Tito 1:11 - Lalang Hu Dios

¹¹ Saini ha mga etawa kinahanglan ha ipahagteng gayed ta iyan sidan pakabengkag hu mga pamilya tumenged taena ha pagtudlù dan hu hurà dan ngaay duun katenged, ta tagbuhaten dan haena ta daw magsapian sidan.

Tito 1:11 Kruisverwysings

Mateo 23:13

“Kahid-u nuy gayed sinyu sa mga manunudlù hu Kasuguan daw mga Parisiyu ha bà dà tagpasibù-sibù. Harì kaw agkabayà ha maharian kaw hu Dios daw saena ha agkabayà ngaay agbaldengen nuy.

Lucas 20:40

Inikagi dan haena ta hurà en kandan nakaamel hu pagpanginginsà kandin.

Juan 10:12

Sa tagbantay ha bà dà sinuhuli kenà iyan tag-iya hu mga karniru. Aman ku makaahà hu agpamangaen hu mga karniru bà din dà ag-awai haena sa mga karniru. Dayun su agpamangaen hu mga karniru ipagsusuwayà din sidan.

Roma 3:19

Natun-an taw en ha sa Kasuguan iyan migpadayag hu salà taena ha sakup duun. Pinaagi hu Kasuguan natun-an taw ha hurà gayed makaikagi ha harì angayan ha silutan ta sa alan suminupak hu Dios.

2 Corinto 11:10

Tumenged ta natun-an ku sa kamatuuran mahitenged ki Cristo ag-ikagiyan ku inyu ha sa pagpagalbu ku harì gayed mabalhin ta harì a gayed manayù duun hu bisan sin-u diyan ta prubinsya ta Acaya.

1 Timoteo 5:13

Daw kenà iyan dà haena ta mabuhat sidan ha pugulen daw sigi dà magpanumbalayà, magpangitukà daw maglabet-labet duun hu duma na maikagi dan sa kenà maayad ha ag-ikagiyen.

1 Timoteo 5:4

Ba saena ha balu ku amin din mga batà daw ku mga apù ba, tudluan nu sidan ha katengdanan dan gayed sa pag-alima taena ha laas dan, ta iyan en haena bales dan kandin daw iyan agkabayaan hu Dios.

1 Timoteo 6:5

Sigi sidan tagsawalà tumenged ta migdaet en sa henà-henà dan daw nabutawanan dan en sa kamatuuran ta abi dan ha sa pagsunud hu Dios iyan en ipagsapian dan.

2 Timoteo 2:18

nakasuway en duun hu kamatuuran. Kagi dan ha nabanhaw en sa mga minatay aman pinaagi taena dinaet dan sa pagtuu hu duma.

2 Timoteo 3:6

Sa duma kandan taglatun-latun duun hu mga balay daw panlimbung hu mga bahi ha agkasamuk tumenged ta madakel sa mga salà dan daw madalì dà sidan agkauwit duun hu mga madaet.

Tito 1:7

Tumenged ta saini sinaligan duun hu buluhaten hu Dios kinahanglan hurà ikasaway kandin. Harì tagpalabaw-labaw daw kenà madalì mapauk, kenà daan palainum hu binu, kenà mapasipalahen daw harì tag-agpas ha magsapian.

Tito 1:9

Kinahanglan pangesegan din sa kamatuuran ha intudlù en ha kasaligan ta daw madasig din sa duma ha mga etaw pinaagi hu laus ha tinuuwan, daw saena ha agsupak hu kamatuuran agsaysayan din ta daw matun-an dan ha nasayep sidan.

Tito 3:10

Ku amin diyan sigi dà pakigsawalà ta daw mabengkag sa mga tumutuu baldenga nu haena. Ku harì magpaliliman baldenga nu hu ikaduwa. Ba ku harì pa gayed tumuu ikaw bay-anan nud en