Piɛrə dɔlɔɔ 2:17 - Yálá laawoo hɛɓɛ (dc)

¹⁷ 'Ká nu kəlee ɓɛlɛ kɛ mą, 'ká ká nąn nonnii wɛlilakɛ. 'Ká ɲɔw Yálá ɓa, 'ká tɔɔmun mɛlɛ kɛ mą.

Yálá laawoo hɛɓɛ

¹⁷ 'Ká nu kəlee ɓɛlɛ kɛ mą, 'ká ká nąn nonnii wɛlilakɛ. 'Ká ɲɔw Yálá ɓa, 'ká tɔɔmun mɛlɛ kɛ mą.

Bible

¹⁷ Ka ƃâa kɛ́ núu kélee ma. Ka diai wɛ́li ka dîa-ni kákaa zu tɔnɔɔi. Ka yao Ɣâla ma. Ka ƃâa kɛ́ gâloŋ kɛ́tɛi ma.

Piɛrə dɔlɔɔ 2:17 Kruisverwysings

Zɛnɛse 20:11

Abrahamə ə nwoo ŋąąpənə, yɛ mą: «Ə kɛ gwə́i ɓɛ nɔi nuą di hva ɲɔw Yálá ɓa, gɛ́ diɛ: ‹Gbəli hu, di kaa pai báái, nɛ̨́ą mąą mɛ̨nį ɓa.›

Zɛnɛse 22:12

Malaka yɛ mą: «Hvo mɛ̨nį ta kɛ a ɉulɔnon tii, ŋą́ą́ gɔlɔn gea, gɛ́ diɛ, yáá nwɔ́ kɛnɛ̨ laa mąąwiɛ, hvo kɛ lənə li ə́ lon gulɔi mą́ą́ a haláá.»

Zɛnɛse 42:18

Voló ɉaaɓa yələ, yɛ diɛ: «Mɛ̨nį gáá ɉu hvɛlii kaa, ka gɛ, ka nwun mąą a ɓo. Mąąhɔlɔɓo, ɲą́ą́ gbɛli, ŋą ɲɔw Yálá ɓa.

Kɔlɔnikɔ Maa-ŋuŋ 29:20

Davidə yɛ nu kpɔn gəlee ɓa: «'Ka Yai-Laa, ka wɔ Yálái mąątɛ̨nɛ̨.» Nu kpɔn kəlee di Yai-Laa di nąnni di wɔ Yálá mąątɛ̨nɛ̨, di pɛlɛ nɔi ɓa, di gwɛli hvilɛn Yai-Laa líi la, ɛlɛɛ, da tɔɔmun nií la.

Mąątɛ̨nɛ̨ 111:10

Kili kɛ ɲəi kpalatɔɔi ɓaa, nu ə ɲɔw Yai-Laa ɓa, nuąi da yili kɛ, yɛnɛ̨ɛ̨ hon bələ mąą gbąnąlaa kaa di yəi; di kaa pai kɛi dɛ̨nɛ̨i a yələ kəlee.

Lɛɛ gbɔwɔ ɓa 20:12

«'Ə́ lee da ə́ nąn di mąąwiɛ; ya ɓə a gɛ, nɔi ŋɛ̨i Yai-Laa ə́ wɔ Yálá ə dɛɛ ə́ pɔ, ə́ yíi ə kwɛa ɉu.

Hanwon 1:7

Nu ɲɔwɔ Yai-Laa ɓa ɓə gaa a kili mɛ̨nį kəlee kɔ́wɔ tɔɔi. Kilikpɛɛɲəi nuą di hva kili mɛ̨nį ɓɛlɛ kɛ mą, da liɛwoo.

Hanwon 23:17

Ə́ ɲɛ̨i hvo kulɔ nɛ̨ŋɛ̨n ɉəɠə nuą túwɔ́ pələ pɔ. Kɛlaa, nuąi da ɲɔw Yai-Laa ɓa, ə́ ɲɛ̨i ə kulɔ di túwɔ́ pələ pɔ a yələ kəlee.

Hanwon 24:21

Nón, ɲɔw Yai-Laa ɓa, da tɔɔmun. Nuąi da nɔgili kɛ, diɛ mɛ̨nįɠaa mąąhvalin, 'hvó too di pɔ.

Ikilisiati 8:2

Yii tɔɔmun a mo, mąąnɛ̨ɛ̨ gu nwoo hon; mąąhɔlɔɓo, bələ ɓə gu gu kwɛla la Yálá ɲɛ̨i ɓa.

Levetekɔ 19:32

«Heei tɛɛ nwun bowa nąmu pɔ, pɔlɔlaa mąąwiɛ; bələ ɓə ya ɲɔw la ə́ wɔ Yálái ɓa. Ɲą́ą́ ɓə gáá a Yai-Laa.

