Juan 10:6 - Lalang Hu Dios

⁶ Iyan haini pananglitan ha inikagi kandan hi Jesus ba hurà dan katun-i ku inu sa kahulugan taena.

Juan 10:6 Kruisverwysings

Mateo 13:34

Inikagi haena hi Jesus duun hu mga etaw pinaagi hu mga pananglitan. Sa alan ha inikagi hi Jesus kandan pinaagi dà gayed hu mga pananglitan.

Mateo 13:51

Dayun ininsaan sidan hi Jesus, “Nasabut nuy ba sa tag-ikagiyen ku?” Tuminubag sidan, “Hee.”

Marcos 4:34

Sa alan ha inikagi din kandan pinaagi dà gayed hu mga pananglitan. Ba ku iyan dà sidan hu mga tinun-an din igsaysay din kandan sa kahulugan taena.

Juan 16:25

“Sa pagtudlù ku inyu iman pinaagi dà hu mga pananglitan, ba makauma sa panahun ha harì ad en gumamit hu mga pananglitan ta mapayag en sa pag-ikagi ku mahitenged hu Dios ha Amay ku.

Juan 16:29

Minikagi sa mga tinun-an din, “Tungkay gayed mapayag sa pag-ikagi nu iman ta kenà en mga pananglitan.

Juan 6:52

Dayun migsawalà sa mga etaw ha tagyanaen, “In-inuwen taini ha etaw sa pag-ila kanuy hu lawa din ta daw makaen taw?”

Juan 6:60

Su mapaliman haena hu mga sumusunud hi Jesus madakel kandan sa tag-ikagi, “Malegen taw gayed madawat sa intudlù din. Sin-u gid sa tumuu duun?”

Juan 7:36

Inu gid sa kahulugan taena ha inikagi din ha bisan ku pan-ahaen taw ba harì en gayed matulen daw harì kuy en makaduun hu agpayanan-an din?”

Juan 8:27

Hurà makasabut sa mga etaw ha sa tagsubayen hi Jesus iyan sa Dios ha Amay din.

Juan 8:43

Harì nuy agkasabut sa tag-ikagiyen ku inyu ta harì kaw tagpaliliman hu tigtudlù ku inyu.

1 Corinto 2:14

Sa etaw ha kalibutanen harì agdawat hu tigtudlù hu Balaan ha Ispiritu ha sinugù hu Dios ta harì din haini agkasabut daw ag-isipen din daan ha bà dà binuang, ta sa tagpasabut taini iyan dà gayed sa inulinan hu Balaan ha Ispiritu.

2 Pedro 2:22

Saini ha agkaula-ula dan iyan katumanan hu lalang ha tagyanaen, “Sa asu agkan-en din dà sa utà din daw sa babuy bisan pakaglanguy en tagtunà dà gihapun.”

1 Juan 5:20

Natun-an taw daan ha sa Batà hu Dios duminini ta kalibutan daw nailawan din sa henà-henà taw ta daw makilala taw ku sin-u sa laus ha Dios. Iman sabuwa kuy dà hu Dios daw ki Cristo Jesus sa Batà din ha Dios daan daw puunaan hu kinabuhì ha hurà din katapusan.