Zɔ̂ŋ Maa-ŋuŋ 1:1 - Yálá laawoo hɛɓɛ (dc)

¹ Yii wɔlɔ kɛ laa a gɔwɔ tɔɔ yələ yai ku mɛ̨n, yai ku gaa a ku ɲɛ̨i kɔw, yai ku mąąkpɛɛ, ɛlɛɛ, ku yee ə tunwɔ̨n mą, yai a Wooi a yɛnɛ̨ɛ̨ tɛɛ,

Yálá laawoo hɛɓɛ

¹ Yii wɔlɔ kɛ laa a gɔwɔ tɔɔ yələ yai ku mɛ̨n, yai ku gaa a ku ɲɛ̨i kɔw, yai ku mąąkpɛɛ, ɛlɛɛ, ku yee ə tunwɔ̨n mą, yai a Wooi a yɛnɛ̨ɛ̨ tɛɛ,

Bible

¹ È pîlaŋ vúlu-laa-wooi ma, nyíi kɛ̀ naa é kúla gɔ́ɔ pîlanii, nyíi kwa mɛni, kwa gáa a kúŋɛi-gao, kwa m̀aa kpɛ́ɛ, kwa lɛɣɛ m̀a a kúyee.

Zɔ̂ŋ Maa-ŋuŋ 1:1 Kruisverwysings

Azaya 41:4

Gbɛɛ ɓə a mɛ̨nį taaləi tii kɛ? Hvo kɛli nui nu huwu kəlee təli a gɔwɔ tɔɔi lɔwai, Ɲą́ą́, gáá a Yai-Laa, a dɔlɔɔ, bələ lɔ ɓə nwɔ̨nɔ̨ gáá pai kɛi laa ɲąąkpɛɛi lɔwai; ɲą́ą́ ɓə.

Mise 5:2

Yili ɓə pai gɛi, Yai-Laa yɛ pa ɲee kulɔi di mu, ə lɛɛ ɉu, nɛ̨ɛ̨nui mąąnɛ̨ɛ̨ ə non tii kaa, ŋą lon tii kaa yələ yɛ ɉəli. Nąąlɔwai, nąn nonnii yiiɠaai pai lɛɛi, di kaa pai pənəi di laŋąn Israɛlə lonnii diɛ.

Lukə 1:2

Yɛ bələi nuą mɛ̨nįɠaai tii kaa a di ɲɛ̨ikɔw, ə həɠə gɔwɔ tɔɔi lɔwai ɓa, ə həli la yiihu ɓa diɛi mąąnɛ̨ɛ̨ di Yálá laawoo laa həli, yɛ bələi diɛ kpinįi di ɉukulɔ la.

Lukə 24:39

Ka ɲééɠaa da gɔ́wɔ́ɠaa kaa, ɲą́ą́ Jesus ɲą́ą́ li! Ka ka yee hee mą́ą́ ka gaa. Mąąhɔlɔɓo, haaŋąmu nwɛi, gɔlɔ hvo mą, ə lɛɛ, gɔw hvo ɉu yɛ pələi ŋɛ̨i gáá la.»

Ɉaan 19:35

Nui mɛ̨nįi ŋɛ̨i nąą kaa, ya ɓə mąą kɛla hvaa ɓoi; mɛ̨nįi tii yaan ə mo, gaa a tɛ̨ą. Ə gɔlɔn yɛ tɛ̨ą ka tii ə mo, ya ɓə a gɛ kaa kpɛli ka laa na.

Ɉaan 20:27

Yili pulu Jesus yɛ Tomasə ɓa: «'Ə́ yeekpiɛ lɛɠɛ ɓɛ, ə́ ɲéé ɲąɠaa kaa, ə́ laa na laa kɛ.»

Ɉaan 5:26

Mąąhɔlɔɓo, bələi lɔ yɛnɛ̨ɛ̨ kaa la Nąn ɉu, bələ lɔ ɓə Ə mąąlaa tɛɛ la Non bɔ.

Ɉaan 8:58

Jesus yɛ diɛ: «A tɛ̨ą kpɔ-kpɔ gáá moi kaa, gɛɛ Abrahamə hvo kɛ hɔlɔɓo a lon, ɲą́ gbɛa kɛ laa.»

Gɛlaɠaa 1:3

Ɉaa pulu, a kulɔ haaɓɛlaa lɔwai, ə gbɔɔ lɛ nwɔ kɛlaɠaa diɛ a pələ huwu tamąą, hvóló pow nąąn ɲee mu, ə gɛ, di nwun mɛ̨nį kaa a tɛ̨ą, yɛ di kalan a Yálá ŋą tɔɔlaa mąą mɛ̨nį.

Gɛlaɠaa 4:20

Kɛlaa, ku wɛi yii ku mɛ̨n, yii ku gaa, ku hvo pai lənəi yili ɓo mɛ̨nį ɓa.

Hebreu 2:3

gu hvomun kɛ nwun mąąɓo wɛlɛi ŋɛ̨i, naa həliɛ ə gɔwɔ tɔɔ gu Nąmu yəi, gu ŋą tɛ̨ą mɛ̨nį mɛ̨n, lə takpɛli ɓə kɛa a pɛli gu kulɔi nwun napili yəi, akɛ gwa ɲagban naa kulɔ?

Zɔ̂ŋ Maa-ŋuŋ 4:14

Ku wɛi, kwa mąą kɛla hvaa ɓo, kuɔ, ku gaa, ɛlɛɛ, kuɔ, Nąn ə Non dɔɔ, ə kɛ a yɛnɛ̨ɛ̨ ɓalomun.

Zɔ̂ŋ Maa-ŋuŋ 5:7

Di kaa haaɓa diɛ mɛ̨nįi tii mąą kɛla hvaa ɓo,

M̀ɛni-lɛɛi 1:11

yɛ kɛ mą: «Mɛ̨nįɠaa tii ə́ kaa gaai, 'bɛ̨ɛ̨ hɛɓɛ́ ta hu, ə́ dɛɛ gbɔn ɉeei mɛ̨ihveelɛi ɓa: Efɛsə, Smirnə, Pɛrgamə, Tiatirə, Sardɛsə, Filadelfi da Laodise.»

M̀ɛni-lɛɛi 1:8

Ɲą́ą́ ɓə a dɔlɔɔ, ɛlɛɛ, a gbɛlai, Hééɓo laa Kəlee Nąmu Yálá woo li! Yai kɛ laa, yai laa Yiihu, ɛlɛɛ, yai pai, yai a Hééɓomun.

M̀ɛni-lɛɛi 19:13

Həɠə kwɛaa ta ə kɛ gwąną, daa nɔ ɲąmą hu, ɛlɛɛ, naa ɓaa kɛ a: «Yálá laawoo.»

M̀ɛni-lɛɛi 2:8

Malakai gbɔn nwun na Smirnə, hɛɓɛ́ kɛ ə dɛɛ mą: «Dɔlɔɔ da Gbɛla mąą, woo ka, yai di baa, kɛlaa, ə pənə ə kɛ a vúlú, yɛ: