Piɛrə dɔlɔɔ 3:3 - Yálá laawoo hɛɓɛ (dc)

³ Ká mąąyili hɛnŋaa hvo kɛ lɔ ká kɔlɔ ɓa, yɛ bələi: nwun-naala lɛlɛɛɠaa, hɛni kwɛliɠaa, da mąąyili hɛn yəki-yəkiɠaa;

Yálá laawoo hɛɓɛ

³ Ká mąąyili hɛnŋaa hvo kɛ lɔ ká kɔlɔ ɓa, yɛ bələi: nwun-naala lɛlɛɛɠaa, hɛni kwɛliɠaa, da mąąyili hɛn yəki-yəkiɠaa;

Bible

³ Káfe kɛ̀ nɔ́ a kálɛlɛɛ kákɔlɔ ma, káŋuŋ láa-a ǹɛ́lɛɛ, ká kámaa ɣiri a gôo ká seɣe lɛ́lɛɛ-ŋa too kâa.

Piɛrə dɔlɔɔ 3:3 Kruisverwysings

Zɛnɛse 24:22

Yii kɛa ɲɔ̨nwɔ̨mɛ̨ɛ̨ɠaa kəlee di di kpələ, ɉulɔnui tii ə gbono tɛɛ Rebeka pɔ ə ɓo a hɛni, mu wiaa, ɛlɛɛ, da yeeɓa kwɛli hveelɛ di ɓo a hɛni, gəlee hveelɛi mu wiɛ yee ə ɓo tanɔ̨n.

Zɛnɛse 24:47

Ya ɓə ŋą́ kɛ mą: ‹Gbɛɛ lon maa a yɛ́?› Yɛ mą́ą́: ‹Betuɛlə lon nɛ̨ɛ̨nu ɓaa a ɲą́ą́, Betuɛlə kaa a Nahɔrə da nɛ̨ą Milka di lon ɉulɔnu.› Nąąlɔwai ɓə ŋą́ kwɛli too la ɉunwɛ̨i, ŋį́ kwɛli too ɲee kwaną.

Zɛnɛse 24:53

Yili pulu, ə nwɔ tiɛ̨ɠaai laa hvólóon, mąąyili hɛnŋąą di kɛ ɉu a wali kwɛli, hɛni ɛlɛɛ, da həɠəɠaa; ə gəlee tɛɛ Rebeka pɔ. Ə hɛn gɔw kɛnɛ̨ tɛɛ Rebeka nee da niɛ hulɔnu di pɔ.

Tɔɔɓɛlaa veelɛ 9:30

Ɉehu kɛɛ pai lɔi Izreɛlə daai, Ɉezabɛlə ə bələ mɛ̨n, ə pəną laa ɲɛ̨i kɔ́n bulu, ə nwun mą yili, yili pulu, ə nwun gulɔ bɛlɛ́ vaŋą pili.

Mąątɛ̨nɛ̨ 45:9

Ə́ mąąhəɠəɠaa kaa lɔ a mirə wulɔ, a alowɛsə wulɔ da kanɛlə wulu kɔlɔ. Wələ nɛ̨ɛ̨ɠaa kaa kulɔi dɔɔ pɛlɛ́ mun, a dɔɔ pɛ́lɛ́i dɔɔ a hə́lə́ ɲįn.

Lɛɛ gbɔwɔ ɓa 3:22

Ka kɛi li, nɛ̨ą kəlee di hɛnŋąą hvɛli di hee yɔwɔɠaai a Eziptə nɛ̨ąą diɛ, ɉɛnŋąą tii da kɛ a wali kwɛli, hɛni, ə mą kɛ, həɠə, ka ka lonnii mąą yili la. Bələ ɓə ka káá pai Eziptə nuą mąą kpoloon ɉi la.»

Lɛɛ gbɔwɔ ɓa 32:2

Aarɔn yɛ diɛ: «Nwəlii kwɛliɠaa tii ka nɛ̨ąni, ka lonnii hinąą da ka lonnii nɛ̨ąą wəlii a hɛni, ka pa a diɛ bɔ́.»

Lɛɛ gbɔwɔ ɓa 33:4

Ɓɛlɔwai nuą di mąąwɛli woo ti mɛ̨n na, di kəlee di bu mą a wɔlɔ. Nu ta lɔpee hvo kɛa nwɔ hɛli həɠə too gwąną.

