Juan 15:10 - Lalang Hu Dios

¹⁰ Ku tumanen nuy sa mga sugù ku inyu harì kaw maawà duun hu pagpalanggà ku inyu. Iling hu pagtuman ku hu insugù kanak hu Dios ha Amay ku ha hurà a daan kaawà duun hu pagpalanggà din kanak.

Juan 15:10 Kruisverwysings

Juan 10:18

Hurà gayed makapatay kanak ba ku matay a kanak en ha pagbayà. Amin ku katenged hu pagpakamatay daw amin ku daan gahem ha mabanhaw a dà ta iyan haini insugù kanak hu Dios ha Amay ku.”

Juan 12:49

Ta sa tag-ikagiyen ku kenà kanak ha henà-henà ba iyan sa igpaikagi kanak hu Dios ha Amay ku ha migsugù kanak.

Juan 14:15

“Ku pinalanggà a inyu tumanen nuy sa mga sugù ku inyu.

Juan 14:21

Bisan sin-u sa magpaliliman hu mga kasuguan ku daw magtuman taena palanggà a kandin. Saena ha tagpalanggà kanak palanggà daan hu Amay ku daw palanggà ku daan daw igpakilala ku kandin ku sin-u a.”

Juan 14:23

Tuminubag si Jesus, “Bisan sin-u sa tagpalanggà kanak tagtuman hu tigtudlù ku. Palanggaen haena hu Amay ku ta siak daw sa Amay ku diyà kay en tagtimà ta kandin.

Juan 14:31

ba kinahanglan ha matun-an hu kaet-etawan ha palanggà ku sa Dios ha Amay daw buhaten ku sa alan ha insugù din kanak. Diyà kuy en.

Juan 17:4

Dini ta kalibutan dinayè ku ikaw ta napengahan kud sa impabuhat nu kanak.

Juan 4:34

Ba inikagiyan sidan hi Jesus, “Sa pagkaen ku iyan sa pagtuman hu agkabayaan taena ha migsugù kanak daw sa pagpenga hu alan ha igpabuhat din.

Juan 8:29

Sa Amay ku ha migsugù kanak tagduma gayed kanak. Harì a kandin igpatayà ta sigi ku tagbuhaten sa agkabayà-bayaan din.”

Juan 8:55

Harì nuy agkakilala ba siak agkakilala ku gayed. Ku naikagi ku pa ngaay ha harì ku haena agkakilala iling a dà inyu ha biduen. Ba saena nakilala ku gayed aman tagtuman a hu mga lalang din.

1 Corinto 7:19

Ta saena ha mga tulumanen hurà taena pulus ta sa mahinengdanen gayed iyan sa pagtuman hu mga sugù hu Dios.

1 Tesalonica 4:1

Mga suled, tinudluan day en inyu hu batasan ha igkabayà-bayà hu Dios ha iyan en tagbuhaten nuy iman. Ba tumenged ta nakigsabuwa kuy en ki Jesus ha Ginuu taw hangyuen day inyu ha ipaiseg nuy pa gayed haena.

Hebreo 7:26

Si Jesus iyan tungkay labaw ha sinaligan hu paghalad ha tagkinahanglanen taw gayed ta himpit daw hurà makasaway kandin tumenged ta kenà iling hu etaw ha makasasalà daw impatangkaw haini labaw hu alan.

2 Pedro 2:21

Maayad pa ngaay ku hurà dan en bul-ug katun-i sa pagkamatareng dì sa natun-an dan haena ba insalikway dan dà sa kasuguan ha napaliman dan.

1 Juan 2:3

Sa timaan ha agkakilala taw sa Dios iyan sa pagtuman taw hu mga sugù din.

1 Juan 2:5

Ba bisan sin-u sa magtuman hu lalang din mahimpit gayed sa pagpalanggà kandin. Iyan haini timaan ha nakigsabuwa kuy gayed hu Dios

1 Juan 2:6

ku sa batasan taw matareng iling ki Jesus su dini pa ta kalibutan.

1 Juan 5:3

ta sa laus ha pagpalanggà hu Dios iyan sa pagtuman hu mga sugù din. Daw saini kenà malegen kanuy

Impadayag 22:14

Malipayen gayed sa mga etaw ha nahenawan en sa salà dan ta tumenged taena amin dan katenged ha makakaen hu bunga ku kayu ha pakaila hu kinabuhì daw makaseled daan sidan duun hu pultahan taena ha banuwa.