Gili too nu kəlee ɲą, yɛ́ diɛ: mąąnɛ̨ɛ̨i di lɛɛ nwun nąmįną, da ɲąąwooɓo kɛ nuą kəlee woo mu, di di kpɔwɔ mąąyɛɛ, di hɛ̨ąyiliɛ mɛ̨nį lɛlɛɛ kəlee kɛ mɛ̨nį ɓa.

Filemɔn 1:14

Kɛlaa, və́ bɔ və́ ə́ kpaan yɛ mɛ̨inɛ̨ɛ̨ kɛ mą́ą́ a ə́ kpaan mɛ̨nį. Gáá bɔ yii yá kɛi gɛ, ə kɛ a ə́ liiɓa.

Hebreu 12:15

Ká gɛ a nɛlɛɛ, nu ta hvo bulu tɔɔ Yálá nwɔ nɛ̨ɛ̨laai ɓa, hvo kɛ a kala nwąną mɛlaa lɔwai, yɛ pilimąą, yɛ gbɔn ɉu taɠa.

Piɛrə veelɛ 2:3

Ə lɛɛ, di wɔ hɛn nwɛli laa mąą mɛ̨nį ɓa, di kaa pai kɛi tooi ka mɛ̨i, diɛ hɛn gulɔ ka yəi a lɛɛ woo, kɛlaa, di kiti tee mun gɛ pələ pɛliɛi ə di kiti tee, ə lɛɛ, di wɔ nwun napili hu hvo kwɛa li.