Piɛrə dɔlɔɔ 1:1 - Yálá laawoo hɛɓɛ (dc)

¹ Piɛrə, Jesus Kristə ŋą kɛla, gáá ɉɛɓɛ́i ŋɛ̨i tɛɛi nuąi daa di həɠə ɉu, diɛi di kaa nwɛ̨ą lɔiɠaa hu, diɛ ɓo: Pɔntə, Galatə, Kapadosə, Asi da Bitini,

Yálá laawoo hɛɓɛ

¹ Piɛrə, Jesus Kristə ŋą kɛla, gáá ɉɛɓɛ́i ŋɛ̨i tɛɛi nuąi daa di həɠə ɉu, diɛi di kaa nwɛ̨ą lɔiɠaa hu, diɛ ɓo: Pɔntə, Galatə, Kapadosə, Asi da Bitini,

Bible

¹ Ńyãa Pitɛ, ŋ́gaa a Zîsɛ Kôrai ŋɔsia-nûu, Diai dítaa-taai Pɔŋtɔ, Galesia, Kapadôsia, Eesia, da Bɛtinia, yɛ̂ɛ ŋɔ̃yâ-ŋai,

Piɛrə dɔlɔɔ 1:1 Kruisverwysings

Mąątɛ̨nɛ̨ 44:11

Ku kaa pui ku yowoɠaa tɔwɔ, ku yowoɠaa diɛ too ku mɛ̨i.

Izikiɛ 6:8

Kɛlaa gáá pai ka taɠaa mąąwɛlikaai; di kaa pai kulɔi a kɔ́ kɔ́ ɓɔwa yee wolo; gɛ́ di taɠa taɠa lɔiɠaa hu.

Levetekɔ 26:33

Ka wɛi, gáá pai ka taɠa taɠai lɔiɠaa hu, gɛ́ kɔ́ kɔ́ ɓɔwa kulɔ daai gɛ́ ɉee kaa; ka wɔ lɔi a lɛɛ a lɔi pun, ka wɔ taaɠaai di lɛɛ a taa kpoloon.

Maafîu 10:2

Nu pow-kɔw-hveelɛi Jesus ə di tɔɔ di laa ka: Dɔlɔɔ ɓa Simɔn, yii naa mɛ̨i hee ɓa a Piɛrə, da nəɠə Andre. Ɉakə da nəɠə Ɉaan diɛi kɛ a Zebede lonnii.

Maafîu 24:22

Akɛ kɛ Yálá hvo volóɠaa tii hukpuwɔ, nu tɔ̨nɔ̨ kpɛli hvo li ɓalo. Kɛlaa, Yálá ə volóɠaa tii ta kulɔ ma, nuą ə di həɠə ɉu di mąą mɛ̨nį ɓa.

Maafîu 4:18

Yii kɛa Jesus ə kɛi tɛɛ Galile Bówa kwɛlɛ, ə diŋɛ̨n bili nuą hveelɛ kaa, diɛ ɓo a nąn non dɔ̨nɔ̨. Dɔ̨nɔ̨ laa ɓa kɛ a Simɔn, naa mɛ̨i hee ɓa a Piɛrə, da nəɠə Andre. Di kɛ a hɔ̨nwɔ̨lee kpɛ nuą.

Lukə 18:7

A kɛ tii, Yálá hvo moɔ pai niiɓa nuą mąą hutɔɔi, a diɛi tii di kilitɔɔi mą; diɛ tómą bɔ pələ a hvóló da kpinį?

Ɉaan 11:52

Hvo lɛɛ lɔ a nɔi tii mąą mɛ̨nį, kɛlaa, Yálá lonni yiiɠaai di taɠa-taɠa, di ŋąąkpɔn mɛ̨nį di kee ɓa di kɛ tɔ̨nɔ̨ mąą haa ɓə ə kɛi pa moi.)

