Juan 3:8 - Lalang Hu Dios

⁸ Sa kalamag duun agpayanaen bisan hindu daw agkapaliman ta sa lageng din ba harì taw agkatun-an ku hindu napuun daw ku hindu duun agpayanaen, iling daan tayan sa alan ha etaw ha imbatà duun hu Balaan ha Ispiritu.”

Juan 3:8 Kruisverwysings

Juan 1:13

Sa ingkabuhat dan ha mga batà hu Dios harì agkailing hu kalibutanen ha paagi daw kenà daan tumenged hu pagbayà hu etaw ta pinaagi gayed hu Dios.

Juan 3:7

Harì ka mabeleng taena ha inikagi ku ikaw, ‘Kinahanglan ha iisab kaw dà ibatà.’

Juan 3:9

Nanginginsà si Nicodemo, “In-inuwen man hayana?”

Mga Buhat 2:2

Tigkan nakauma sa daheneg ha napuun ta langit iling hu maseleg ha kalamag duun ku balay ha duun sidan mig-amul-amul.

Mga Buhat 4:31

Su makapenga sidan mag-ampù nahuyung su balay ha pig-amul-amulan dan. Dayun inulinan sidan hu Balaan ha Ispiritu aman hurà dan en gayed kahaldek hu pagpanunultul hu lalang hu Dios.

1 Corinto 12:11

Saini alan duun napuun hu Balaan ha Ispiritu ha in-ila hu kada sabuwa sumalà hu pagbayà hu Dios.

1 Corinto 2:11

Henhenaa nuy ha sa etaw iyan dà nakatuen hu kaugalingen din. Iling daan sa Balaan ha Ispiritu ha iyan dà nakatuen hu henà-henà hu Dios.

1 Juan 2:29

Tumenged ta natun-an nuy en ha si Jesus matareng gayed natun-an nuy en daan ha sa alan ha tagbuhat hu matareng iyan mga batà din.