Juan 3:10 - Lalang Hu Dios

¹⁰ Tuminubag si Jesus, “Matatau ka ha manunudlù duun hu mga kaliwatan hi Israel, imbà nu man harì agkasabut sa tag-ikagiyen ku?

Juan 3:10 Kruisverwysings

Mateo 11:25

Duun taena ha panahun mig-ampù si Jesus, “Amay ku ha Magbabayà hu alan diyan ta langit daw dini ta kalibutan, adagi sa pagpasalamat ku ikaw ta sa inlilung duun hu mga matatau daw nangakatunghà ha mga etaw impadayag nud en duun hu mga etaw ha harì pa agpakatuen iling hu mga batà.

Mateo 15:14

Bay-ani nuy sa mga Parisiyu ta agkailing sidan hu buta ha tagkipit daan hu duma din ha buta na bà dà sidan agkangahulug duun hu bangbang.”

Mateo 22:29

Ba inikagiyan sidan hi Jesus, “Maal en sa tag-ikagiyen nuy tumenged ta hurà nuy katun-i sa insulat ha lalang hu Dios daw sa pagkagamhanan din.

Lucas 2:46

Su ikatulu en ha aldaw human dan naahà si Jesus ha tagpinuuwà diyà ta Timplu duma hu mga manunudlù ta tagpalilimanà daw tagpanginginsaay kandan.

Lucas 5:17

Amin aldaw ha su tagpanudlù si Jesus amin daan tagpinuu ha mga Parisiyu daw mga manunudlù hu Kasuguan ha napuun duun hu alan ha mga banuwa ha sakup ta Galilea, Judea daw diyà daan ta Jerusalem. Si Jesus ginaheman hu Dios ta daw maulian din sa agkangadaluwan.

Juan 3:9

Nanginginsà si Nicodemo, “In-inuwen man hayana?”

Mga Buhat 5:34

Ba amin dan duma ha Parisiyu ha tagngaranan ki Gamaliel ha manunudlù daan hu Kasuguan daw tinahud hu mga etaw. Saena huminitindeg daw ikagi ha ipaguwà enà su mga apustulis hu nangkaatiyù.

Roma 2:28

Sa laus ha Judio kenà iyan dà sa agkasirkunsidahan daw sa laus ha pagpasirkunsida kenà duun hu lawa,

Filipos 3:3

Ba iyan kuy laus ha batà hu Dios ta sinimba taw sa Dios pinaagi hu Balaan ha Ispiritu ha sinugù din daw igkalipay taw iman sa pagpakigsabuwa taw ki Cristo Jesus. Kenà taw iyan sinaligan sa kalibutanen ha mga tulumanen

Colosas 2:11

Tumenged hu pagpakigsabuwa nuy ki Cristo iling ha pigsirkunsidahan kaw, ba kenà pinaagi hu etaw dà ta pinaagi gayed ki Cristo ta inawà din sa kinaiya nuy ha makasasalà.