Lucas 2:7 - Lalang Hu Dios

⁷ Aman migbatà haena hu maama ha iyan kamagulangan ha batà din. Binungkusan din haena hu manggad daw iugsak duun hu balahugà hu mananap ta napunù en sa mga balay ha hulabungà.

Lucas 2:7 Kruisverwysings

Mateo 1:25

ba hurà gayed bul-ug mag-ubay duun ku asawa din su hurà pa haena magbatà. Su mauma sa panahun ha magbatà en si Maria su batà pigngaranan dayun hi Jose ki Jesus.

Mateo 13:55

Kenà ba batà man hayana hu panday daw sa inay din iyan man si Maria, sa mga suled din iyan si Santiago daw si Jose, si Simon daw si Judas,

Mateo 8:20

Ba tuminubag si Jesus, “Sa laku amin din tagtimaan daw sa mga tagbis amin dan daan mga dalagpuay, ba siak sa Batà hu Etaw hurà ku himlayà.”

Lucas 10:34

Aman inubayan din daw bulunga haena hu lana daw binu, dayun impalulan duun ku kabayu din daw uwita duun hu balay ha hulabungà daw alimahi duun.

Lucas 2:6

Su diyà en sidan ta Bethlehem iyan en daan haena panahun ha magbatà si Maria.

Lucas 2:8

Amin mga magbalantay hu mga karniru ha tagbantay su daleman duun hu panabtabà ha ubay diyà ta Bethlehem.

Juan 1:14

Saena ha Lalang migpakaetaw daw uminamul kanuy hu mababà ha panahun. Naahà day sa pagkagamhanan ha in-ila kandin hu Dios ha Amay din tumenged ta iyan bugtung ha Batà din. Saena maluluy-en gayed daw natun-an taw en diyà ta kandin sa kamatuuran.

2 Corinto 8:9

Natun-an nuy ku inu gayed sa grasya hi Cristo Jesus ha Ginuu taw. Bisan ku sapian diyà ta langit ba nabuhat ha makaluluuy para inyu ta daw pinaagi taena mabuhat kaw daan ha sapian.

Galacia 4:4

Ba su makauma en sa natugun ha panahun impadini hu Dios sa Batà din ta kalibutan ha imbatà hu bahi daw nasakup hu Kasuguan