Juan 10:25 - Lalang Hu Dios

²⁵ Tuminubag si Jesus, “Inikagiyan kud en inyu ba hurà kaw tuu kanak. Sa mga belenganen ha binuhat ku ha insugù hu Dios ha Amay ku iyan migpakilala ku sin-u a

Juan 10:25 Kruisverwysings

Juan 10:32

Ba inikagiyan sidan hi Jesus, “Madakel en sa impaahà ku inyu ha mga belenganen ha impabuhat kanak hu Dios ha Amay ku. Inu man sa igbatuwa nuy kanak?”

Juan 10:37

Harì kaw tumuu kanak ku kenà ku iyan tagbuhaten sa insugù kanak hu Dios ha Amay ku.

Juan 10:38

Ba tumenged ta iyan haena tagbuhaten ku, bisan ku harì kaw tumuu kanak ba tuuwan nuy ngaay sa mga belenganen ta daw matun-an nuy gayed ha sa Dios ha Amay ku dini ta kanak daw diyà a daan ta kandin.”

Juan 11:47

Aman sa mga labaw ha sinaligan hu paghalad daw sa mga Parisiyu inamul-amul dan sa alan ha duma dan ha mga labaw ha agalen hu mga Judio. Miglalang-lalang sidan, “In-inuwen taw haena sa etaw ha madakel en sa nabuhat din ha belenganen?

Juan 12:37

Bisan pa ku madakel gayed sa binuhat hi Jesus ha belenganen ba hurà sidan tuu kandin.

Juan 14:11

Aman tuu kaw hu tag-ikagiyen ku ha siak daw sa Amay ku sabuwa kay dà. Ku harì kaw agtuu hu inikagi ku tuu kaw tumenged hu mga buhat ku.

Juan 20:30

Madakel pa ha mga belenganen sa naahà hu mga tinun-an hi Jesus ba hurà en isulat duun taini ha libru.

Juan 3:2

Su masukilem en duminiyà haena ki Jesus daw ikagiyi, “Manunudlù, natun-an day ha iyan ka manunudlù ha sinugù hu Dios ta sa mga belenganen ha tagbuhaten nu iyan dà pakahimu duun sa etaw ha tagdumahan hu Dios.”

Juan 7:31

Madakel ha mga etaw sa tuminuu kandin daw kagi dan, “Iyan en gayed haini su Misiyas ta hurà en makahimu hu labaw pa ha mga belenganen dì kandin.”

Juan 8:12

Su magtudlù en paman si Jesus duun taena ha mga etaw minikagi haena, “Iyan a sulù ha pakailaw hu henà-henà hu kaet-etawan. Bisan sin-u sa agsunud kanak harì gayed duun taghipanaw hu kasukileman ta amin din sulù ha tag-ila hu kinabuhì ha hurà din katapusan.”

Juan 8:24

Inikagiyan kud en inyu ha matay kaw en duun hu mga salà nuy ku harì kaw tumuu ha iyan ad su duduun en su anay.”

Juan 8:56

Su gin-apuan nuy ha si Abraham nalipay gayed su matun-an din ha dumini a ta kalibutan.”

Juan 8:58

Tuminubag si Jesus, “Laus gayed sa ag-ikagiyen ku inyu ha su hurà pa ibatà si Abraham duduun ad en.”

Mga Buhat 10:38

ha pigpaulinan hu Dios si Jesus ha taga-Nazareth hu Balaan ha Ispiritu daw ginaheman din. Aman migduun-duun si Jesus hu mga banuwa daw binuligan din sa taglised daw naulian din daan sa pinasipalahan hi Satanas ta sa Dios tagduma gayed kandin.

Mga Buhat 2:22

“Sinyu sa mga duma ku ha kaliwat hi Israel, palilimani nuy haini sa ag-ikagiyen ku ha si Jesus sa taga-Nazareth sinugù hu Dios. Sa timaan taena iyan sa pagkagamhanan din daw sa mga belenganen ha impabuhat kandin hu Dios. Natun-an nuy en haini ta nahitabù en diyan ta inyu.

Hebreo 2:3

in-inuwen taw man paglikay hu paghukum hu Dios ku bay-anan taw sa kamatuuran mahitenged hu mahinengdanen gayed ha kaluwasan? Sa nauna ha migpadayag taini ha kaluwasan iyan sa Ginuu dayun sa mga etaw ha nakapaliman kandin nanunultul dini ta kanuy.