Piɛrə dɔlɔɔ 4:8 - Yálá laawoo hɛɓɛ (dc)

⁸ Mɛ̨nį kəlee hu, 'ká ká keeni wɛlilakɛ, mąąhɔlɔɓo, wɛlikɛmąąlaa a nɛ̨ŋɛ̨n damąą mɛ̨i kpulu.

Yálá laawoo hɛɓɛ

⁸ Mɛ̨nį kəlee hu, 'ká ká keeni wɛlilakɛ, mąąhɔlɔɓo, wɛlikɛmąąlaa a nɛ̨ŋɛ̨n damąą mɛ̨i kpulu.

Bible

⁸ Nyii gáa m̀ɛnii kélee mɛi, ǹyaa ƃa káwɛli-kɛ-maai sú é kpanaŋ kákîe-ni sáma, kpɛ́ni fêi wɛli-kɛ-maa a sɔnyɔ̂ŋ támaa mɛi pɛlɛ.

Piɛrə dɔlɔɔ 4:8 Kruisverwysings

Hanwon 10:12

Wɛlikpɛmąą a hvaa too, Kɛlaa, wɛlikɛmąą a nɛ̨ŋɛ̨n gəlee mɛ̨i kpulu.

Hanwon 12:16

Kilikpɛɛɲəimun a níiholi ɉa, ə gwəi woo kəlee ɓo. Kɛlaa, kilimąą mun nwɛi, a nɛn ɉon woo ɲɔ̨n dɔwɔ.

Hanwon 17:9

Nui ɓɛlannaa wɛlikaamą, a lɛ̨ą mɛlan ɉɔn ma, yá kɛi ɉɔn doo mą kɛlɛ-kɛlɛ, a mąą kwɛa yɛ́.

Hanwon 18:13

Nui hva nwəli tɔɔ nu woo ɓa, yɛ mɛ̨nį hutoo, ɓowo mɛ̨nį kɛnɛ̨ li, mąą nu a nwumɛ̨ tɛ a gbɔwɔ.

Korɛntə dɔlɔɔ 13:1

Ŋą́ ma pɛli hįiwoo kəlee ɓoi, ə mą kɛ malakaɠaa lawoo, akɛ wɛlikɛmąąlaa hvo ɲə́i, gáá lɔ yɛ kwɛlii nwoo kaa ɉu, gɛlɛ tin.

Korɛntə dɔlɔɔ 13:4

Wɛlikɛmąąlaa liikpəlɛɛi, wɛlikɛmąąlaa a kpɔnmąą kɛ, hva tolo kulɔ, hɛn nwɛli laa hvo wɛlikɛmąąlaa hu, kpɔɔ ɲąą kɛnɛ̨ hvo wɛlikɛmąąlaa hu.

Kolosə 3:14

Kɛlaa, mɛ̨nį kəlee hu, ka wɛlikɛmąąlaa too ka kwaną, yai a mɛ̨nį kəlee naa kulɔ.

Tɛsalonikə dɔlɔɔ 3:12

Nwɛlikɛmąąlai gaa ká yəi ká keeni mąą mɛ̨nį ɓa, gu Nąmu ə gɛ, ɉu ə kɛnɛ̨, ɉu ə ɓɔlɔ, nu takpɛliɠaa mąą mɛ̨nį ɓa, kpɔlɔɔ yɛ bələi kwaa ká wɛlila kɛ la.

Tɛsalonikə veelɛ 1:3

Ną́n nonnii, mąąnɛ̨ɛ̨ ku Yálá mąmąɓo a yələ kəlee ká mąą mɛ̨nį ɓa, ɛlɛɛ, yili kpɔ ɓə bɛliɛ ɉu, gbala ə tɔɔ, ká wɔɔ laa na laa kaa lɔ yɛ tɛ tɔwɔ, ɛlɛɛ, nwɛlikɛmąą laai ká yəi ka kee mąą mɛ̨nį ɓa, ɉu kaa lɔ mą yɛ kɛnɛ̨ ká kəlee ká yəi;

Timote dɔlɔɔ 1:5

Diɓoi ti ŋį́ dɛɛ ə́ pɔ, nwun gaa mą, ya ɓaa a wɛlikɛmąąlaai a kulɔ lii lɛlɛɛ hu, kili lɛlɛɛ hu, da laa na laa kpɔ-kpɔ.

Hebreu 13:1

Lee-lon nwɛlikɛmąą laa ə ɉeei kulɔ ká lɔwai.

Zĩi 5:12

Mɛ̨nį kəlee ə mą kɛ, nąn nonnii, 'ká hvo ká kwɛla a yələkɔlɔn da lɔi, a wala kɛ ti, a hɛn ɉuwui lɔpee gəlee ta. Ká wɔɔ «ee!» ə kɛ a «ee!» Ká wɔɔ «kpaa!» ə kɛ a «kpaa!» Ya ɓə a gɛ, ká hva too la kitii hu.

Zĩi 5:20

ká gili ə pu ɉu káá, nui a pənə a nɛ̨ŋɛ̨n ɉəɠəmun vilɛn tɛ̨ą pələ mɛ̨i, a kɛ ti, aa mąą nu nwun mąąɓo, ɛlɛɛ, aa nɛ̨ŋɛ̨n gbulu tamąą waa.

Piɛrə dɔlɔɔ 1:22

Káá ká nįį mąąhəɠə, a lɛɛi ká mo tɛ̨ą woo pulu, əgɛ, ká wɛlikɛmąą laa kɛ, hva kɛ a tɛ ɲɛ̨i mɛ̨nį. 'Ká ká keeni wɛli la kɛ kani, a kwəi kwələ laa, 'ká hvįi hvo kpɛɛ,

Zɔ̂ŋ Zaaƃai 1:2

Nwɛ́likɛmąąmun, gɛ́, ə́ mąą mɛ̨nį kəlee hu ə nɛ̨ɛ̨, ə́ kɔ́lɔi ə pono, ə́ nįį ə kɛ lɔ tii nɛ̨ɛ̨ hu.