Piɛrə dɔlɔɔ 5:12 - Yálá laawoo hɛɓɛ (dc)

¹² Ŋį́ ɉɛɓɛ́ kpuɔ lon ŋɛ̨i tɛɛi kaa, Silvɛn nwɔ kpɔnmąą háálai, yai ŋą́ gaa yɛ néélon, dələnmoɔ, gɛ́ ká hvaŋąlɔ, ɛlɛɛ, gɛ́ kɛ káá, Yálá ŋą nɛ̨ɛ̨laa kpɔ-kpɔɔ ka tii káá kąnąn mą.

Yálá laawoo hɛɓɛ

¹² Ŋį́ ɉɛɓɛ́ kpuɔ lon ŋɛ̨i tɛɛi kaa, Silvɛn nwɔ kpɔnmąą háálai, yai ŋą́ gaa yɛ néélon, dələnmoɔ, gɛ́ ká hvaŋąlɔ, ɛlɛɛ, gɛ́ kɛ káá, Yálá ŋą nɛ̨ɛ̨laa kpɔ-kpɔɔ ka tii káá kąnąn mą.

Bible

¹² Seveenɔ, nyíi gáa a kúƃarâŋ-nuu sã́ai, yɛ̂ɛ berei ŋa gaâi lai, zarâi ƃe ŋá gɔlɔ kpuai ŋí pɔ̃yɛ la kápɔ, ŋá kálîa-woo ƃói ŋa ǹɛ a gɛɛ Ɣâla ŋɔtɔ̃yâ-ƃɛlɛ-sêei ká ŋí. Ká tɔ́ɔ zu a gbanaŋɔɔ.

Piɛrə dɔlɔɔ 5:12 Kruisverwysings

Ɉaan 21:21

Ɓɛlɔwai Piɛrə ə gaa la, yɛ Jesus ɓa: «Nui ŋɛ̨i yaan, lə mɛ̨nį ɓə pai kɛi la?»

Gɛlaɠaa 11:23

Lii kɛa ə mo, ə Yálá nwɔ nɛ̨ɛ̨laa kɛ kóló kaa, gwəi ə nɛ̨ɛ̨, ə di hvaŋąlɔ yɛ diɛ; 'Ká kanąn gu Nąmu ɓa a ka lii kəlee.

Gɛlaɠaa 15:22

Nąąlɔwai, Gɛlaɠaa da galaɉonŋaa, di woo ə laa mą, da gbɔn ɉu nuą, di nu taɠaa həɠə ɉu di lɔwai, di di tɔɔ Antiɔsə da Polə ni ə mą kɛ, Barnabasə. Diɛ ɓaa kɛ a Ɉudasə, yai da kɛ mą: Barsabasə da Silasə, nu hveelɛi ti di kɛ a laa na nuą galan nɛa lɔwai.

Gɛlaɠaa 20:24

Nwɔ́ kɛ yɛnɛ̨ɛ̨ hvəə gánąnŋąą mą kpɛli tíikpə, yiimun gánąnŋąą mą, ya ɓaa: gólói gu Ną́mu Jesus ə dɔ́ɔ́ mą, ŋį́ gɛ, ŋį́ naakulɔ. Góloi ti ɓaa: Ŋą́ Yálá nwɔ mɛ̨inɛ̨ɛ̨ mąą wəlɛɛ lɛlɛɛ mąą kɛlahvaaɓo.

Lomaŋ 5:2

Ɉaalai, gwa pɛli kɛa gu mąą lɛɠɛ Yálá ɓa, laa na laa pɔ pələ, nwɔ mɛ̨inɛ̨ɛ̨ hu ɓə, gwa gu kpɔwɔɲąą kɛnɛ̨, a kilitɔɔmąąlaa Yálá mąąwiɛ pələ hu.

Korɛntə dɔlɔɔ 15:1

Ną́n nonnii, gáá gili tooi ká ɲą gɛ́ kaa: Nwɛlɛɛ lɛlɛɛi ŋą́ naa həli káá, yai ka ká yee hee mu, ka kąnąnŋąą mai,

Korɛntə veelɛ 1:19

Mąąhɔlɔɓo, Yálá lon Jesus Kristə, yai ku mąą mɛ̨nį laa həli káá: Ɲą́ą́, Silvɛn, ɛlɛɛ, Timote, hvo kɛli kɛ a: «ee!» da «kpaa!» Kɛlaa yaamun, gaa a «ee!», a yələ kəlee.

Korɛntə veelɛ 1:24

Ə kɛ ŋɛ̨i yɛ kwa hee ká wɔɔ kalan mɛ̨į, ya hvəə, kɛlaa, ku yee pɛlɛ ɓə ku kaa moi ká wɔɔ kwəinɛ̨ɛ̨ ɓa, hvo gaai, galan mɛ̨nį nwɛi, ká yee kaa mą a nwalawalaa.

Ifisiɛŋ 3:3

Yálá ə nwɔ mɛ̨nį loɔ tii lɛ mą́ą́, yɛ bələi ŋį́ da wolo ɓo la káá a ɉu kpua.

