Juan 7:3 - Lalang Hu Dios

³ minikagi sa mga suled hi Jesus diyà ta kandin, “Dumuun ka taena ha agsaulugen diyà ta Judea ta daw maahà hu mga sumusunud nu sa mga belenganen ha tagbuhaten nu.

Juan 7:3 Kruisverwysings

Mateo 12:46

Su kamulu pa si Jesus tag-ikagi duun taena ha madakel ha mga etaw nakauma si Inay din daw sa mga suled din ta amin dan ag-ikagiyen kandin, ba diyà dà sidan tagtiyadeg ta guwà.

Marcos 3:21

Su mapaliman haena hu mga kadumahan din inelegan dan ta agtimuen dan ngaay, ta sa mga etaw tag-ikagiyà ha agkalibeg en si Jesus.

Marcos 3:31

Nakauma si Inay hi Jesus daw sa mga suled din. Diyà dà sidan tagtiyadeg ta guwà daw pinaelegan dan si Jesus.

Lucas 8:19

Nakauma sa inay hi Jesus daw sa mga suled din ha maama ta agkabayà pakig-ahà kandin, ba hurà sidan makaubay diyà ta kandin tumenged ta madakel tungkay sa mga etaw.

Lucas 8:20

Amin etaw ha uminikagi diyà ki Jesus, “Si Inay nu daw sa mga suled nu diyà tagtiyadeg ta guwà ta agkabayà kun sidan pakig-ahà ikaw.”

Juan 2:2

daw inimbita daan si Jesus daw sa mga tinun-an din.

Juan 6:60

Su mapaliman haena hu mga sumusunud hi Jesus madakel kandan sa tag-ikagi, “Malegen taw gayed madawat sa intudlù din. Sin-u gid sa tumuu duun?”

Juan 6:66

Sugud taena madakel sa mga sumusunud din ha suminuway dà daw hurà en isab duma kandin.

Juan 7:10

Ba su humipanaw en su mga suled din luminupug dà si Jesus kandan, ba hurà duma hu mga etaw ta daw harì dan matun-an.

Juan 7:4

Ta sa etaw ha agkabayà ku mabantug harì din gayed igheles sa mga buhat din. Tumenged ta tagbuhat ka hu mga belenganen maayad ha ipaahà nu haena duun hu kaet-etawan.”

Juan 7:5

Inikagi dan haena ki Jesus ta harì dan agtuuwan bisan ku tungkay dan en ha suled.

Mga Buhat 2:14

Huminitindeg si Pedro duma hu sampulù daw sabuwa ha apustulis daw minikagi hu madaging ha tagyanaen, “Sinyu sa duma ku ha Judio daw sa alan ha tagtimà iman dini ta Jerusalem, magpaliliman kaw.