Roma 1:9 - Lalang Hu Dios

⁹ Sa Dios ha iyan tag-alagaran ku pinaagi hu pagsangyaw hu Maayad ha Tultulanen mahitenged hu Batà din natun-an din en haini ha sigi ku gayed inyu taghenhenaen duun hu mga pag-ampù ku.

Roma 1:9 Kruisverwysings

Marcos 1:1

Iyan haini puunaan hu Maayad ha Tultulanen mahitenged ki Cristo Jesus sa Batà hu Dios.

Lucas 18:1

Inikagiyan hi Jesus sa mga tinun-an din taini ha pananglitan ta daw matun-an dan ha kinahanglan gayed ha harì sidan magluya hu pag-ampù.

Mga Buhat 12:5

Aman binantayan gayed haena diyà ta prisuhan. Ba sa mga tumutuu naniguru gayed hu pag-ampù duun hu Dios mahitenged kandin.

Mga Buhat 19:21

Su maiwas haena nakahenà-henà si Pablo ha umagi diyà ta Macedonia daw ta Acaya daw dayun diyà ta Jerusalem. Uminikagi pa, “Ku maiwas haena agdiyà a pa daan ta Roma.”

Mga Buhat 24:14

Ba ag-ikagiyen ku ikaw ha sa Dios ha iyan sinimba hu mga gin-apuan day tagsimbahen ku daan ta suminunud a hu tinuuwan mahitenged ki Jesus, ba kagi dan ha saena bidù dà. Ba tinuuwan ku gayed sa Kasuguan daw sa insulat hu mga prupita

Mga Buhat 27:23

Ta ganina ha daleman sa Dios ha Magbabayà ku daw iyan tag-alagaran ku minikagi kanak pinaagi hu balinsuguen din

Mga Buhat 3:26

Aman iyan kuy nauna ha pinaelegan hu Dios ki Jesus ta daw mapanalanginan kuy pinaagi hu pag-endà taw hu madaet ha mga buhat.”

Roma 9:1

Tumenged hu pagpakigsabuwa ku ki Cristo saini ha tag-ikagiyen ku laus gayed. Sa henà-henà ku ha ginaheman hu Balaan ha Ispiritu tag-ikagi ha saini kenà gayed bidù

2 Corinto 1:23

Natun-an gayed hu Dios ha sa hinengdan ha hurà a makadiyan ta Corinto ta daw harì kaw masakitan pinaagi hu igsaway ku inyu.

2 Corinto 11:31

Sa Dios ha iyan Amay hi Jesus ha Ginuu ha iyan tagdayeen hu hurà din katapusan nakatuen ha harì a tagbidù.

Galacia 1:20

Saini ha pigsulat ku diyan ta inyu natun-an hu Dios ha laus gayed.

Efeso 6:18

Duun hu bisan inu ha panahun mag-ampù kaw pinaagi hu Balaan ha Ispiritu daw hangyua nuy sa bulig hu Dios. Magpangandam kaw gayed daw harì kaw umendà hu pag-ampù mahitenged hu alan ha tumutuu.

Filipos 1:3

Tagpasalamat a duun hu Dios kada mahenà-henà ku inyu daw igkalipay ku gayed sa pag-ampù inyu tumenged hu pagbulig nuy kanak pagsangyaw hu Maayad ha Tultulanen sugud dà su makatuu kaw hangtud en iman.

Filipos 2:22

Ba natun-an nuy en sa kinaiya hi Timoteo daw iling haini hu batà ku ha tagbulig kanak pagsangyaw hu Maayad ha Tultulanen.

Filipos 3:3

Ba iyan kuy laus ha batà hu Dios ta sinimba taw sa Dios pinaagi hu Balaan ha Ispiritu ha sinugù din daw igkalipay taw iman sa pagpakigsabuwa taw ki Cristo Jesus. Kenà taw iyan sinaligan sa kalibutanen ha mga tulumanen

1 Tesalonica 1:2

Sigi kay tagpasalamat duun hu Dios ha Amay taw mahitenged inyu. Ku tag-ampù kay agkahenhenaan day sa mga buhat nuy ha iyan timaan hu pagtuu daw sa pagpaniguru hu pagtrabahu tumenged hu pagpalanggà nuy kandin daw sa pagkamainantusen tumenged hu hinam nuy ha aglikù dà gayed si Cristo Jesus ha Ginuu taw.

1 Tesalonica 3:10

Sigi day gayed tig-ampù ha makag-ahaay kuy dà ta daw matudluan kaw pa gayed daw malig-enan sa pagtuu nuy.

1 Tesalonica 5:17

daw harì kaw tagluya hu pag-ampù.

1 Timoteo 2:7

Iyan haini hinengdan ha pinilì a kandin ha apustul duun hu kenà mga Judio ta daw makatuu sidan pinaagi hu pagsangyaw daw pagpanudlù ku hu kamatuuran. Laus gayed haini sa inikagi ku.

2 Timoteo 1:3

Sa Dios ha tag-alagaran ku hu himpit ha henà-henà iling hu mga gin-apuan ku sigi ku tagpasalamatan ku tag-ampù a daw tagkahenà-henà ku ikaw.

Filemon 1:4

Sigi ku tagpasalamatan sa Dios ku agkahenà-henà ku ikaw duun hu pag-ampù ku