Lucas 2:34 - Lalang Hu Dios

³⁴ Dayun inampuan sidan hi Simeon daw ikagiyi si Maria, “Saini ha batà nu pinilì hu Dios daw iyan haini hinengdan ha sa kaliwatan hi Israel amin duun maluwas daw sa duma masilutan daan. Amin mga timaan ha saini sinugù hu Dios ba tameyesen hu madakel ha mga etaw

Lucas 2:34 Kruisverwysings

Mateo 11:19

Siak sa Batà hu Etaw sa harì tagsalang hu pagkaen daw pag-inum kagi nuy paman, ‘Ahà kaw tayana ha agapan daw beleng-beleng, sa mga amigu din mga limbungan ha manunukut hu buhis daw mga masinupaken.’ Ba pinaagi hu maayad ha bunga hu mga buhat day napamatud-an ha hustu gayed sa mga paagi hu Dios.”

Mateo 12:46

Su kamulu pa si Jesus tag-ikagi duun taena ha madakel ha mga etaw nakauma si Inay din daw sa mga suled din ta amin dan ag-ikagiyen kandin, ba diyà dà sidan tagtiyadeg ta guwà.

Mateo 21:44

Saena ha makadaghà duun taini ha batu magebà gayed, daw saena daan ha mahulugan taini ha batu mabekbek gayed.”

Mateo 27:63

hu kagi dan, “Natiman-an day sa inikagi taena ha limbungan su bubuhay pa ha mabanhaw dà kun ku maiwas sa tatulu ha aldaw.

Lucas 2:35

ta pinaagi kandin madayag sa mga madaet ha henà-henà dan. Maglugul ka gayed mahitenged kandin ta saini kuntrahen hu kaet-etawan.”

Juan 3:20

Bisan sin-u sa tagbuhat hu madaet agtambag hu mapawà daw tagpadiyù duun ta agkahaldek ha matun-an sa mga buhat din ha madaet.

Juan 5:18

Tumenged taena su mga agalen naniguru gayed ha mapatay dan si Jesus, ta kenà iyan dà sa pagsupak din hu Kasuguan mahitenged hu Aldaw hu Paghimlay ba tag-ikagiyen din daan ha Amay din sa Dios daw inisip din sa kaugalingen din ha Dios en daan.

Mga Buhat 13:45

Ba su maahà haena hu mga Judio nasina sidan aman sinupak dan sa inikagi hi Pablo daw pigtameyes dan daan.

Mga Buhat 17:6

Ba hurà dan haena kaahà aman dinakep dan si Jason daw sa duma ha mga tumutuu daw isumbung duun hu mga upisyal taena ha banuwa daw nangulahì sidan, “Saini ha mga etaw mig-uwit hu kagubut duun hu bisan hindu daw iman nakadini en sidan ta kanuy,

Mga Buhat 24:5

“Natun-an day ha saini ha etaw samukan gayed ta iyan paka-uwit hu gubut hu mga Judio duun hu agpayanan-an din. Agalen haini hu mga etaw ha Nazareno

Mga Buhat 28:22

Ba agkabayaan day agpalilimani sa tinuuwan nu ta natun-an day ha sinupak haini duun hu bisan hindu.”

Mga Buhat 4:26

Sa mga harì duun taini ha kalibutan tagpangandam en hu sabà daw sa mga agalen mig-amul-amul daan hu pagpakigsabà hu Dios daw taena ha pinilì din hu pagharì.’

Mga Buhat 6:7

Aman nakalekep sa lalang hu Dios daw migdakel gayed sa mga tumutuu diyà ta Jerusalem daw madakel daan sa mga sinaligan hu paghalad ha tuminuu ki Jesus.

Roma 9:32

tumenged ta sa sinaligan dan iyan sa mga maayad ha buhat dan kenà iyan sa pagtuu ki Cristo Jesus. Aman nakasipà sidan duun hu batu ha iyan si Cristo Jesus

1 Corinto 1:23

Ba sa tigsangyaw day iyan si Cristo sa inlansang duun hu krus, saena agtambagan hu mga Judio daw ag-isipen daan haena hu kenà mga Judio ha bà dà binuang.

Hebreo 7:1

Saini si Melchizedek iyan harì ta Salem daw sinaligan haini hu paghalad duun hu Dios ha gamhanan daw Magbabayà hu alan. Su tag-ulì en si Abraham sa nakigsabà daw nadaeg din en sa mga harì, tinalagbù haen hi Melchizedek daw pigpanalanginan din.

Hebreo 7:7

Natun-an taw ha sa tagpanalangin labaw gayed dì hu agpanalanginan din.

1 Pedro 4:14

Magmalipayen kaw ku pagagayhaan kaw tumenged hu pagsunud nuy ki Cristo ta iyan haena timaan ha sa Balaan ha Ispiritu ha sinugù hu Dios didiyan en gayed ta inyu.