Zakari 11:14

Yili pulu, ŋį́ dunwɔ̨n veelɛnąąi a woolaamąą, ŋą́ ɉu yali, nąnnonnaai tii kɛ Ɉuda da Israɛlə di lɔwai, ŋį́ ɉukala.

Maafîu 22:21

Nuą di nwoo ŋąąpənə diɛ mą: «Sesarə ɓə!» Jesus yɛ diɛ: «A kɛ tii, ka Sesarə nwɛi tɛɛ Sesarə pɔ, ka Yálá nwɛi tɛɛ Yálá pɔ.»

Ɉaan 13:35

Yili ɓə a gɛ, nu kəlee di gɔlɔn diɛ ka káá a nwɔ́ kalan nɛa, a ka kee wɛlila kɛi ka mo.»

Lomaŋ 12:10

Gɛ́, lee-lon nwɛlikɛmąąlaa ə ka yili ka kee ɓa, ká wɛlikpɛɛmąąlaa kpɛ ká lɔwai.

Lomaŋ 13:7

'Ká nu kəlee nwɔ tɛɛ bɔ. 'Ká nįįhɔ̨nwɔ̨ tɛɛ nįįhɔ̨nwɔ̨ hon nuą pɔ, ka hɛn gɔw tee nąmu pɔ, nuąi nwumɛ̨ mąą kaa diɛ, 'ká nwumɛ̨ mąą tɛɛ di pɔ, nui mąąwiɛlaa, ka mąąwiɛ.

Korɛntə veelɛ 7:1

Nwɛ́likɛmąą nuą, yii kani Yálá kpinįi aa mɛ̨nį taaləi tii laakwɛlanmo guɔ, 'ká gu gu kpɔwɔ kpinįi mąąhəɠə, hɛn a nu kɔlɔ da nįį kɔhɔɓo gəlee yəi, 'ká gu gu kpɔwɔ mąąhəɠə mɛ̨nį, ɲee laa kulɔ kɛ Yálá ŋą ɲɔwmąąlaa hu.

Ifisiɛŋ 5:21

'Káái kpɔ ká ɲɔw Kristə ɓa, 'ká lɛɛ ká keeni woo mu a mąąwiɛlaa.

Filipə 2:3

'Ká hvo mɛ̨nį lɔpee ta kɛ a wɛli kpɛɛ mąąlaa, a wala kɛ ti, nu ta hvo gbɔwɔ kɛnɛ̨ kiliŋąhiɛ kɛ; kɛlaa, kpɔwɔ mąą yɛɛ laa hu, ka ka ɓɛlaa kaa yɛ, ká tɛɛ-mąąɠaa.

Timote dɔlɔɔ 6:1

Nuąi kpɔ di kaa luwɔlaa ŋą kpono hu, di mąąnɛ̨ɛ̨i di di nąmįną mąąwiɛ, yili ɓə a gɛ, Yálá laa hva kala, ɛlɛɛ, da kalan mɛ̨nį.

Hebreu 13:1

Lee-lon nwɛlikɛmąą laa ə ɉeei kulɔ ká lɔwai.

Piɛrə dɔlɔɔ 1:22

Káá ká nįį mąąhəɠə, a lɛɛi ká mo tɛ̨ą woo pulu, əgɛ, ká wɛlikɛmąą laa kɛ, hva kɛ a tɛ ɲɛ̨i mɛ̨nį. 'Ká ká keeni wɛli la kɛ kani, a kwəi kwələ laa, 'ká hvįi hvo kpɛɛ,

Piɛrə dɔlɔɔ 2:13

'Ká lɛɛ nwun nąmįną kəlee woo mu, gu Nąmu mąą mɛ̨nį ɓa, yɛ ə kɛ a tɔɔmun yai heeɓo laa kaa ɲəi,

Piɛrə dɔlɔɔ 5:5

Káá kpɛlimąn, a muhəɠə nįnɛ̨ɠaa, 'ká lɛɛ nu pɔlɔ-pɔlɔɠaa woo mu. Ɛlɛɛ, ká kəlee, 'ká ká kpɔwɔ mąąyɛɛ ká lɔwai mɛ̨nįɠaa hu, mąąhɔlɔɓo, «Kpɔwɔ ɲąą kɛnɛ̨mun nwɛli hvo Yálá ɓa, kɛlaa, nuąi da di kpɔwɔ mąą yɛɛ, a nwɔ mɛ̨inɛ̨ɛ̨i kɛ diɛ.»

Samuɛlə dɔlɔɔ 15:30

Saulə yɛ mą: «Ŋą́ą́ nɛ̨ŋɛ̨n ɉəɠə, yiihu, gáá nɛ̨ɛ̨mąą hvəi yɛ́, gɛ́ ə́ hvaa mą, ə́ mą́ą́wiɛ nwɔ́ nuą da Israɛlə nuą di ɲɛ̨i ɓa. Pa gwə li, ŋą́ pɛlɛ Yai-Laa ə́ wɔ Yálái kɔ́wɔ mu.»