Juan 7:1 - Lalang Hu Dios

¹ Su maiwas haena duminayun si Jesus duun hu mga banuwa ha sakup ta Galilea. Tinuyù din gayed ha makadiyù diyà ta prubinsya ta Judea ta natun-an din ha aghimatayan diyà hu mga agalen hu Judio.

Juan 7:1 Kruisverwysings

Mateo 10:23

Ku pasipalahan kaw kandan duun hu sabuwa ha banuwa pulaguy kaw duun hu lain. Laus gayed sa ag-ikagiyen ku inyu ha harì nuy pa makalekep sa Maayad ha Tultulanen diyà ta Israel lumikù ad en siak sa Batà hu Etaw.

Mateo 21:38

“Ba su maahà haena ku mga sinaligan miglalang-lalang sidan, ‘Iyan en haini batà hu tag-iya. Himatayan taw ta daw maangken taw en haini sa parasan.’

Marcos 11:18

Su mapaliman haena hu mga labaw ha sinaligan hu paghalad daw hu mga manunudlù hu Kasuguan, nan-ahà sidan hu paagi ha mapatay dan si Jesus ta agkahaldekan dan haena tumenged ta nangabeleng gayed sa kaet-etawan hu katudluanan din.

Juan 1:19

Iyan haini intultul hi Juan su suguen hu mga agalen ta Jerusalem sa mga sinaligan hu paghalad daw sa mga kaliwat hi Levi ha mga magbubulig dan ha dumiyà ki Juan ta daw mainsaan dan ku sin-u.

Juan 4:54

Ikaduwa haena ha belenganen ha nabuhat hi Jesus sugud hu paglikù din diyà ta Galilea ha napuun ta Judea.

Juan 6:1

Su maiwas haena luminayun si Jesus duun hu Danaw ta Galilea ha tagngaranan daan ta Tiberiades.

Juan 7:11

Duun taena ha agsaulugen pinan-ahà si Jesus hu mga agalen hu Judio aman in-insà dan ku hindu en duun.

Juan 7:13

Ba bà dà sidan tagmuya-muya ta agkangahaldek sidan hu mga agalen hu Judio.

Juan 7:19

Si Moises mig-ila inyu hu Kasuguan ba hurà bisan sabuwa inyu ha tagtuman taena. Ta ku tagtuman kaw pa hu Kasuguan harì nuy ngaay mahenhenaan ha himatayan a inyu.”

Juan 7:25

Su mapaliman hu mga taga-Jerusalem haena sa inikagi hi Jesus sa duma kandan minikagi, “Kenà ba iyan haini su etaw ha tagpan-ahaen hu mga agalen ta aghimatayan dan?

Juan 7:35

Migpainsaay sa mga agalen hu Judio, “Hindu gid diay duun agpayanaen imbà taw harì agkatulen? Iyan ta ku agduun hu mga Griego ha mga etaw ha diyà daan tagtimà sa mga duma taw ha Judio ta agtudluan din daan sidan.

Juan 8:37

Natun-an ku ha mga kaliwatan kaw hi Abraham ba bà a dà paman inyu aghimatayi ta harì nuy agdawaten sa tigtudlù ku.

Juan 8:40

Sa tagbuhaten ku iyan dà sa pagtudlù inyu hu kamatuuran ha inikagi kanak hu Dios ba bà a dà paman inyu aghimatayi. Si Abraham hurà magbuhat hu iling taena.

Mga Buhat 10:38

ha pigpaulinan hu Dios si Jesus ha taga-Nazareth hu Balaan ha Ispiritu daw ginaheman din. Aman migduun-duun si Jesus hu mga banuwa daw binuligan din sa taglised daw naulian din daan sa pinasipalahan hi Satanas ta sa Dios tagduma gayed kandin.