Piɛrə dɔlɔɔ 4:10 - Yálá laawoo hɛɓɛ (dc)

¹⁰ 'Ká tí ká kee ɓa, bələi Yálá ə mąą laa tɛɛ la nu tɛitɛi pɔ a gulaa gee mu, 'ká ká keeni mąąkpɔnmąą ɓo tii.

Yálá laawoo hɛɓɛ

¹⁰ 'Ká tí ká kee ɓa, bələi Yálá ə mąą laa tɛɛ la nu tɛitɛi pɔ a gulaa gee mu, 'ká ká keeni mąąkpɔnmąą ɓo tii.

Bible

¹⁰ Zama-sɛŋ núu kélee a zɔlɔ ƃó tɔnɔ-tɔnɔi, ka tíi kɛ́ la kákîe-ni mì yɛ̂ɛ Ɣâla ŋɔƃɛlɛ-sêe-sii támaai maa-tii kɛ-ƃela.

Piɛrə dɔlɔɔ 4:10 Kruisverwysings

Maafîu 20:28

Yili ɓə gaa mą, Nu lon ə pa, ə gɛ, ə kɛ a nuą di wɔ kólo kɛmun, ə gɛ ə gbɔwɔ kwɛlɛ nu kpulu kɛnɛ̨ nwun mąąɓo mɛ̨nį ɓa.»

Maafîu 24:14

Yálá-taa tɔɔlaa yii gaa pai, hvo kɛ li mąą wəlɛɛ lɛlɛɛ laa ə həli yɛnɛ̨ɛ̨ nu kəlee ɓa, ə gɛ, yili ə kɛ a kɛla hvaa nu kəlee ɓa. Yili pulu, yɛnɛ̨ɛ̨ ŋąą yɛ kɛa kpɛɛ.»

Maafîu 24:21

Mąąhɔlɔɓo, mɛ̨nį nwąnąą kpɛa-kpɛaɠaa da kɛ a volói tii, yii ɲɔ̨nwɔ̨man hvo ta kɛ li ə həɠə yɛnɛ̨ɛ̨ kɔ́wɔ tɔɔi lɔwai ɓa, ə həli la ma yələi tii ɓa. Ɛlɛɛ da hvo nwɔ̨nɔ̨ pai kɛi kɛa yili pulu.

Maafîu 24:45

«Kólo kɛmun nɛlɛ ɓə dəlimoɔ, kili yɛ ɓo mą? Ya ɓaa yii nwɔ mɛ̨nį nąmu a kɛ mą: Ə́ ɲɛ̨i kɛ ə́ ɓɛlaa diɛ yɛ kɔ̨nɔ̨n dɛɛ di pɔ a dɛɛi lɔwai.

Maafîu 25:17

Nui tii veelɛ hɔlɔɓo, ə li ə veelɛ kwɛli ə bɛlɛ veelɛi tii ɓa.

Maafîu 25:44

«Nąąlɔwai diɛ kpɛli da nwoo ŋąąpənə diɛ mą: ‹Námu mįnɛ̨ lɔwai ɓə ku ə́ kaa la pulu ə ɓo yɛ́, ku hvo ə́ kɔ́ a kɔ̨nɔ̨n? Kpələ wɛli ə ɓo yɛ́ ku hvo yalaɠi tɛɛ ə́ pɔ? Ə́ kulɔ la kuɔ a nweą, ku hvo ə́ nweą laa kɛ? Ə́ mąą haɠaa, ku hvo həɠə kɛ yɛ́? A wala kɛ tii, ə́ ɓo gaho ŋą, ku hvo ku woo pili yɛ́?›

Markə 10:45

Mąąhɔlɔɓo, Nu Lon hvo kɛ pa li, əgɛ, nuą di tí mą. Kɛlaa, ə pa ə kɛ nuą di wɔ luwɔ, əlɛɛ, ə haa nu tamąą mąą mɛ̨nį ɓa.»

Lukə 12:42

Nąmu ə nwoo pulu pənə yɛ mą: «Gbɛɛ ɓə gaa a koló kɛmun tələnmoɔ, kili yɛ ɓo mą? Mąą nu ɓaa a nui ŋɛ̨i bɛlɛ nąmu a kɛ mą: ə́ ɲɛ̨i kɛ bɛlɛ ɓa, ə́ kɔ̨nɔ̨n dɛɛ di pɔ a dɛɛi lɔwai.

Lukə 19:13

Gɛɛ hvə li, ə nwɔ tínuą powi təli, ə wəli kwələ waa tɛitɛi tɛɛ di pɔ, yɛ diɛ: ‹Ka yɔw kɛ a ɉɛn gɔwi ŋɛ̨i, ɛlɛɛ ɉu ŋą pənə ŋį́ pa.›

Lukə 8:3

Nɛa tii tɔ̨nɔ̨ ɓaa kɛ a: Ɉanə, yai kɛ a Herodə nwɔ hɛn gɔw mɛ̨i kaa mun gɛnɛ̨ nɛ̨ą, ɉulɔnui tii laa ɓa kɛ a Kuza. Da ɓaa kɛ a Suzanə, da nɛ̨ą takpɛliɠaa, yiiɠaai kɛi di yəi hɛnŋąa tɛɛ Jesus pɔ da nwɔ kalan nɛai, di mąą kpɔnmąą ɓo mɛ̨nį ɓa.

Lomaŋ 15:25

Kɛlaa, yiihui ŋɛ̨i, gáá lii Ɉerusalɛmə Yálá nwɔ nuąi mąą mɛ̨nį ɓa.

