Lucas 9:12 - Lalang Hu Dios

¹² Su panday en agkahapun inikagiyan si Jesus hu mga tinun-an din, “Sugua nud en sa mga etaw ha mamanduun sidan hu ubayà ha mga banuwa ta daw makapan-ahà sidan hu agkan-en dan daw hu matidugahan dan ta pinakabulung-bulung haini ha lugar.”

Lucas 9:12 Kruisverwysings

Mateo 14:13

Su mapaliman hi Jesus sa tultul mahitenged hu kamatayen hi Juan luminulan haena duun hu barutu ha iyan dà sidan hu mga tinun-an din daw duun hu pinakabulung-bulung ha lugar. Ba su mapaliman hu mga etaw ha tagtimà duun taena ha mga banuwa namanlupug sidan ki Jesus ba diyà sidan uminagi ta gaun.

Mateo 15:23

Ba si Jesus hurà en magtubag. Aman sa mga tinun-an din pinagayukan dan si Jesus, “Ipaawà hayana sa taglupugà kanuy ha bahi ta pinakauleg.”

Mateo 15:32

Inamul hi Jesus sa mga tinun-an din daw ikagiyi sidan, “Agkahid-uwan ku haini sa mga etaw ta tatulu en ha aldaw sa pagduma-dumahà dan kanuy daw hurà dan en gayed agkakaen. Harì ku agkabayaan ha ipaulì ku sidan ha hurà dan makaen ta kan ku tasien sidan diyà ta dalan.”

Lucas 9:11

Su matun-an haena hu kaet-etawan namanlupug sidan. Nahid-uwan sidan hi Jesus aman tinultulan din sidan mahitenged hu pagharì hu Dios daw naulian din daan sa agkangadaluwan.

Lucas 9:13

Ba tuminubag si Jesus, “Iyan kaw en mag-ila kandan hu pagkaen.” Uminikagi sidan, “Amin dini pagkaen ba lalima dà ha buuk ha supas daw daruwa dà daan ha buuk ha sedà. Agkabayà ka ba ha mamalit kay pa hu igpakaen taini ha mga etaw?”

Juan 6:1

Su maiwas haena luminayun si Jesus duun hu Danaw ta Galilea ha tagngaranan daan ta Tiberiades.

Filipos 1:19

Iman agkabayà-bayà a daan ta natun-an ku ha pinaagi hu pag-ampù nuy daw pagbulig hu Balaan ha Ispiritu ha sinugù hi Cristo Jesus makaguwà a dà dini ta prisuhan.