Juan 1:21 - Lalang Hu Dios

²¹ Aman nanginginsà sidan, “Sin-u ka diay? Iyan kad en ba si Elias ha prupita?” Ba tuminubag si Juan, “Kenà a iyan.” Minisab sidan nanginginsà, “Iyan kad en ba su tagsalapen day ha Prupita?” Tuminubag gihapun si Juan, “Kenà a daan iyan.”

Juan 1:21 Kruisverwysings

Mateo 11:14

Maayad ku tuuwan nuy gayed ha si Juan iyan katumanan hu tagnà ha makauna si Elias dini dì hu Misiyas.

Mateo 16:14

Tuminubag sidan, “Sa duma tag-ikagi ha iyan ka kun si Juan Ha Tagpamautismu daw sa duma tag-ikagi daan ha iyan ka kun si Elias. Sa duma tag-ikagi ha iyan ka kun si Jeremias daw ku iyan ka ba sa sabuwa duun hu mga prupita.”

Mateo 21:11

Tuminubag haena sa namanduma ki Jesus, “Iyan en haini si Jesus ha prupita ha diyà napuun ta Nazareth ha sakup ta Galilea.”

Lucas 1:17

Iyan haena agkauna dì hu Ginuu daw sa gahem din iling ki Elias ha prupita ta daw makag-uliay sa maayad ha pagdapità hu mga batà duun hu mga laas dan, daw sa mga etaw ha masinupaken makaghinulsul daan dayun makalikù duun hu maayad ha panghenà-henà. Iyan haena makapangandam hu kaet-etawan hu pagpakauma hu Ginuu.”

Juan 1:22

Aman minikagi sidan, “Ikagiyi kay ku sin-u ka ta kinahanglan ha amin day makatultul taena ha migsugù kanay. Inu sa maikagi nu mahitenged hu kaugalingen nu?”

Juan 1:25

nanginginsà, “Ku kenà ka iyan su Misiyas daw ku kenà ka daan iyan si Elias daw saena ha tagsalapen day ha Prupita, imbà nu agpamautismuwi sa mga etaw?”

Juan 6:14

Su maahà hu mga etaw haena sa belenganen ha binuhat hi Jesus minikagi sidan, “Iyan en gayed hayan su tagsalapen taw ha Prupita ha igpadini ta kalibutan.”

Juan 7:40

Su mapaliman hu mga etaw sa inikagi hi Jesus sa duma kandan minikagi, “Laus gayed ha iyan en haena su tagsalapen taw ha Prupita.”