Lucas 2:15 - Lalang Hu Dios

¹⁵ Su lumikù en diyà ta langit sa mga balinsuguen su mga magbalantay hu mga karniru miglalang-lalang hu kagi dan, “Dumiyà kuy ta Bethlehem ta daw maahà taw haena sa impadayag kanuy hu Dios.”

Lucas 2:15 Kruisverwysings

Mateo 12:42

Sukmatan kaw daan asem hu silut taena ha rayna ta Sheba ta madiyù sa hinipanawan din hu pagpaliliman hu katudluanan hi Harì Solomon. Ba iman dini en sa matatau pa dì ki Solomon ba harì nuy agtuuwan.

Lucas 2:14

“Dayeen gayed sa Dios diyà ta langit daw magmalinawen sa mga etaw ha pakapalipay hu Dios dini ta kalibutan.”

Lucas 2:16

Aman uminagpas sidan hu paghipanaw daw naahà dan si Maria daw si Jose daw su batà ha in-ugsak duun hu balahugà.

Lucas 24:51

Su kamulu din pa sidan tagpanalangini nabatun haena payanaen diyà ta langit.

1 Pedro 3:22

ha duminiyà en ta langit daw duun iman tagpinuu hu kawanan hu Dios, daw iyan haena tagbayà hu mga balinsuguen hu Dios daw hu alan ha amin din kagahem diyà ta kalangitan bisan sa mga ginsakupan hi Satanas.