Lucas 11:2 - Lalang Hu Dios

² Aman minikagi si Jesus, “Ku mag-ampù kaw ilingen nuy taini, ‘Amay day, tahuren gayed sa ngaran nu. Harii kay ikaw

Lucas 11:2 Kruisverwysings

Mateo 10:32

“Bisan sin-u haena sa ag-angken kanak duun hu mga etaw angkenen ku daan duun hu Amay ku diyà ta langit.

Mateo 3:2

ha tagyanaen, “Hinulsuli sa mga salà nuy ta madani en sa pagharì hu Dios kanuy.”

Mateo 5:16

Aman ipasiga gayed sa sulù nuy ta daw maahà hu mga etaw ha maayad sa mga buhat nuy dayun madayè dan sa Dios ha Amay nuy diyà ta langit.

Lucas 11:1

Amin aldaw ha mig-ampù si Jesus duun hu sabuwa ha lugar. Su makapenga en haena inikagiyan hu sabuwa ha tinun-an din, “Ginuu, tudlui kay hu pag-ampù iling ki Juan Ha Tagpamautismu ha tinudluan din sa mga sumusunud din.”

Roma 1:7

Sinulatan ku inyu sa diyan ta Roma ha mga pinalanggà hu Dios daw hinimu din ha mga etaw din. Sa Dios ha Amay taw daw si Cristo Jesus ha Ginuu mag-ila inyu hu grasya daw kalinaw.

Roma 8:15

Sa Balaan ha Ispiritu ha impaulin inyu mighimu inyu ha harì kaw mahaldek hu Dios iling hu ulipen ta binuhat kaw kandin ha laus ha mga batà hu Dios. Makapangumaw kuy en hu Dios ha Amay taw

1 Corinto 1:3

Sa Dios ha Amay taw daw si Cristo Jesus ha Ginuu mag-ila inyu hu grasya daw kalinaw.

2 Corinto 1:2

Sa Dios ha Amay taw daw si Cristo Jesus ha Ginuu mag-ila inyu hu grasya daw kalinaw.

Galacia 1:4

Inhalad hi Cristo Jesus sa kaugalingen din tumenged hu mga salà taw ta daw maluwas kuy duun hu madaet dini ta kalibutan iman sumalà hu agkabayaan hu Dios ha Amay taw.

Efeso 1:2

Sa Dios ha Amay taw daw si Cristo Jesus ha Ginuu mag-ila inyu hu grasya daw kalinaw.

Filipos 1:2

Sa Dios ha Amay taw daw si Cristo Jesus ha Ginuu mag-ila inyu hu grasya daw kalinaw.

Filipos 4:20

Dayeen gayed sa Dios ha Amay taw hu hurà din katapusan.

Colosas 1:2

Sinulatan day inyu sa mga etaw hu Dios diyan ta Colosas ha mga matinumanen ha suled day tumenged hu pagpakigsabuwa taw ki Cristo. Sa Dios ha Amay taw mag-ila inyu hu grasya daw kalinaw.

1 Tesalonica 1:1

Iyan a si Pablo sa migsulat taini duma ki Silas daw ki Timoteo. Sinulatan day inyu sa tagkaamul-amul ha mga tumutuu diyan ta Tesalonica ha nasabuwa duun hu Dios ha Amay taw daw diyà ki Cristo Jesus ha Ginuu. Sa Dios mag-ila inyu hu grasya daw kalinaw.

2 Tesalonica 2:16

Si Cristo Jesus ha Ginuu daw sa Dios ha Amay taw maglipay daw magpalig-en inyu ta daw maayad gayed sa alan ha mabuhat daw maikagi nuy, ta pinalanggà kuy kandin daw pinaagi hu grasya din inilahan kuy en kandin hu hurà din katapusan ha kalipay daw hu adagi ha hinam.

Impadayag 11:15

Su ikapitu ha balinsuguen hu Dios mighiyup hu kandin ha trumpita. Napaliman ku sa mga madaging ha lageng diyà ta langit ha tagyanaen, “Sa kagahem hu pagharì duun hu kaet-etawan kandin dà hu Dios ha Magbabayà day daw kandin daan hu Misiyas ha pinilì din ha magharì hu hinangturan.”

Impadayag 15:4

Talahuren ka hu alan ha mga etaw daw dayeen sa pagkagamhanan nu ta iyan ka dà gayed balaan. Agsimbahen ka hu alan ha kaet-etawan ta naahà dan sa mga buhat nu ha matareng.”

Impadayag 19:6

Dayun napaliman ku sa iling hu mga etaw ha tungkay magulub daw iling hu dagulus hu kahulugan daw iling hu dagsang ha tagkulahì ha tagyanaen, “Dayeen sa Dios ha gamhanan daw Magbabayà hu alan ta iyan en tagharì.

Impadayag 20:4

Naahà ku daan sa mga trunu ha sa tagpipinuu duun pinan-ilahan hu katenged ha maghukum. Daw naahà ku pa gayed daan sa gimukud ku mga etaw ha pinamungulan tumenged hu pagpanunultul dan hu lalang hu Dios daw hu kamatuuran ha intudlù hi Jesus. Iyan haena sidan hurà simba ku mananap daw taena ha larawan din daw hurà daan kaugsaki sa mga tangad dan daw sa alima dan hu timaan taena ha mananap. Duun taena nangabanhaw sidan daw migharì duma ki Cristo hu nangkalibu ha tuig.