Ɉaan 7:35

Ə həɠə ɲələ ɓa, Ɉuifəɠaa di kɛi kɛ diɛ kɛ di kee ɓa: «Mįnɛ̨ ɓə gaa pai lííla yai ku hvo pai gaai? Akɛti, Ɉuifəɠaa ŋɛ̨i di taɠa-taɠa hį́i takpɛliɠaa lɔwai nąą pələ ɓə mɔ̨ɔ̨ gaa pai lííla, yɛ ɉį́i takpɛliɠaa tii kalan?

Gɛlaɠaa 18:2

Niɛ, ə kwiɛn a Ɉuifə ta, diɛ kɛ mą: Akilasə; ə kɛ a Pɔn lɔi hu mun. Ə pa lɔ tii a nįnɛ̨, da nɛ̨ą Prisilə daa həɠə kɛ Itali lɔi hu, mąąhɔlɔɓo, Klodə aa kɛ mo, yɛ: Ɉuifəɠaa kəlee di kulɔ Romə daai; da Polə ni di di yee lɔ kee hu.

Gɛlaɠaa 18:23

Ə yíi kuu ta wolo kɛ laa, yili pulu, ə tɛɛ yɛ li; ə tɛɛ kpɔ Galatə lɔi da Frizi lɔi hu, yɛ galan nɛa kəlee hvaŋąlɔ.

Gɛlaɠaa 19:10

Ə gɛ tii kwɛlan veelɛ yee mu. Gɛ pələi ti, nuą kpɔ kɛ Asi lɔi hu, ə kɛ a Ɉuifəɠaa, ə kɛ a Grɛkə, di pɛli gu Nąmu laawoo mɛ̨n ɉii.

Gɛlaɠaa 6:9

Kɛlaa, di lɔwai, galan gbɔn ti da kɛ mą: luwɔ pɔlɔɠaa, da Sirɛnə nuą Alɛsandri nuą Silisi ɛlɛɛ, Asi nuą, hvaa ə too Etiɛnə ni lɔwai.

Gɛlaɠaa 8:4

Nuą ti di di hu taɠa, di kɛi lia tɛɛ nɔi nąą kəlee, diɛ nwɛlɛɛ lɛlɛɛ laa həli.

Korɛntə dɔlɔɔ 16:19

Yálá nwɔ nu Yálá ŋą kpɔnŋaai Asi lɔi hu, diɛ ka túwɔ́ ɓo. Akilasə da Priska, diɛ kpɛli di kaa ká túwɔ́ɓo, ə mą kɛ gbɔn a kɛ ɲąąkpɔn ɉi di yəi bɛlɛ́n, diɛ kpɛli, diɛ ka túwɔ́ɓo gu Ną́mu hu.

Korɛntə veelɛ 1:8

Mąąhɔlɔɓo, nąn nonnii, ku hvo bɔ, ká hvo kɛ kwəi pilimąą hu, mɔ̨nɔ̨ɠaai ku mįi Asi lɔi hu, di nwiɛ pələ kuɔ, ɉee pələ ku hu, vaŋą kɛnɛ̨ pələ ə tɛɛ kuɔ, ku kili hvo kɛ mą, kuɔ kwa lɛɛ kɛ yɛnɛ̨ɛ̨.

Galatə 1:2

ɛlɛɛ, nąn nonnii kwa diɛni ku kaa ku kee pɔ, kuɔ ɓə ɉɛɓɛ́i ŋɛ̨i tɛɛi Yálá nwɔ Yálá ŋą kpɔnŋaai diɛ, diɛi di kaa Galatə lɔi hu, kuɔ diɛ:

Ifisiɛŋ 2:12

'ká ká kiliŋąhiɛ, nąąlɔwai, Kristə hvo kɛ ká yəi, ká laa hvo kɛ mɛ̨nį ta hu Israɛlə lɔi hu, ká kɛ a nwɛ̨ąą mɛ̨nįɠaai Yálá ə naakwɛlanmo nwɔ nuą diɛ, ɉu; ká kilitɔɔi hvo kɛ káá, Yálá hvo kɛ ká yəi ɓɛ yɛnɛ̨ɛ̨.

