Piɛrə dɔlɔɔ 4:3 - Yálá laawoo hɛɓɛ (dc)

³ A tɛ̨ą, yii tii kɛ, aa pɛli ɉu, a yai wɔlɔ ká gɛ hali pulu yíi hu, káá tuwɔ pələ ɲɔ̨n ɉuwu kəlee kulɔ, ɲɛ̨i kulɔ bɔɠaa, lɔɔ hon naa, kwəi kɛnɛ̨ laa, lɔɔ kpələ kpɔn naa, da hali ŋą mąąliɓi mɛ̨nįɠaa.

Yálá laawoo hɛɓɛ

³ A tɛ̨ą, yii tii kɛ, aa pɛli ɉu, a yai wɔlɔ ká gɛ hali pulu yíi hu, káá tuwɔ pələ ɲɔ̨n ɉuwu kəlee kulɔ, ɲɛ̨i kulɔ bɔɠaa, lɔɔ hon naa, kwəi kɛnɛ̨ laa, lɔɔ kpələ kpɔn naa, da hali ŋą mąąliɓi mɛ̨nįɠaa.

Bible

³ Kpɛ́ni fêi, ka wɔ́lɔ tãi támaa siɣe kákɛ m̀ɛnii kɛ̂ Zɛ̃tai-ŋai da ŋ̀wɛ̂lii dí gɛ́i. Ǹyaa ƃa núu kɛ́ɛ wolii-kpɔ̂lɔ su, núu ŋɔkɛ-pere-nyɔŋ maa-sɛŋ-wɛliɛi, lɔɔ-kpeleɛ, ƃoo-pele, lɔɔ-kpele-kuu, da ɣâla-pɔɔkɔ̂ŋ fɛliɛ nyíi vé Kôrai-ƃelai dítɔ̂ŋ sui.

Piɛrə dɔlɔɔ 4:3 Kruisverwysings

Samia Veerɛi 13:28

Absalɔn yɛ ɲəi bɛlɛ́n góló kɛ nuą diɛ: «Ka gɛ a nɛlɛɛ, ɓɛlɔwai ka Amnɔn kaa la nɔɔ aa ɉon, ŋą́ kɛ kaa: ‹Ka Amnɔn kɛlɛ›, ka baa. Ka hvo ɲɔw, ɲą́ą́ ɓə ka tɔɔ la ka ká liikpələ, ka gɛ a hulɔnu laa.»

Tɔɔɓɛlaa dɔlɔɔ 21:26

Akabə ə túwɔ́ kpɔlɔɔ a ɲɔ̨nwɔ̨ɔ̨ yɛ Amɔrə nuą ŋɛ̨i Yai-Laa ə di kpɛ di wɔ lɔi hu yɛ Israɛlə nuą hee laa, yɛ kwɛli hvilɛn haliɠaa diɛ.

Kɔlɔnikɔ Veerɛi 15:8

Nwooɠaa tii mąn Asa ə mo, da Yálá nwɔ wəlɛɛ tii gwəi mɛ̨nį hukulɔ mun Odɛdə ə mo, yili ə Asa hvaŋąlɔ; ɉali mɛ̨nįɠaai kpɔ kɛ Ɉuda lɔi da Bɛnɉamɛn lɔi hu, ə gəlee kulɔ laa, ə mą kɛ daaɠaa tii ə di hon Ɛfraimə yee hu. Yai-Laa kɔ́i ŋɛ̨i kɛ Yai-Laa nwɔ gala laaləi, ə bu nįnɛ̨ kɔ́lɔi.

Azaya 28:7

Ɉaláá laa həli nuą da Yálá kwəi mɛ̨nį hukulɔ nuą kəlee, lɔɔ aa di nwun ɉu lan, nɔɔ kpəɠiɛɠaai tii kaa di tɔɔi takpa takpa; lɔɔ aa di nwun ɉu lan ɲee aa tɛɛ diɛ, nɔɔ kpəɠiɛɠaa tii kaa di tɔɔi takpa takpa; di nwɔ hį́iɠaa kili yɛ kpɛɛ di ɲą, diɛ lan ɉukulɔi.