Lomaŋ 15:27

Diɛ kpinįi kpɔ ɓə di kiliŋąhiɛ ti, a tɛ̨ą, ɛlɛɛ, hvo kɛli kɛ di gɛ tii, gbala ə tɔɔ, yii, huwu takpɛliɠaa di Ɉuifəɠaa di wɔɔ Yálá lon naa ta hɔlɔɓo, mąąnɛ̨ɛ̨ yiliɠaa diɛn di di wɔɔ hɔlɔɓo di kanąn mɛ̨nį hu.

Korɛntə dɔlɔɔ 15:10

Kɛlaa, laai kələi gáá ɉu ŋɛ̨i, Yálá ŋą mɛ̨inɛ̨ɛ̨ halai li; ɛlɛɛ, ŋą mɛ̨inɛ̨ɛ̨ tii ə gɛ mą́ą́, hvo lɛɛ li a kpɛli. Kɛlaa yaamun, ŋą́ą́ kólo kɛ aa tɛɛ gɛlaɠaa kəlee diɛ, ɲą́ą́ hvə li, Yálá ŋą mɛ̨inɛ̨ɛ̨i gaa ɲə́i, ya ɓə.

Korɛntə dɔlɔɔ 3:10

Mɛ̨inɛ̨ɛ̨ Yálá ə gɛ mą́ą́ ɉaalai, ɲą́ą́ yɛ yɛlɛkɛmun nɛlɛɛ, ŋą́ gɔ́wɔ hvilɛn, nu ta kpɛli ə dɔɔ. Kɛlaa, nu kəlee ə gɛ a nɛlɛɛ nwɛi tɔɔ pələ hu.

Korɛntə dɔlɔɔ 4:7

Gbɛɛ ɓə ə́ hviɛlaɓo ə ə́ tɛɛ ə́ ɓɛlaa diɛ? Lə ɓə ə́ yəi, yai di hvo ə́ kɔ la? Ɛlɛɛ yaan, akɛ di ə́ kɔ lai, ə́ kpɔwɔ ɲąąkɛnɛ̨ mɛ̨nį nwun maa a lə, yɛ da wala ə́ kɔ la?

Korɛntə veelɛ 6:1

Yii kani, ku kaa Yálá ŋą kóló ɓa, ku kaa ká liɛwoo kɛi, kuɔ; Yálá ŋą mɛ̨inɛ̨ɛ̨ ŋɛ̨i ka ɉɔlɔɓo, ka hvo hee ɉu kpɛli-kpɛli.

Korɛntə veelɛ 9:1

Yii hvilɛn na kalan nɛai mąąkpɔnmąąɓo mɛ̨nį ɓa, ə mą kɛ kɛa və́ yili ta pɛ̨ɛ̨ li, və́ dɛɛ káá.

Ifisiɛŋ 3:8

Ɲą́ą́ ŋɛ̨i a Kristalɛaa kəlee di kpɛlamąą, a kponɉee, kɛlaa, ŋą́ mɛ̨inɛ̨ɛ̨ tii hɔlɔɓo, gɛ́ pɛli Kristə mąą mɛ̨nį kpaɠala kaa laa walaa tii, laa həlii la.

Ifisiɛŋ 4:11

Ɛlɛɛ, ə mɛ̨inɛ̨ɛ̨ɠaa kɛ, diɛ ɓaa: Gɛlaɠaa, Yálá kwəi mɛ̨nį hukulɔ nuą, Nwɛlɛɛ lɛlɛɛ laa həli nuą, gbɔn mɛ̨ikaa nuą, da mąąkwɛli kɛ nuą;

Timote veelɛ 1:18

Gu Ną́mu ə gɛ, ə mɛ̨inɛ̨ɛ̨ hɔlɔɓo gu Nąmu kwɛlɛ a ɲələi tii. Ɛlɛɛ, mɛ̨inɛ̨ɛ̨ɠaai kpɔ ə gɛ mą́ą́ Efɛsə, yɛ́ kpinįi ə́ gɔlɔn gbɔ a nɛlɛɛ.

Taitɔ 1:7

Hvo kɛli, nui a kɛ gbɔn nwun na, yai a Yálá ŋą hɛn gɔwii laai kɛmun, ə kɛ a nui hɔn və mą, hvo kɛ a ɲɛ̨itɛ hvaaɓomun, a liikələn gwəi mun, a lɔɔ kpələmun, a hvaa kɛmun, hvo kɛ a hvulu hɛn gwɛlimun.

Hebreu 6:10

Ɛlɛɛ, Yálá hvo hvulu li, hva pɛli lɛ̨ąi ka kɛ mɛ̨nį nɛ̨ɛ̨ɠaai ka káá gɛi, diɛ, gəlee ə mą kɛ, wɛlikɛmąąlaai ká kɛi tí la kristalɛa diɛi, diɛi wɔlɔ kɛ laa, ə mą nwɔ̨nɔ̨ kɛ, háákələi.

Piɛrə dɔlɔɔ 5:10

Mɛ̨inɛ̨ɛ̨ kəlee Nąmu Yálá, yai ká təli Kristə hu a ŋą mąąwiɛlaai hva kpɛɛ mą, yaa ɓə pai ká heei kulɔi, ká kpɛɛ a mɔ̨nɔ̨ tawolo mįɛ, a ká huwalawala, ə ká hvaŋą kɛnɛ̨, ə ká tɔɔ gbilin, túmo hva kɛ káá.

Piɛrə dɔlɔɔ 5:12

Ŋį́ ɉɛɓɛ́ kpuɔ lon ŋɛ̨i tɛɛi kaa, Silvɛn nwɔ kpɔnmąą háálai, yai ŋą́ gaa yɛ néélon, dələnmoɔ, gɛ́ ká hvaŋąlɔ, ɛlɛɛ, gɛ́ kɛ káá, Yálá ŋą nɛ̨ɛ̨laa kpɔ-kpɔɔ ka tii káá kąnąn mą.