Filemon 1:16 - Lalang Hu Dios

¹⁶ Iman saini kenà nud en ulipen ba nabuhat en ha suled nu duun hu pagtuu. Saini palanggà ku tungkay ba ayuwà nu pa gayed palangga ta ulipen nu daw suled nu pa gayed duun hu pagtuu hu Ginuu.

Filemon 1:16 Kruisverwysings

Mateo 23:8

“Ba harì nuy tugutan sa mga etaw ha umawen kaw kandan ha Manunudlù ta migsusuled kaw dà daw iyan a dà Manunudlù nuy.

Mga Buhat 9:17

Aman si Ananias duminuun taena ha balay. Su makaseled en dinampà din si Saulo daw ikagiyi, “Suled ku ha Saulo, si Jesus ha Ginuu ha natalagbù nu diyà ta dalan su tagdini ka sinugù a kandin dini ta daw makaindan ka daw ulinan ka hu Balaan ha Ispiritu.”

1 Corinto 7:22

Ta sa ulipen ha nakatuu inisip hu Ginuu ha kenà ulipen, daw sa kenà ulipen su anay makatuu nabuhat ha ulipen hi Cristo.

Colosas 3:22

Sinyu sa mga suluguen, magmatinumanen kaw duun hu mga agalen nuy. Saini kenà bà dà pagtuman ta daw maahà hu agalen nuy daw mabayà-bayà sidan, ba buhata haena ha matinud-anen gayed tumenged hu pagtahud nuy hu Ginuu.

1 Timoteo 6:2

Ku tumutuu daan sa agalen dan kinahanglan harì dan awaen sa pagtahud dan tumenged ta migsuled dà sidan duun hu pagtuu. Ba ipalabaw dan pa gayed sa pagtrabahu ta sa agkabuligan dan iyan sa palangga dan duun hu pagtuu. Saini ha insulat ku diyan ta ikaw alan nu gayed itudlù.

Hebreo 3:1

Mga suled sinyu sa hinimu daan hu Dios ha mga etaw din, henhenaa nuy gayed si Jesus sa apustul ha sinugù hu Dios daw nabuhat ha tungkay labaw ha sinaligan hu mga etaw duun hu Dios sumalà hu tinuuwan taw.

1 Juan 5:1

Bisan sin-u sa tuminuu ha si Jesus iyan en su Misiyas saena batà gayed hu Dios. Daw bisan sin-u sa tagpalanggà hu amay palanggaen din daan sa mga batà din.