Azaya 5:11

Nuąi da humo diɛ lɔɔ kpəɠiɛɠaa mąą gilɛ həɠə, ɛlɛɛ, kpinį ə mąn pɛlɛ, di ɓo lɔ lɔɔ ɓa, kpalo ɓɛlaai diɛ, mąąhɔlɔɓo, lɔɔ aa di kili mɛ̨i kpulu.

Azaya 65:4

Diɛ tɔɔ kámąɠaa la, diɛ yii kwɛni woloɠaa hu, diɛ ɓoi mįi, ɛlɛɛ di kɔ̨nɔ̨n ə ɓo a túlun bulu hɛnŋąą.

Ɉeremi 16:11

Da mo tii yɛ́, yá kɛ diɛ: Mąąhɔlɔɓo, ka nąnni di Yai-Laa lɛɛ laa, di hvilɛn ŋąą haliɠaa pulu, diɛ di mąąwiɛ, diɛ kwɛli hvilɛn diɛ, diɛ pɛlɛ di lííla. Nwɛ́i di lənə mą́ą́, di hvo nwɔ́ tíɓoɠaa lɛɛ li di kili pɔ.

Ɉeremi 16:18

Daa nwɔ́ lɔi laa pu, a di wɔ túwɔ́ pələ ɲɔ̨n, da di kɛ nɛ̨ŋɛ̨nŋaa di gɛ, ə mą kɛ, a di wɔ hɛn mąąliɓiɛ powaɠaa, a gwɛ́lin nɔi laahvɛɛi di mo a di wɔɔ hɛn ɲɔ̨nwɔ̨ɔ̨ɠaa. Gáá nɛ̨ŋɛ̨n veelɛi tii mąą kwələ kulɔi diɛ.

Izikiɛ 44:6

'Mó gulɔ nwoomu-nuąi tii diɛ, Israɛlə nwɔ pɛlɛ́i ɓa, yɛ́ mą: «Mɛ̨ni kəlee ŋą Hééɓomun Yálá woo ka, yɛ: Ká wɔ tuwɔ pələ ɲɔ̨n a tɛɛ kɛa ɲɛn ɉu, Israɛlə nwɔ pɛlɛ́i.

Izikiɛ 45:9

Mɛ̨nį kəlee ŋą Hééɓomun Yálá woo ka, yɛ: «Aa tɛɛ ɲɛ̨n ɉu, Israɛlə ɲɛ̨itɔwɔ nuą, 'ká kpəla wea da toomɛ̨i kɛɛ ɓa; ka túwɔ a tɛ̨ą da tələnmolaa. Ka hvo kɛa hee nwɔ́ lɔi lonnii mɛ̨i, Mɛ̨nį kəlee ŋą Hééɓomun Yálái woo li.

Markə 7:22

nwɛli hon ŋąą, nu ɲɛ̨i kulaa ə ɓɛlan ɲei hɛn ɓɔ a ɲɔ̨nwɔ̨ɔ̨, gbąną laa mɛ̨nį, mɛ̨nį pili ɉu kɛɛ, tolo ɲɔ̨nwɔ̨ɔ̨ kulaa, lalan biliɛ, kpɔnŋąą kɛnɛ̨, ə mą kɛ da kilikpɛɛɲei laa.

Gɛlaɠaa 17:30

Kɛlaa, ɓɛlɔwai ti nuą kiliŋą hvo kɛ pono li la, Yálá hvo gili lɛɛ li yili hu, yiihu kɛa, gaa moi nu kanŋaa diɛ, yɛ nu kəlee, ɓɛi lɔpee nąą kəlee, di di hɔn mąą pənə.

Lomaŋ 13:13

Ká gu kaa kɛɛpono hu, 'ká gu túwɔ́ a tələnmolaa. Gu hvo ɓowo pələ kɛ, gu hvo too lɔɔ kpələ kpun ɉu, gu hvo gu laai lɛɛ, gu hvo kɛ lɔ a wɛli hon nuą. Ɛlɛɛ, gu hvo hvaa kɛ, gu hvo tolo kulɔ.