Ifisiɛŋ 6:21

Gáá bɔ ká kili ə kɛ ɉu káá kpɛlimąn, bələi mą́ą́ mɛ̨nį kaa la, yii gáá gɛi, gu nąn non Tisikə, yai a gu Ną́mu ŋą tímun a kulɔ nwoo ɓa, nwɛli yɛ ɓo mą́ą́, gaa pai mą́ą́ mɛ̨nį kəlee hukulɔi káá.

Kolosə 1:7

yɛ bələi Epafrasə ə ká mąąkwɛli la, yai a gu ɓɛlan, a gu hiɛgee pulu, a Kristə ŋą timun dələnmoɔ,

Kolosə 4:7

Yii hvilɛn na mą́ą́ mɛ̨nį ɓa, ká káá pai mɛ̨n ɉii, gu nąn non Tisikə la, yai nwɛli kaa mą́ą́, a tímun a kulɔ nwoo ɓa, yai gwa yaa ku kaa kóló tɔ̨nɔ̨i kɛi gu Ną́mu hu.

Kolosə 4:9

Onesimə ɓə pai naa lɛi, yai a gu nąn non a kulɔ nwoo ɓa, mąą mɛ̨nį nwąnąą, ə ɓo a ká ta. Mɛ̨nįɠaa kpɔ tɛɛi ɓɛ, diɛ ɓə pai ɉukulɔi káá.

Tɛsalonikə dɔlɔɔ 1:1

Polə, Silvain, ɛlɛɛ Timote, kuɔ ɓə ɉɛɓɛ́i ŋɛ̨i tɛɛi Tesalonikə kalan gbɔn ɓa, diɛi di kaa gu Ną́n Yálá da gu Ną́mu Jesus Kristə hu. Mɛ̨inɛ̨ɛ̨ da liilaa ə kɛ ka pɔ.

Tɛsalonikə veelɛ 1:1

Polə, Silvain, ɛlɛɛ, da Timote diɛ ɓə ɉɛɓɛ́i ŋɛ̨i tɛɛi Tesalonikə kalan gbɔn ma, diɛi gu Ną́n Yálá da gu Ną́mu Jesus Kristə hu.

Hebreu 13:22

Ną́n nonnii, gáá ɉuhvɛlii káá, gɛ́, niɛwoo ŋɛ̨i, 'ká ká yee hee mu! Hɔlɔɔmun, nwooi ŋą́ mo káá, ɉu hvo kwɛa li.

Piɛrə dɔlɔɔ 1:13

Yili ɓə gaa mą, yii kani ká kili aa nwun, mɛ̨nį hukpɛ mɛ̨nį ɓa, 'ká kɛ gili-gili, ká kilitɔɔ mɛ̨inɛ̨ɛ̨ tii pai tooi pono ɲą a Jesus Kristə pa yələ, mą.

Piɛrə dɔlɔɔ 4:10

'Ká tí ká kee ɓa, bələi Yálá ə mąą laa tɛɛ la nu tɛitɛi pɔ a gulaa gee mu, 'ká ká keeni mąąkpɔnmąą ɓo tii.

Piɛrə veelɛ 1:12

Yili ɓə gaa mą, gáá kpɔlɔɔ pai kɛ mɛ̨nįɠaa ti kili tooi ka ŋą, pələi mąn ka gbaɠala kɔ́lɔn na, ə lɛɛ, dɛ̨ąi ŋɛ̨i kaa ɉɔlɔɓo ka tɔɔ ɉu kpaan.

Piɛrə veelɛ 2:15

Daa həɠə tɛ̨ą pələ mɛ̨i, daa hvilɛn lan bələ mɛ̨i. Bosɔrə lon Balaamə nwɔ pələi ɓə daa hvilɛn mɛ̨i. Hɛn nwɛli laa mąą mɛ̨nį ɓa, Balaamə ə túwɔ́ pələ ɲɔ̨n gɛ, ə gɛ. Ə wali hɔlɔɓo.

Zɔ̂ŋ Zaaƃai 1:12

Yii ɓaa Demetriusə nwɛi, nu kəlee da mąą kɛla hvaa lɛlɛɛ ɓo. Tɛ̨ą yaa kpinįi a kɛ mąą kɛla hvaa ɓoi. Ɛlɛɛ, kuɔ kpɛlimąn, kwa mąą kɛla hvaa ɓo, ə́ kili kaa ɉu, ku wɔɔ kɛla hvaa kaa a tɛ̨ą.

Zûu 1:3

Nwɛ́likɛmąą nuą, ŋą́ gɛ pələ kwɛli mą, ə gɛ, ŋą́ ɲąąwala ŋą́ hɛɓɛ́ tɛɛ kaa; ə gɛ, nwun mąąɓoi ŋɛ̨i gaa a gu kəlee gu kpɔnmąą, ŋą́ mąą mɛ̨nį ta hukulɔ kaa. Kɛlaa, ŋą́ą́ gaa gɛ diɛ, gɛ pələ takpɛli hvo mą hvo kɛ li ŋą́ ɉɛɓɛ́i ŋɛ̨i kɛ ŋą́ dɛɛ kaa. Ə gɛ, ŋą́ ka hvaŋąlɔ naa na laa ŋɛ̨i Yálá ə dɛɛ nwɔ nuą pɔ, gu mąąkɔ̨nwɔ̨.