Yo 4:53 - Sơ̆p Hlabơar Nơ̆r 'Bok Kei-Dei

⁵³ 'Bok kuan ei băt hloi kơplah mônh jơ 'năr glơh brei 'blep hloi kơ jơ Yêsu khan kơ sư, khan kon sư huay kơ lôch. Thoi noh na 'bok kuan ei lui hloi kơ Yêsu păng đĭ-đăng hnam dơnŏ sư kư̆m lui mơ̆n.

Yo 4:53 Kruisverwysings

Luka 19:9

Yêsu khan kơ sư: “Năr âu 'Bok Kei-Dei pơklaih hnam dơnŏ iĕm boih na ih, mă đe jô̆ thoi noh, ih kư̆m kon sâu Abraham thoi đe noh mơ̆n.

Horiso 107:20

Sư tơlĕch nơ̆r păng pơklaih jĭ lu sư, Sư dui hơtŏk lu sư đơ̆ng sơlŭng bơsat.

Jang 18:8

Kripơ kră wei-lăng hnam akŭm bơngai Juđê, sư tam mă lui kơ Kră Yang Yêsu na đơ̆ng Pôl bơtho sư, na sư păng đĭ-đăng hnam dơnŏ sư kư̆m lui mơ̆n. Kư̆m đei lơ bơngai nai dơ̆ng lăm Pơlei Kôrintô mơ̆ng Pôl bơtho lu sư, na lu sư lui hloi kơ Kră Yang Yêsu păng iŏk 'batem.

Jang 16:34

Sư atŏk bre Pôl păng Silas tơ hnam sư, ăn tơmam sŏng sa kơ bre sư. Jơhngơ̆m sư păng hnam dơnŏ sư chơt hiôk yua kơ lui kơ 'Bok Kei-Dei boih.

Jang 11:14

Sư gô bơtho ih, na 'Bok Kei-Dei gô pơklaih ih păng đĭ-đăng hnam dơnŏ ih.’

Jang 16:15

Na yă Liđa păng đĭ-đăng hnam dơnŏ sư iŏk 'batem. Sư khan kơ nhôn: “Yah iĕm băt tơchĕng inh lui kơ Kră Yang Yêsu boih, inh apinh iĕm tŏk 'bĭch tơ hnam inh.” Sư pơtơm 'bĭch tơ hnam sư na nhôn tŏk 'bĭch pơdơh tơ hnam sư hloi.

Jang 2:39

'Nâu nơ̆r 'Bok Kei-Dei Sư pơkă ăn kơ iĕm, kơ lu kon sâu iĕm păng lu bơngai mă oei tơ ataih đơ̆ng bơ̆n, dôm lu bơngai 'Bok Kei-Dei Kră Yang bơ̆n krao iŏk wă lui kơ Sư.”

Mathiơ 8:13

Yêsu khan dơ̆ng kơ 'bok tih linh: “Brŏk mă 'lơ̆ng, đĭch ih klaih boih yua kơ ih lui.” Đĭch sư klaih hloi đơ̆ng jơ 'noh tơpă.

Horiso 33:9

Đơ̆ng Sư sơkat, na đei hloi, Sư athei, na tơmam kơjăp hlŏng hloi.

Yo 4:52

Na 'bok kuan ei jet lu đĭch sư khan: “Sư 'nao klaih layơ?” Lu sư khan: “Klaih đơ̆ng mônh jơ 'năr lăp glơh brei, sư klaih hloi kơ bơlŏ.”

Yo 4:51

Kơplah sư oei yak rok trong na sư tơ'bơ̆p lu đĭch sư giong khan kơ sư. Lu sư khan: “Kon ih klaih boih.”