Juan 21:16 - Lalang Hu Dios

¹⁶ Dayun minisab minikagi si Jesus diyà ta kandin, “Simon ha batà hi Juan, palanggà a ba ikaw?” Tuminubag si Pedro, “Hee, Ginuu, natun-an nu ha palanggà ku ikaw.” Aman inikagiyan hi Jesus, “Alimahi nu sa mga karniru ku.”

Juan 21:16 Kruisverwysings

Mateo 2:6

‘Sinyu sa mga taga-Bethlehem ha sakup ta Judea, mabantug gayed sa banuwa nuy labaw hu alan ha mga banuwa diyan, ta sa magharì hu mga etaw ku ha mga kaliwatan hi Israel diyan ta inyu agkapuun.’”

Mateo 25:32

Umatubang kanak sa alan ha kaet-etawan daw bahinen ku sidan iling hu magbalantay hu karniru ha igtapid din sa kambing duun hu karniru,

Mateo 26:72

Ba si Pedro miglimud en paman daw nanumpà, kagi din, “Harì ku agkakilala ku sin-u hayana.”

Lucas 19:10

Ta siak sa Batà hu Etaw duminini a ta kalibutan hu pagpan-ahà taena ha nangalaag daw hu pagluwas kandan.”

Juan 18:17

Su bahi nanginginsà diyà ki Pedro, “Tinun-an ka ba daan tayana ha etaw?” Ba si Pedro tuminubag, “Kenà a.”

Juan 18:25

Su taghidadang pa si Simon Pedro diyà ta guwà ininsaan hu mga etaw, “Tinun-an kad ba daan tayana ha etaw?” Ba si Pedro miglimud, “Kenà a man.”

Juan 21:17

Duun hu ikatulu ininsaan dà paman hi Jesus, “Simon ha batà hi Juan, palanggà a ba gayed ikaw?” Suminakit sa gahinawa hi Pedro ta katulu en insai ku palanggà din ba si Jesus. Ba tuminubag gihapun, “Ginuu, natun-an nud sa alan aman natun-an nu ha palanggà ku gayed ikaw.” Dayun inikagiyan hi Jesus si Pedro, “Alimahi nu sa mga karniru ku.

Mga Buhat 20:28

Aman magbantay kaw gayed duun hu pagtuu nuy daw alimahi sa mga tumutuu ha insalig inyu hu Balaan ha Ispiritu ta naangken sidan hu Dios pinaagi hu langesa hu Batà din.

Hebreo 13:20

Sa Dios ha iyan puunaan hu kalinaw mag-ila inyu hu bisan inu ha kinahanglanen pagtuman hu agkabayaan din, daw buhaten din diyan ta inyu sa makapabayà-bayà kandin pinaagi ki Cristo Jesus ha Ginuu taw sa binanhaw din daw nahimu ha bantugan ha magbalantay taw isip ha karniru kuy kandin, ta sa langesa hi Cristo Jesus iyan timaan hu hurà din katapusan ha kasabutan hu Dios daw kaet-etawan. Aman dayeen gayed hu hurà din katapusan.

1 Pedro 2:25

Su anay nailing kaw hu mga karniru ha nangalaag ba iman nakaulì kaw dà duun hu Dios ha iyan magbalantay daw tag-alima inyu.

1 Pedro 5:2

alimahan nuy gayed sa mga tumutuu ha insalig inyu hu Dios iling hu magbalantay ha tag-alima hu mga karniru din. Sa pagtanul nuy kandan kenà pineges ba inyu ha pagbayà ha iyan agkabayà-bayaan hu Dios, kenà daan tumenged hu kabayà nuy hu suhul ba tumenged ta agkabayà kaw agbulig,

Impadayag 7:17

ta sa Nati ha Karniru duun hu taliwarà ku trunu iyan magbalantay daw iyan daan panulù dan duun ku mga tuburan ha tag-ila hu kinabuhì ha hurà din katapusan. Daw pahiran hu Dios sa alan ha mga pakapaguul kandan.”