Lɛɛ gbɔwɔ ɓa 35:22

Hinąą da nɛ̨ąąi kɛ di kwəinɛ̨ɛ̨, di kɛi pa a di wəlii kwɛliɠaa, gbonoɠaa da kwɛɛnŋąą, gəlee di ɓo a hɛni, diɛ Yai-Laa kɔ́ la.

Lɛɛ gbɔwɔ ɓa 38:8

Yili pulu, di nuą mąąwaai kɛ a ɓala kwɛli hɛnɲąŋą, di ɉee hɛn gɛ a ɓala kwɛli, nɛ̨ąąi kɛi di ɲąąkpɔn gee kaa kələ laaləi, di wɔ gááɉuɠaai ɓə di ɉəɠə, diɛ nuą mąąwaa hɛnɲąŋą pɛli la.

Azaya 52:1

'Ə́ muhəɠə, 'ə́ muhəɠə, ə́ ə́ wɔ huwala walai ɲąątɛ, oo Siɔn, ə́ wɔ mąąwiɛ həɠəɠaai too ə́ kwaną, Ɉerusalɛmə, yɛ́i ə́ kaa a mąąhəɠə taa; mąąhɔlɔɓo, ə həɠə háákələi ɓa, kɛ́nɛ̨ kpoloa da nui mąą hvo həɠə li di hva kɛa lɔ ə́ pɔɔli.

Azaya 61:10

Gáá kwəinɛ̨ɛ̨ hu, a tɛ̨ą, gáá kwəinɛ̨ɛ̨ kulɔi Yai-Laa mąą mɛ̨nį ɓa, níí kaa pilii yələi a kwəinɛ̨ɛ̨, nwɔ́ Yálái mąą mɛ̨nį ɓa, mąąhɔlɔɓo, aa nu ɓalo həɠə too gwą́ną́, aa mą́ą́ yili a tələnmo gbaawii, yɛ hulɔnon a mąą yili nwɔ wɛli ɲɛ̨i ɓa, yɛ bələi haláá laa həli mun a gɛ la, yɛ nɛ̨ɛ̨nui daa ɉilɛtai kɛ, a kɛli mąą yili hɛnŋąą kɛ mą.

Ɉeremi 2:32

Halakpəla a mɔ̨ɔ̨ lɛ̨ą mąą yili hɛnŋaa diɛ? Toonwəlii nɛ̨ą a mɔ̨ɔ̨ lɛ̨ą nwɔ wɛli gbonoi ɓa? Kɛlaa, nwɔ́ lɔi hu nuą daa lɛ̨ą mą́ą́, nu hvo mąn kɛa voló kɔ́lɔn.

Ɉeremi 4:30

Ə lɛɛ yɛ́i ɓaa Ɉerusalɛmə taa, lə ɓə ə́ kaa pai gɛi? Hɛli həɠə ɓə ŋɛ̨i ə́ kaa gɛi yɛ́i? Ə́ kaa mɔ̨ɔ̨ pai ə́ mąą yilii a hɛni? Ə́ kaa mɔ̨ɔ̨ pai pəna laa ə́ ɲɛ̨i? Kpɛli ka tii ə́ kaa gɛi, yɛ́ lɛlɛ kwɛli. Yɛ́ wɛliɠaa daa tɛɠɛɓo ə́ hu, ə́ paa mɛ̨nį ɓə kɛa di kaa la ə́ pulu.

Izikiɛ 23:40

Yili pulu di nuą təli diɛ həɠə kwɛa la, di nu tɔɔ kpɔ di pɔɔli, mąą nuą ka ti daa pa, diɛi ə́ ə́ waa di mąą mɛ̨nį ɓa, yɛ́ pə́ną́ laa ə́ ɲɛ̨i kɔ́n bulu; yɛ́ ə́ mąą yili.

Lomaŋ 12:2

'Ká hvo ká kpɔɔ kɔ́ɔn háákələi yɛnɛ̨ɛ̨i ɓa, kɛlaa, ká nɛɛ laa, ka wɔɔ mɛ̨nį kɔlɔn gili ə ká pu ká nįnɛ̨ kɔlɔi, yili ɓə gaa a Yálá liiɓa, nɛlɛɛ, ɲąąnɛ̨ɛ̨, bɛliɛ ɉu.

Piɛrə dɔlɔɔ 3:2

diɛ ká tuwɔ pələ mąąhəɠɛɛ tii mąąwiɛ.