Juan 4:25 - Lalang Hu Dios

²⁵ Tuminubag su bahi, “Natun-an ku ha makauma ku malugay sa Misiyas ha tagngaranan daan ki Cristo. Ku makauma en haena isaysay din kanuy sa alan.”

Juan 4:25 Kruisverwysings

Mateo 1:16

Si Jacob amay hi Jose ha iyan asawa hi Maria ha inay hi Jesus. Si Jesus iyan tagngaranan ki Cristo.

Mateo 27:17

Aman su maamul-amul en sa mga etaw ininsaan sidan hi Pilato, “Sin-u sa agkabayaan nuy ha libriyen ku? Iyan ba si Barabas daw ku iyan ba si Jesus sa tagngaranan daan ki Cristo?”

Mateo 27:22

Nanginginsà dà paman si Pilato, “In-inuwen ku diay si Jesus sa tagngaranan daan ki Cristo?” Alan sidan tuminubag, “Ilansang hayana duun hu krus.”

Lucas 2:11

Diyà iman ta Bethlehem sa banuwa hi David imbatà en sa Manluluwas hu kaet-etawan ha iyan si Cristo ha Ginuu.

Juan 1:49

Dayun uminikagi si Natanael, “Manunudlù, iyan ka gayed Batà hu Dios. Iyan ka haena sa tagsalapen day ha magharì hu mga kaliwatan hi Israel.”

Juan 4:29

“Naahà kud labi su etaw ha natun-an din sa alan ha mga binuhat ku, aman diyà kuy en ta daw maahà nuy. Iyan en gid haena su Misiyas?”

Juan 4:39

Madakel ha mga taga-Samaria duun taena ha banuwa sa nakatuu ki Jesus pinaagi hu inikagi ku bahi, “Natun-an hi Jesus sa alan ha mga binuhat ku.”

Juan 4:42

Inikagiyan dan haena sa bahi, “Sa igpakatuu day kenà iyan dà sa intultul nu kanay ba napaliman day gayed sa lalang din daw natun-an day ha iyan en gayed Manluluwas hu kaet-etawan.”