Korɛntə dɔlɔɔ 12:2

'Ká kili kaa ɉu, káá, ká kɛɛ hali yíi hu, ká kɛli lɔ li ká nwun ɉu kun ma, ɉaliɠaa tii di hva hvaa, di pɔ pələ.

Korɛntə dɔlɔɔ 6:11

Bələ ɓə tɔlɔɔ ká taɠaa di kɛ la. Kɛlaa, ka mąą aa waa, ká mąą aa həɠə, káá kɛ kɛa a tələnmo nuą gu Ną́mu Jesus Kristə laa hu da gu wɔ Yálái nwɔ Kilii háálai.

Korɛntə veelɛ 12:21

Ɲɔw kaa ɉú, ŋą́ pənə ŋą́ pa, nwɔ́ Yálá hvo pa nwúmɛ̨ ká ɲɛ̨i ɓa, gɛ́ wɔlɔ nu tamąą mąą mɛ̨ni ɓa, a diɛi tii daa nɛ̨ŋɛ̨n ɉəɠə, ɛlɛɛ, di hvo di hɔn mąą hvalin ni, di wɔɔ wɛli mɛ̨nį, di wɔɔ túwɔ́ pələ ɲɔ̨n, da di mąąliɓi mɛ̨nįɠaa hu.

Galatə 5:19

Kɔlɔ liiɓa mɛ̨nįɠaa di wɛi, gu di kɔlɔn, diɛ ɓaa: Wɛli kɛɛ, mąąliɓi túwɔ́ ɓoɔ, túwɔ́ pələ ɲɔ̨n gulaa,

Galatə 5:21

hɛn nwɛlilaa, lɔɔ kpələ kpɔn, yɛlɛkulɔ ɉu da yiiɠaa kpɔ da diɛni da li di kee pɔ, ɛlɛɛ, mɛ̨nįɠaa tii kɛ nuą; gáá kpɔ nąą kili tooi ká ɲą, yɛ bələi ŋį́ mo la káá, dɔ̨nɔ̨ kpɛli hvo pai nwɔɔ nąą hɔlɔɓoi Yálá ŋą tɔɔlaai hu.

Ifisiɛŋ 5:18

'Ká hvo kɛ a lɔɔ hon, a nu nwun na pili, kɛlaa, 'ká pilɛ a Yálá nwɔ Kilii.

Tɛsalonikə dɔlɔɔ 4:5

hvo gbɔwɔ lɛɛ laa kiliŋąhiɛ ɲɔ̨nwɔ̨ɔ̨ yee hvo tɛɛ mą, yɛ bələi hali yíi hu nuą da gɛ la, diɛi di hvo Yálá kɔ́lɔn,

Taitɔ 3:3

Mąąhɔlɔɓo, guɔ kpɛlimąn, gu wɔlɔ kɛ yɛ diɛ, gu hvo kɛli mɛ̨nį ta kpaɠala kaa, gu kwɛli teɛ, gu lanŋąą, guɔ ɓo nu kan niiɓa mɛ̨nį kəlee yee kɔnma, gu tolɔɔ, guɔ wɛlikpɛɛmąą laa kulɔ a gu keeni.

Piɛrə dɔlɔɔ 1:14

Ká gɛ yɛ woo mɛ̨n nɛapɛlɛɛ, ɲɛ̨i kulɔ bɔ laa tɔlɔɔi ká kɛ ɉu ká tɛɠii, 'ká hvo kɛa ká kɔɔn mą;

Zûu 1:4

Mąąhɔlɔɓo, nu ɲɔ̨nwɔ̨ɔ̨ tamąą daa lɔ ka lɔwai, diɛ guɔ Yálá nwɔ mɛ̨inɛ̨ɛ̨ woo ŋɛ̨i mąą pənə a di kpɔɔ liiɓa. Ə gɛ, di di wɔ túwɔ́ pələ ɲɔ̨nŋaai lɛ yɛ tɛ̨ą mɛ̨nį. Diɛ lənə Jesus Kristə ɓa, yai gaa a gu mąąkwɛlimun tanɔ̨n gbən da gu Námui. Yálá lawoo a wɔlɔ nuą tii di nwun napili mąą mɛ̨nį ɓo ɉu aa kwɛa.