1 Juan 1:9 - Lalang Hu Dios

⁹ Ba ku isugid taw duun hu Dios sa mga salà taw agpasayluwen din daw aglimpyuwan kuy kandin duun hu mga madaet ha buhat taw, ta matinumanen daw matareng sa Dios.

1 Juan 1:9 Kruisverwysings

Mateo 3:6

Insugid dan sa mga salà dan aman pigbautismuwan sidan hi Juan diyà ta Wahig ta Jordan.

Marcos 1:5

Madakel ha mga etaw sa namandiyà ta kandin ha nangapuun ta Jerusalem daw duun hu mga banuwa ha sakup ta Judea. Insugid dan sa mga salà dan aman pigbautismuwan sidan hi Juan diyà ta Wahig ta Jordan.

Lucas 22:57

Ba migbidù si Pedro hu kagi din, “Harì ku agkakilala ku sin-u hayana.”

Juan 17:25

“Matareng ha Amay ku, saena ha harì agtuu kanak hurà dan kakilala ku sin-u ka, ba siak nakilala kud en ikaw daw natun-an hu mga etaw ha sinugù a ikaw dini.

Mga Buhat 19:18

Madakel sa tuminuu ha migsugid hu mga madaet ha buhat dan.

Roma 3:26

ba iman pinaagi hu kamatayen hi Cristo Jesus tumenged hu mga salà taw nadayag sa Dios ha matareng gayed daw ag-isipen din daan ha matareng sa agtuu ki Jesus.

1 Corinto 1:9

Kasaligan gayed sa Dios ha iyan mighimu inyu ha tumutuu ta daw amin nuy pagdapità hu Batà din ha si Cristo Jesus ha Ginuu taw.

1 Corinto 6:11

Sa duma inyu agkailing taini su anay. Ba iman nahenawan en sa mga salà nuy daw himpit kaw en iman ha etaw hu Dios. Nabuhat kaw daan ha matareng pinaagi ki Cristo Jesus ha Ginuu daw hu Balaan ha Ispiritu ha sinugù hu Dios.

Efeso 5:26

ta daw mabuhat kuy kandin ha mga etaw hu Dios ta nalimpyuwan kuy kandin pinaagi hu wahig daw hu lalang din.

1 Timoteo 1:15

Saini ha mga lalang kasaligan gayed daw kinahanglan tuuwan hu kaet-etawan ha si Cristo Jesus duminini ta kalibutan pagluwas hu mga makasasalà. Iyan a gayed labaw hu alan ha makasasalà,

Tito 2:14

ha migpakamatay para kanuy ta daw malibri kuy duun hu pagkaulipen taw hu salà, daw aghimpiten kuy kandin ta daw mabuhat kuy ha mga etaw din ha madasigen pagbuhat hu maayad.

Hebreo 10:23

Harì kuy gayed magduwa-duwa ba pangesegan taw haena sa taghinamen taw ta natun-an taw en ha matinumanen gayed sa Dios hu insaad din kanuy.

Hebreo 11:11

Tumenged hu pagtuu si Sarah ha igbahi hi Abraham nabedes bisan ku magulang en tungkay ha hurà pamatà, ta tinuuwan din gayed sa insaad kandin hu Dios.

Hebreo 6:10

Sa Dios matareng gayed aman harì din aglipatan sa mga maayad ha binuhat nuy daw sa pagpalanggà nuy kandin ha nadayag pinaagi hu pagbulig nuy hu mga tumutuu ha sigi nuy pa tagbuhaten iman.

1 Juan 1:7

Ba ku sa tagbuhaten taw iyan sa mga buhat duun hu kapawaan ha duun daan sa Dios amin taw pakigdapità daw sigi kuy taglimpyuwi duun hu mga salà taw pinaagi hu langesa hi Jesus sa Batà din.

Impadayag 15:3

daw tagkanta sidan hu mga kalantahen taena ha suluguen hu Dios ha si Moises daw hu Nati ha Karniru ha tagyanaen, “Sikaw sa Dios ha gamhanan daw Magbabayà hu alan, gamhanan gayed daw belenganen sa alan ha mga buhat nu. Iyan ka Harì hu alan ha kaet-etawan daw matareng daw kamatuuran sa alan ha mga buhat nu.