Lucas 2:14 - Lalang Hu Dios

¹⁴ “Dayeen gayed sa Dios diyà ta langit daw magmalinawen sa mga etaw ha pakapalipay hu Dios dini ta kalibutan.”

Lucas 2:14 Kruisverwysings

Mateo 21:9

Sa madakel ha mga etaw ha nakalibut diyà ki Jesus nangulahì ha tagyanaen, “Dayeen gayed sa Kaliwat hi David. Panalanginan haini sa nakauma ha sinugù hu Dios. Dayeen gayed sa Dios ha diyà ta langit.”

Lucas 19:38

“Panalanginan gayed sa Harì ha nakauma ha sinugù hu Dios. Malinawen iman sa pagdapità hu Dios daw hu mga etaw aman dayeen gayed sa Dios diyà ta langit.”

Lucas 2:13

Tigkan daan nakahiwal sa madakel ha mga balinsuguen ha tagdayè hu Dios ha tagyanaen,

Lucas 2:15

Su lumikù en diyà ta langit sa mga balinsuguen su mga magbalantay hu mga karniru miglalang-lalang hu kagi dan, “Dumiyà kuy ta Bethlehem ta daw maahà taw haena sa impadayag kanuy hu Dios.”

Lucas 3:22

daw migbulus diyà ta kandin sa Balaan ha Ispiritu ha agkailing hu salapati. Amin lageng ha napuun diyà ta langit ha tagyanaen, “Iyan en haini pinalanggà ku ha Batà ha tigkabayà-bayà ku.”

Juan 14:27

Igbilin ku sa kalinaw duun hu henà-henà nuy, sa kalinaw ha dini ta kanak iyan igbilin ku inyu. Sa mga etaw ha harì agtuu kanak hurà dan kalinaw ha iling taena. Aman harì kaw masamuk daw harì kaw en mahaldek.

Juan 17:4

Dini ta kalibutan dinayè ku ikaw ta napengahan kud sa impabuhat nu kanak.

Juan 3:16

“Palanggà gayed hu Dios sa alan ha kaet-etawan aman in-ila din sa bugtung ha Batà din ta daw sa alan ha tumuu taena harì en masilutan ba mailahan hu kinabuhì ha hurà din katapusan.

Mga Buhat 10:36

Sa Maayad ha Tultulanen ha insangyaw kanay sikay sa mga kaliwatan hi Israel iyan haini sa magmalinawen kuy pinaagi ki Cristo Jesus sa Ginuu hu alan.

Roma 5:1

Iman tumenged ta inisip kuy hu Dios ha matareng pinaagi hu pagtuu taw malinawen en gayed sa pagdapità taw hu Dios pinaagi ki Cristo Jesus ha Ginuu taw.

Efeso 1:6

Aman dayeen gayed sa Dios tumenged hu adagi ha grasya ha in-ila din kanuy pinaagi hu pagpakigsabuwa taw hu pinalanggà din ha Batà.

Efeso 1:9

Pinaagi hu katatau daw hu pagsabut ha in-ila hu Dios impadayag din kanuy sa inlilung ha nahenà-henà din su anay sumalà hu katuyuan din ha agtumanen pinaagi ki Cristo.

Efeso 2:4

Ba tumenged hu adagi ha kahid-u daw pagpalanggà kanuy hu Dios,

Efeso 2:7

ta daw makapadayag din sa harì masukud ha grasya din kanuy hu hurà din katapusan pinaagi hu pagkamaluluy-en din tumenged ki Cristo Jesus.

Filipos 2:11

daw sa alan makaikagi ha si Cristo Jesus na Ginuu gayed hu alan daw pinaagi taena madayè sa Dios ha Amay din.

Filipos 2:13

ta iyan sa Dios magbulig inyu ta daw mabayaan daw mabaluy nuy daan sa pagtuman hu agkabayaan din.

Colosas 1:20

daw pinaagi hu langesa din ha tuminugà duun hu krus nakalikù sa maayad ha pagdapità hu Dios daw hu bisan inu dini ta kalibutan daw diyà ta langit.

2 Tesalonica 2:16

Si Cristo Jesus ha Ginuu daw sa Dios ha Amay taw maglipay daw magpalig-en inyu ta daw maayad gayed sa alan ha mabuhat daw maikagi nuy, ta pinalanggà kuy kandin daw pinaagi hu grasya din inilahan kuy en kandin hu hurà din katapusan ha kalipay daw hu adagi ha hinam.

Impadayag 5:13

Daw napaliman ku daan sa alan ha tinanghagà diyà ta langit daw dini ta kalibutan, diyà ta Kamatayan daw ta dagat ha tagkanta ha tagyanaen, “Saena ha tagpinuu duun hu trunu daw sa Nati ha Karniru dayeen daw tahuren daan hu hinangturan tumenged ta iyan gayed sidan gamhanan.”