Juan 17:4 - Lalang Hu Dios

⁴ Dini ta kalibutan dinayè ku ikaw ta napengahan kud sa impabuhat nu kanak.

Juan 17:4 Kruisverwysings

Lucas 22:37

Ta ikagiyen ku inyu ha matuman gayed sa insulat ha lalang hu Dios ha tagyanaen, ‘Ag-isipen haena ha masinupaken daan.’ Sa alan ha intagnà mahitenged kanak tagkatuman en.”

Juan 12:28

Aman mig-ampù si Jesus, “Amay ku, buhata sa madayè ka pinaagi kanak.” Dayun amin lageng ha napuun diyà ta langit ha tagyanaen, “Nadayè ad en pinaagi ikaw ba madayè a pa gayed hu agbuhaten nu.”

Juan 14:13

Bisan inu sa panayuen nuy pinaagi kanak ig-ila ku gayed haena ta daw madayè sa Dios ha Amay ku tumenged kanak.

Juan 14:31

ba kinahanglan ha matun-an hu kaet-etawan ha palanggà ku sa Dios ha Amay daw buhaten ku sa alan ha insugù din kanak. Diyà kuy en.

Juan 15:10

Ku tumanen nuy sa mga sugù ku inyu harì kaw maawà duun hu pagpalanggà ku inyu. Iling hu pagtuman ku hu insugù kanak hu Dios ha Amay ku ha hurà a daan kaawà duun hu pagpalanggà din kanak.

Juan 19:28

Su malugay-lugay natun-an hi Jesus ha napengahan din en sa alan ha igpabuhat kandin hu Dios, aman uminikagi, “Agkalauwan a” ta daw matuman sa insulat ha lalang hu Dios.

Juan 19:30

Su mananam din haena minikagi, “Napengahan kud sa buluhaten ku.” Nakalengay-lengay haena dayun nabugtù sa gahinawa din.

Juan 4:34

Ba inikagiyan sidan hi Jesus, “Sa pagkaen ku iyan sa pagtuman hu agkabayaan taena ha migsugù kanak daw sa pagpenga hu alan ha igpabuhat din.

Juan 5:36

“Ba amin makapanistigus kanak ha labaw pa dì ki Juan ta sa tagbuhaten ku ha impabuhat kanak hu Dios ha Amay ku iyan en tistigus ha sinugù a gayed hu Dios.

Juan 9:3

Tuminubag si Jesus, “Sa ingkabuta din kenà tumenged ta amin din salà daw ku nakasalà ba sa mga laas din, ba iyan ingkayanaen din ta daw maahà sa gahem hu Dios pinaagi kandin.

Mga Buhat 20:24

Ba hurà ku isipa ha palanggà sa kinabuhì ku iman ta sa mahinengdanen kanak iyan sa mapengahan ku gayed sa insalig kanak hi Jesus ha Ginuu ha iyan sa pagsangyaw hu Maayad ha Tultulanen mahitenged hu grasya hu Dios.

2 Timoteo 4:7

Dinawat ku sa alan ha mga alantusen isip buutan ha sundalu hi Cristo Jesus, nauma kud sa daeganan daw tagpadayun a iman hu pagtuu.