Ifisiɛŋ 2:19

Yili ɓa, ká hvo kɛa a nwɛ̨ąą, ká hvo a tɛɛ nuą, ká káá a taa tɔ̨nɔ̨ hu nuą, a Yálá yəi bɛlɛ́n nuą.

Dutɛrɔnome 28:64

Yai-Laa kaa pai ka taɠa taɠai nu huwu kəlee lɔwai, yɛnɛ̨ɛ̨ nąą kəlee. Ka káá pai kɛi tíi kɛi haliɠaa diɛ, diɛi di kaa a: kwɛniɠaa da wuluɠaa, diɛi, kaa-o ka nąnni-o ka hvo ta di kɔ́lɔn ni.

Dutɛrɔnome 32:26

Ɲą́ą́ ɓə mo; gáá di hu teeteei a gbuwɔ kpuwɔ, gáá di laa kpɛɛi nuą lɔwai.

Dutɛrɔnome 4:27

Yai-Laa a ka taɠa taɠa lɔi mɛ̨i nuą lɔwai; ka huwu ta wolo tiikpə lɔ ɓə a lɛɛ lɔiɠaa lɔwai, ɓɛɠaai Yai-Laa kaa pai lii laa a kaa.

Timote veelɛ 1:15

Timote, yɛ́ kpinįi ə́ kili kaa ɉu, nuąi kpɔ Asi lɔi hu, daa di kili kulɔ ɉú, ə mą kɛ, Figɛlə da Hɛrmozɛnə.

Hebreu 11:13

Nuą ti kəlee di lɛɛ laa na laa hu, di haa, mɛ̨nįɠaai di naakwɛlanmo diɛ, di hvo naa honŋąą kaa li. Kɛlaa, ə mą kɛ tii, di gaa kwɛaala, di nɛ̨nɛ̨ɓo, di di kpɔwɔ kɔlɔn a nwɛ̨ąą, da hiɛ kulɔ nuą ɓɛ lɔi mɛ̨i.

Zĩi 1:1

Ɲą́ą́ Ɉakə, Yálá ŋą tímun da Ną́mu Jesus Kristə, gáá ɉɛɓɛ́i ŋɛ̨i tɛɛi Israɛlə nu huwu pow kɔw hveelɛi ɓa, diɛi, di taɠa-taɠaa yɛnɛ̨ɛ̨ nąą kəlee; gáá ká túwɔ́ ɓoi.

Piɛrə dɔlɔɔ 2:11

Nwɛ́likɛmąą nuą, gáá ká hvaŋąlɔ, káái yɛ tɛɛ nuą da nwɛ̨ąą, 'ka hvo ká ɲɛ̨i kulɔ yɛnɛ̨ɛ̨ hɛn da pɔ, yai a kɔ́ pɛlɛ nu nįį ɓa.

Piɛrə veelɛ 1:1

Ɲą́ą́ Simɔn Piɛrə, Jesus Kristə nwɔ luwɔ da nwɔ kɛla, gáá ɉɛɓɛ́i ŋɛ̨i tɛɛi nuąi daa laa na laa hɔlɔɓo yii viɛlaɓoɔ yɛ bələi ŋɛ̨i ku wɛi kaa la, diɛi ɉɔlɔɓo guɔ Yálá da gu Nwun mąąɓomun Jesus Kristə di wɔ tələnmolaa hu, diɛ.

M̀ɛni-lɛɛi 1:11

yɛ kɛ mą: «Mɛ̨nįɠaa tii ə́ kaa gaai, 'bɛ̨ɛ̨ hɛɓɛ́ ta hu, ə́ dɛɛ gbɔn ɉeei mɛ̨ihveelɛi ɓa: Efɛsə, Smirnə, Pɛrgamə, Tiatirə, Sardɛsə, Filadelfi da Laodise.»